- ne phyung ri btsun dgon
- ID:
- T235033
- ནེ་ཕྱུང་རི་བཙུན་དགོན (Tibetan, Tibetan script, Original)
- > ne phyung ri btsun dgon (Tibetan, Latin script, Transliteration-THL Extended Wylie Transliteration)
- > né chung ri tsün gön (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
ནེ་ཕྱུང་རི་བཙུན་དགོན་ནི་ཐོག་མར་སེ་ར་དགོན་པ་ཆགས་སའི་འགྲམ་དུ་ཡོད་སྐད། ཐོག་མ་སྤྱི་ལོའི་དུས་རབས་བཅུ་གཉིས་པའི་ནང་ཞང་གཡུ་བྲག་པའི་སློབ་མ་རབ་འབྱམས་ཆོས་རྗེས་སྒྲུབ་སྡེ་བཏབ་ནས་ཚལ་པ་བཀའ་བརྒྱུད་ཀྱི་དགོན་པ་ཞིག་ཡིན་ནའང་དུས་རབས་བཅོ་ལྔ་པའི་ནང་རྗེས་ཙོང་ཁ་པ་སེ་ར་ཆོས་ལྡིངས་སུ་བཞུགས་སྐབས་སྒྲུབ་སྡེ་དེའི་བླ་སློབ་ཡོངས་ནས་རྗེ་ཙོང་ཁ་པའི་ཞབས་ལ་གཏུགས། དེ་རྗེས་གུང་རུ་རྒྱལ་མཚན་བཟང་པོས་སེ་རའི་ཁྲི་པ་མཛད་སྐབས་ས་བཙུན་མ་ཕལ་ཆེ་བས་གྲུབ་མཐའ་དགེ་ལུགས་འཛིན་ཅིང། སེ་ར་སྤོ་བོ་ཁང་ཚན་དང། གུང་རུ་ཁང་ཚན། ནེ་ཕྱུང་རི་བཅས་ནི་སྟོད་པ་མཁན་པོས་ཞལ་བདག་གནང། དེ་དུས་བཙུན་མའི་སློབ་དཔོན་མཁའ་སྤྱོད་དཔལ་མོས་གྲྭ་བཙུན་མཉམ་དུ་བསྡད་ན་མི་ལེགས་པས་བཙུན་དགོན་དེ་ད་ལྟའི་དགོན་པ་ཆགས་སར་སྤོས་སྐད། བཙུན་དགོན་དེར་ནེའུ་ཆུང་རི་དང། མི་ཆུང་རི་། ནེ་ཕྱུང་རི་སོགས་འབོད་ཅིང། ནེ་ཆུང་རི་ཞེས་པ་ནི་རི་དེ་བྲག་རི་ཡིན་རུང་དགོན་པ་ཆགས་ས་དེར་ནེའུ་སིང་ཆུང་ཆུང་ཞིག་ཡོད་པས་ཡིན་ཟེར། མི་ཆུང་རི་ཟེར་དོན་ནི་རི་ངོས་སུ་མི་ཆུང་ཆུང་ཞིག་བསྡད་པ་འདྲ་བའི་རི་མོ་ཡོད་པས་ཡིན་སྐད། ནེ་ཕྱུང་རི་ཞེས་པ་ནི་མཁའ་སྤྱོད་དཔལ་མོས་བཙུན་དགོན་སྤོ་སའི་ས་བརྟག་མཛད་སྐབས་བྱ་ནེ་ལེ་ཞིག་གིས་ནང་རྟེན་བཀྲམ་པའི་དཀྱིལ་ནས་རབ་འབྱམས་ཆོས་རྗེའི་གཏོར་ཆས་བླུག་པའི་སྣོད་དེ་ཕྱུང་（མང་པོའི་ནང་ནས་བཏོན་པའི་དོན་）ནས་ད་ལྟའི་དགོན་པ་ཆགས་ས་དེར་བསྐྱུར་བས་ནེ་ཕྱུང་རི་ཡིན་ཞེས་བརྗོད་སྲོལ་ཡོད།
- language:
- Tibetan
2. Thupten Phuntsok Dictionary
ནེ་ཕྱུང་རི་བཙུན་དགོན་ནི། ཐོག་མར་སེ་ར་དགོན་པ་ཆགས་སའི་འགྲམ་དུ་ཡོད་སྐད། ཐོག་མ་སྤྱི་ལོའི་དུས་རབས་བཅུ་གཉིས་པའི་ནང་ཞང་གཡུ་བྲག་པའི་སློབ་མ་རབ་འབྱམས་ཆོས་རྗེས་སྒྲུབ་སྡེ་བཏབ་ནས་ཚལ་པ་བཀའ་བརྒྱུད་ཀྱི་དགོན་པ་ཞིག་ཡིན་ནའང་། དུས་རབས་བཅོ་ལྔ་པའི་ནང་རྗེ་ཙོང་ཁ་པ་སེ་ར་ཆོས་སྡིངས་སུ་བཞུགས་སྐབས་སྒྲུབ་སྡེ་དེའི་བླ་སློབ་ཡོངས་ནས་རྗེ་ཙོང་ཁ་པའི་ཞབས་ལ་གཏུགས། དེ་རྗེས་གུང་རུ་རྒྱལ་མཚན་བཟང་པོས་སེ་རའི་ཁྲི་པ་མཛད་སྐབས་སུ་བཙུན་མ་ཕལ་ཆེ་བས་གྲུབ་མཐའ་དགེ་ལུགས་འཛིན་ཅིང་། སེ་ར་སྤོ་བོ་ཁང་ཚན་དང་། གུང་རུ་ཁང་ཚན། ནེ་ཕྱུང་རི་བཅས་ནི་སྟོད་པ་མཁན་པོས་ཞལ་བདག་གནང་། དེ་དུས་བཙུན་མའི་སློབ་དཔོན་མཁའ་སྤྱོད་དཔལ་མོས་གྲྭ་བཙུན་མཉམ་དུ་བསྡད་ན་མི་ལེགས་པས་བཙུན་དགོན་དེ་ད་ལྟའི་དགོན་པ་ཆགས་སར་སྤོས་སྐད། བཙུན་དགོན་དེར་ནེའུ་ཆུང་རི་དང་། མི་ཆུང་རི། ནེ་ཕྱུང་རི་སོགས་འབོད་ཅིང་། ནེ་ཆུང་རི་ཞེས་པ་ནི་རི་དེ་བྲག་རི་ཡིན་རུང་དགོན་པ་ཆགས་ས་དེར་ནེའུ་གསིང་ཆུང་ཆུང་ཞིག་ཡོད་པས་ཡིན་ཟེར། མི་ཆུང་རི་ཟེར་དོན་ནི་དངོས་སུ་མི་ཆུང་ཆུང་ཞིག་བསྡད་པ་འདྲ་བའི་རི་མོ་ཡོད་པས་ཡིན་སྐད། ནེ་ཕྱུང་རི་ཞེས་པ་ནི་མཁའ་སྤྱོད་དཔལ་མོས་བཙུན་དགོན་སྤོ་སའི་ས་བརྟག་མཛད་སྐབས་བྱ་ནེ་ལེ་ཞིག་གིས་ནང་རྟེན་བཀྲམ་པའི་དཀྱིལ་ནས་རབ་འབྱམས་ཆོས་རྗེའི་གཏོར་ཆས་བླུག་པའི་སྣོད་དེ་ཕྱུང་࿎མང་པོའི་ནང་ནས་བཏོན་པའི་དོན) ནས་ད་ལྟའི་དགོན་པ་ཆགས་ས་དེར་བསྐྱུར་བས་ནེ་ཕྱུང་རི་ཡིན་ཞེས་བརྗོད་སྲོལ་ཡོད།
- language:
- Tibetan