- nang so dar rgyas
- ID:
- T234911
- ནང་སོ་དར་རྒྱས (Tibetan, Tibetan script, Original)
- > nang so dar rgyas (Tibetan, Latin script, Transliteration-THL Extended Wylie Transliteration)
- > nangso dargyé (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
བྱང་ངོས་ནང་སོ་དར་རྒྱས་ཞེས་ཏཱ་ལའི་བླ་མ་སྐུ་ཕྲེང་ལྔ་པའི་བླ་སྨན་གནང་བ་དང། ལྷ་དབང་ལྕོག（ཤར་ཆེན་ལྕོག་）ཏུ་གསོ་རིག་སློབ་གྲྭ་གསར་འཛུགས་མཛད་སྐབས་སློབ་དཔོན་གྱི་ཐུགས་འགན་བཞེས། ཏཱ་ལའི་བླ་མ་ལྔ་པ་ཆེན་པོས་བྱང་ངོས་ནང་སོ་དར་རྒྱས་ནས་གསོ་རིག་གི་བཤད་པ་དང་ས་བཅད་སོགས་གསན་བཞེས་གནང། རབ་བྱུང་བཅུ་གཅིག་པའི་ཆུ་སྟག་（༡༦༦༢）ལོར་རྒྱད་བཞི་གྲ་ཐང་སོར་བཞག་གིས་པར་བརྐོ་མཛད་སྐབས་ཏཱ་ལའི་བླ་མ་ལྔ་པ་ཆེན་པོས་པར་བྱང་གནང་བའི་ནང་“སྤྲུལ་ཞིང་ལྟ་ན་སྡུག་པའི་གྲོང་ཁྱེར་ནས། །རིག་པའི་ཡི་ཤེས་མི་ཡི་གཟུགས་བསྒྱུར་པ། །སྲོག་འཚོའི་མཆོད་སྤྲིན་འགྱེད་མཁས་བྱང་ངོས་ལ། །གསོ་རིག་དར་རྒྱས་བྱེད་པོས་བསྐུལ་བ་ལས་”ཞེས་སོགས་གསུངས་ཤིང། བྱང་ངོས་ནང་སོ་དར་རྒྱས་ཀྱིས་གསོ་རིག་སྤེལ་བའི་བྱ་བ་མང་དུ་མཛད་མཐར་མེ་སྦྲུལ་（༡༦༧༧）ལོ་ཟླ་བ་བཅུ་གཅིག་པའི་ནང་སྐུ་གཤེགས་ཤིང་སྐུ་ན་སྨིན་པོ་བཞུགས་ཡོད་ཀྱང་འཁྲུངས་ལོ་མ་གསལ་སྟབས་དགུང་གྲངས་གསལ་བར་མ་ངེས། ནང་སོ་ནོར་བུ།
- language:
- Tibetan
2. Thupten Phuntsok Dictionary
བྱང་ངོས་ནང་སོ་དར་རྒྱས་ཞེས་ཏཱ་ལའི་བླ་མ་སྐུ་ཕྲེང་ལྔ་པའི་བླ་སྨན་གནང་བ་དང་། ལྷ་དབང་ལྕོག (ཤར་ཆེན་ལྕོག) ཏུ་གསོ་རིག་སློབ་གྲྭ་གསར་འཛུགས་མཛད་སྐབས་སློབ་དཔོན་གྱི་ཐུགས་འགན་བཞེས། ཏཱ་ལའི་བླ་མ་ལྔ་པ་ཆེན་པོས་བྱང་ངོས་ནང་སོ་དར་རྒྱས་ནས་གསོ་རིག་གི་བཤད་པ་དང་ས་བཅད་སོགས་གསན་བཞེས་གནང་། རབ་བྱུང་བཅུ་གཅིག་པའི་ཆུ་སྟག (༡༦༦༢) ལོར་རྒྱུད་བཞི་གྲ་ཐང་སོར་བཞག་གིས་པར་བརྐོ་མཛད་སྐབས། ཏཱ་ལའི་བླ་མ་ལྔ་པ་ཆེན་པོས་པར་བྱང་གནང་བའི་ནང་ལས། སྤྲུལ་ཞིང་ལྟ་ན་སྡུག་པའི་གྲོང་ཁྱེར་ནས། །རིག་པའི་ཡེ་ཤེས་མི་ཡི་གཟུགས་བསྒྱུར་པ། །སྲོག་འཚོའི་མཆོད་སྤྲིན་འགྱེད་མཁས་བྱང་ངོས་ལ། །གསོ་རིག་དར་རྒྱས་བྱེད་པོས་བསྐུལ་བ་ལས། །ཞེས་སོགས་གསུངས་ཤིང་། བྱང་ངོས་ནང་སོ་དར་རྒྱས་ཀྱིས་གསོ་རིག་སྤེལ་བའི་བྱ་བ་མང་དུ་མཛད་མཐར་མེ་སྦྲུལ (༡༦༧༧) ལོ་ཟླ་བ་བཅུ་གཅིག་པའི་ནང་སྐུ་གཤེགས་ཤིང་སྐུ་ན་སྨིན་པོ་བཞུགས་ཡོད་ཀྱང་འཁྲུངས་ལོ་མ་གསལ་སྟབས་དགུང་གྲངས་གསལ་བར་མ་ངེས།
- language:
- Tibetan