- paN chen lung rigs rgya mtsho
- ID:
- T235713
- པཎ་ཆེན་ལུང་རིགས་རྒྱ་མཚོ (Tibetan, Tibetan script, Original)
- > paN chen lung rigs rgya mtsho (Tibetan, Latin script, Transliteration-THL Extended Wylie Transliteration)
- > penchen lungrik gyatso (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
ཆོས་སྡེ་ཆེན་པོ་བཀྲ་ཤིས་ལྷུན་པོའི་ཁྲི་ཐོག་གསུམ་པ་འདེ་ཉིད་རབ་བྱུང་བདུན་པའི་ས་ཁྱི(༡༤༡༨)ལོར་ལ་སྟོད་བྱང་དུ་སྐུ་འཁྲུངས། རྗེ་དགེ་འདུན་གྲུབ་པ་དང་། འདུལ་འཛིན་པ། རྗེ་བཙུན་བཟང་པོ་བཀྲ་ཤིས་ལ་སོགས་པའི་མཁས་གྲུབ་མང་པོའི་དྲུང་ལས་མདོ་སྔགས་ཀྱི་ཟབ་ཆོས་མང་དུ་གསན། རབ་བྱུང་བརྒྱད་པའི་ས་ཁྱི(༡༤༧༨)ལོར་བཀྲས་ལྷུན་དགོན་གྱི་ཁྲིར་ཕེབས་ནས་ལོ་བཅུའི་རིང་གདན་ས་བསྐྱངས། བླ་བྲང་སྟེང་དུ་དགའ་ལྡན་ལྷ་ཁང་དང་དེའི་ཀ་སྦུག་རྩེ་གསོལ་ཐབ། དེའི་ཉེ་འགྲམ་གྱི་ནང་ཆུང་གཉིས་བཅས་ཁང་མིག་བརྒྱད་དང་། ལྕགས་བྱི(༡༤༨༠)ལོར་འདུ་ཁང་སྟེང་དུ་གཉེར་གཏད་གནས་བཅུ་ལྷ་ཁང་གསར་བཞེངས་མཛད། དེ་ནས་གདན་ས་པཎ་ཆེན་ཡེ་ཤེས་རྩེ་མོ་ལ་གཏད་དེ་དབེན་པར་ཐུགས་དམ་ལ་བཞུགས། འདས་ལོ་མི་གསལ།
- language:
- Tibetan
2. Thupten Phuntsok Dictionary
ཆོས་སྡེ་ཆེན་པོ་བཀྲ་ཤིས་ལྷུན་པོའི་ཁྲི་ཐོག་གསུམ་པ་འདི་ཉིད་རབ་བྱུང་བདུན་པའི་ས་ཁྱི (༡༤༡༨) ལོར་ལ་སྟོད་བྱང་དུ་སྐུ་འཁྲུངས། ---༡༤༧༨---ལོར་བཀྲས་ལྷུན་དགོན་གྱི་ཁྲིར་ཕེབས་ནས་ལོ་བཅུའི་རིང་གདན་ས་བསྐྱངས། ལྕགས་བྱི (༡༤༨༠) ལོར་འདུ་ཁང་སྟེང་དུ་གཉེར་གཏད་གནས་བཅུ་ལྷ་ཁང་གསར་བཞེངས་མཛད། དེ་ནས་གདན་ས་པཎ་ཆེན་ཡེ་ཤེས་རྩེ་མོ་ལ་གཏད་དེ་དབེན་པར་ཐུགས་དམ་ལ་བཞུགས། འདས་ལོ་མ་གསལ།
- language:
- Tibetan
3. gangs can mkhas grub rim byon ming mdzod
ཁོང་ནི་རབ་བྱུང་བདུན་པའི་ས་ཕོ་ཁྱི་ལོ་སྟེ་སྤྱི་ལོ 1418 ལོར་ལ་སྟོད་བྱང་དུ་སྐུ་འཁྲུངས། འདས་ལོ་མི་གསལ། ཁོང་གིས་རྒྱལ་བ་དགེ་འདུན་གྲུབ་པ་དང་། འདུལ་འཛིན་གྲགས་པ་རྒྱལ་མཚན། རྗེ་བཙུན་བཟང་པོ་བཀྲ་ཤིས་བཅས་མཁས་གྲུབ་གཉིས་ལྡན་གྱི་བླ་མ་མང་པོར་བསྟེན་ནས་མདོ་སྔགས་རིག་གནས་དང་བཅས་པར་གསན་ནས་མང་ཐོས་རྒྱ་མཚོའི་ཕ་རོལ་དུ་ཕྱིན་ནོ། དགུང་ལོ་དྲུག་ཅུ་ཐམ་པ་སྟེ་རབ་བྱུང་བརྒྱད་པའི་ས་ཕོ་ཁྱི་ལོ (སྤྱི་ལོ 1478) ལ་བཀྲ་ཤིས་ལྷུན་པོའི་གདན་སར་ཕེབས། དགུང་ལོ་དྲུག་ཅུ་རེ་གཉིས་པ་སྟེ་ལྕགས་ཕོ་བྱི་ལོ (སྤྱི་ལོ 1480) ལ་བླ་བྲང་གི་སྟེང་དུ་དགའ་ལྡན་ལྷ་ཁང་དང་། དེའི་ཀ་སྦུག་རྩེ་གསོལ་ཐབ། དེའི་ཉེ་འགྲམ་གྱི་ནང་ཆུང་གཉིས་བཅས་ཁང་མིག་བརྒྱད་དང་། འདུ་ཁང་སྟེང་དུ་གཉེར་གཏད་གནས་བཅུ་ལྷ་[984]ཁང་གསར་བཞེངས་མཛད། དེ་ནས་ཁོང་གིས་བཀྲ་ཤིས་ལྷུན་པོའི་ཆོས་ཀྱི་རྒྱལ་སྲིད་མ་ཉམས་པ་ལོ་ངོ་བཅུ་ལ་བསྐྱངས་ཏེ་གདན་ས་པཎ་ཆེན་ཡེ་ཤེས་རྩེ་མོ་ལ་གཏད་ནས་དབེན་པའི་རི་ཁྲོད་དུ་ཐུགས་དམ་ལ་བཞུགས་སོ། ཁོང་ནི་བཀྲ་ཤིས་ལྷུན་པོའི་ཁྲི་པ་གསུམ་པ་ཡིན། །
- language:
- Tibetan