- paN chen ye shes rtse mo
- ID:
- T235712
- པཎ་ཆེན་ཡེ་ཤེས་རྩེ་མོ (Tibetan, Tibetan script, Original)
- > paN chen ye shes rtse mo (Tibetan, Latin script, Transliteration-THL Extended Wylie Transliteration)
- > penchen yeshe tsemo (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
ཆོས་སྡེ་ཆེན་པོ་བཀྲ་ཤིས་ལྷུན་པོའི་ཁྲི་ཐོག་བཞི་པ་འདི་ཉིད་རབ་བྱུང་བདུན་པའི་ཆུ་གླང(༡༤༣༣)ལོར་སྲད་ཀྱི་སའི་ཆར་སྐུ་འཁྲུངས། མཁར་ཆེན་བྲག་ནས་རབ་ཏུ་བྱུང་། སྐུ་གཞོན་ནུའི་དུས་ནས་སྔགས་ཀྱི་ཕྱག་ལེན་ལ་མཁས། དེ་ནས་བཀྲ་ཤིས་ལྷུན་པོར་ཕེབས་ཏེ་རྗེ་དགེ་འདུན་གྲུབ་དང་། དྲི་མེད་བཤེས་ལཉེན་གྱི་ཞབས་ལ་གཏུགས་ནས་ཟབ་ཆོས་མང་དུ་གསན། ས་སྐྱ་དང་སྣར་ཐང་སོགས་སུ་པོ་ཏི་མང་པོ་གྲྭ་སྐོར་མཛད། པཎ་ཆེན་བཟང་པོ་བཀྲ་ཤིས་ལས་གསང་སྔགས་ཀྱི་དབང་ལུང་སོགས་རྒྱ་ཆེར་གསན། དབུས་སུ་ཕེབས་ཏེ་རྒྱུད་སྡེ་འཛིན་པ་སྦྱིན་པ་དཔལ་བ་དང་ཆོས་རྗེ་བ་སོ་བའི་དྲུང་དུ་གསང་སྔགས་ཀྱི་གདམས་པ་མང་པོ་ཞུས། སླར་གཙང་དུ་ཕེབས་ནས་རྗེ་དགེ་འདུན་གྲུབ་པ་ལས་སྒྲ་དང་སྙན་ངག་སོགས་གསན། རབ་བྱུང་བརྒྱད་པའི་མེ་ལུག(༡༤༨༧)ལོར་བཀྲས་ལྷུན་དགོན་གྱི་གདན་ཁྲིར་ཕེབས། ཟབ་ཆོས་ཀྱི་འཁོར་ལོ་རྒྱ་ཆེར་བསྐོར།དགོན་པའི་ཤར་ངོས་ཀྱི་སྐྱིད་ནའི(དེང་སྐབས་སྐྱིད་སྐྱིད་ན་ཁ་ཟེར་བ་དེ་ཡིན)ས་ཆ་རྣམས་སུ་མཚེའུ་དང་། ལྕང་ར་གསར་སྐྲུན་གནང་། གཙུག་ལག་ཁང་མདུན་གྱི་ཆབ་སྒྲོན་ཁང་པ་དང་བཅས་པ་གསར་རྒྱག་མཛད། གདན་ས་ལོ་ཉི་ཤུ་རྩ་བཞི་བསྐྱངས་ཏེ་རབ་བྱུང་དགུ་པའི་ལྕགས་རྟ(༡༥༡༠)ལོར་ཁྲི་ཟུར་དུ་ཕེབས། 《རྗེ་དགེ་འདུན་གྲུབ་ཀྱི་རྣམ་ཐར་ནོར་བུའི་ཕྲེང་བ》དང་། 《བཀའ་གདམས་ཆོས་འབྱུང》སོགས་བརྩམས་པར་མཛད། འདས་ལོ་མ་གསལ།
- language:
- Tibetan
2. Thupten Phuntsok Dictionary
ཆོས་སྡེ་ཆེན་པོ་བཀྲ་ཤིས་ལྷུན་པོའི་ཁྲི་ཐོག་བཞི་པ་འདི་ཉིད་རབ་བྱུང་བདུན་པའི་ཆུ་གླང (༡༤༣༣) ལོར་སྲད་ཀྱི་སའི་ཆར་སྐུ་འཁྲུངས། མཁར་ཆེན་བྲག་ནས་རབ་ཏུ་བྱུང་། སྐུ་གཞོན་ནུའི་དུས་ནས་སྔགས་ཀྱི་ཕྱག་ལེན་ལ་མཁས། དེ་ནས་བཀྲ་ཤིས་ལྷུན་པོར་ཕེབས་ཏེ་རྗེ་དགེ་འདུན་གྲུབ་དང་། དྲི་མེད་བཤེས་གཉེན་གྱི་ཞབས་ལ་གཏུགས་ནས་ཟབ་ཆོས་མང་དུ་གསན། ས་སྐྱ་དང་སྣར་ཐང་སོགས་སུ་པོ་ཏི་མང་པོ་གྲྭ་སྐོར་མཛད། ---༡༤༨༧---ལོར་བཀྲས་ལྷུན་དགོན་གྱི་གདན་ཁྲིར་ཕེབས། གདན་ས་ལོ་ཉི་ཤུ་རྩ་བཞིར་བསྐྱངས་ཏེ་རབ་བྱུང་དགུ་པའི་ལྕགས་རྟ (༡༥༡༠) ལོར་ཁྲི་ཟུར་དུ་ཕེབས། རྗེ་དགེ་འདུན་གྲུབ་ཀྱི་རྣམ་ཐར་ནོར་བུའི་ཕྲེང་བ་》། བཀའ་གདམས་ཆོས་འབྱུང་》སོགས་བརྩམས་པར་མཛད། འདས་ལོ་མ་གསལ།
- language:
- Tibetan
3. gangs can mkhas grub rim byon ming mdzod
ཁོང་ནི་རབ་བྱུང་བདུན་པའི་ཆུ་མོ་གླང་ལོ་སྟེ་སྤྱི་ལོ 1433 ལོར་སྲད་ཀྱི་ཡུལ་དུ་སྐུ་འཁྲུངས། འདས་ལོ་མི་གསལ། ཁོང་མཁར་ཆེན་བྲག་ཏུ་རབ་བྱུང་བསྒྲུབས། གཞོན་ནུའི་དུས་ནས་སྔགས་ཀྱི་ཕྱག་ལེན་མཁས་པར་མཁྱེན། དེ་ནས་བཀྲ་ཤིས་ལྷུན་པོར་ཕེབས་ཏེ་རྗེ་དགེ་འདུན་གྲུབ་པ་དང་། དྲི་མེད་བཤེས་གཉེན་གཉིས་བླ་མར་བསྟེན་ནས་མདོ་སྔགས་རིག་གནས་ཀུན་ལ་ལེགས་པར་སྦྱངས། ས་སྐྱ་དང་སྣར་ཐང་སོགས་སུ་པོ་ཏི་མང་པོའི་གྲྭ་སྐོར་མཛད། པཎ་ཆེན་བཟང་པོ་བཀྲ་ཤིས་ཀྱི་མདུན་ནས་གསང་སྔགས་ཀྱི་དབང་ལུང་སོགས་རྒྱ་ཆེར་གསན། དབུས་སུ་རྒྱུད་སྡེ་འཛིན་པ་སྦྱིན་པ་དཔལ་བ་དང་། ཆོས་རྗེ་བ་སོ་བའི་དྲུང་དུ་གསང་སྔགས་ཀྱི་གདམས་པ་མང་པོར་གསན། དེ་ནས་གཙང་དུ་ཕེབས་ཏེ་རྗེ་དགེ་འདུན་གྲུབ་ཀྱི་དྲུང་ནས་སྒྲ་དང་། སྙན་ངག་མེ་ལོང་མ་སོགས་གསན། དགུང་ལོ་ལྔ་བཅུ་ང་གསུམ་པ་སྟེ་སྤྱི་ལོ 1487 ལོར་བཀྲ་ཤིས་ལྷུན་པོའི་གདན་སར་ཕེབས། ཡུན་རིང་མ་འགོར་བར་སྙེ་མོ་ཐོན་པའི་ཕྱག་རྡོར་བ་ནས་དགོན་པའི་ཤར་ངོས་ཀྱི་[983]སྐྱིད་ནའི་ས་ཆ་རྣམས་ཉོས་ཏེ། དེ་ལ་མཚེའུ་དང་། ལྕང་རྭ་གསར་བསྐྲུན་དང་། གཙུག་ལག་ཁང་གི་མདུན་གྱི་ཆབ་སྒྲོན་ཁང་པ་དང་བཅས་པ་གསར་རྒྱག་མཛད། དེ་ནས་ཁོང་གིས་བཀྲ་ཤིས་ལྷུན་པོའི་ཆོས་སྲིད་མ་ཉམས་པར་ལོ་ངོ་ཉི་ཤུ་རྩ་བཞིའི (1487—1510) རིང་དུ་བསྐྱངས་ཏེ་གདན་ས་རྒྱལ་བ་དགེ་འདུན་རྒྱ་མཚོ་ལ་ཕུལ་ནས་པཎ་ཆེན་རང་ཉིད་བླ་བྲང་གཟིམ་ཁང་སེར་པོར་ཀུན་སྤངས་མཛད། ཁོང་ནི་བཀྲ་ཤིས་ལྷུན་པོའི་ཁྲི་པ་བཞི་པ་ཡིན། ཁོང་གི་གསུང་རྩོམ་ནི《རྗེ་དགེ་འདུན་གྲུབ་ཀྱི་རྣམ་ཐར་ནོར་བུའི་ཕྲེང་བ》དང་། 《བཀའ་གདམས་ཆོས་འབྱུང》བཅས་བཞུགས་སོ། །
- language:
- Tibetan