- spyan snga dpal ldan bzang po
- ID:
- T236305
- སྤྱན་སྔ་དཔལ་ལྡན་བཟང་པོ (Tibetan, Tibetan script, Original)
- > spyan snga dpal ldan bzang po (Tibetan, Latin script, Transliteration-THL Extended Wylie Transliteration)
- > chen nga palden zangpo (Tibetan, Latin script, Transcription-THL Simplified Tibetan Transcription)
Other Dictionaries
1. Thupten Phuntsok Dictionary
རྗེ་འདི་ཉིད་ཡབ་བདག་པོ་ཤཱཀ་རིན་པ་དང་ཡུམ་ཟི་ན་རིན་འཛོམ་པ་གཉིས་ཀྱི་སྲས་སུ་རབ་བྱུང་དྲུག་པའི་ཆུ་ཕག (༡༣༨༣) ལོར་སྐུ་འཁྲུངས། དགུང་ལོ་གསུམ་པ་ལ་སྤྱན་སྔ་གྲགས་པ་བྱང་པ་ལས་དགེ་བསྙེན་གྱི་སྡོམ་པ་ཞུས། མཚན་དཔལ་ལྡན་བཟང་པོར་གསོལ། དགུང་ལོ་དགུ་པ་ལ་བརྟག་གཉིས་ཀྱི་སློབ་གཉེར་མཛད། དགུང་ལོ་བཅུ་པ་ལ་སྤྱན་སྔ་ཀུན་སྤངས་པ་ལས་ཆོས་ཁྲིད་རྣམས་གསན། མཁན་ཆེན་གྲགས་རྡོར་བ་དང་སློབ་དཔོན་ཞི་བ་དཔལ་གཉིས་ལས་རབ་ཏུ་བྱུང་། མཚན་གྲགས་པ་བློ་གྲོས་ཞེས་གསོལ། བླ་མ་ཆོས་དཔལ་ཤེས་རབ་ཀྱིས་ཆོས་སྒོ་ཕྱེས། དགུང་ལོ་བཅུ་བཞི་པ་ལ་རྩེད་ཐང་དུ་བརྟག་གཉིས་གསུངས། དགུང་ལོ་ཉེར་གཅིག་པ་ལ་མཚམས་བཅད་དཔོན་པོ་མཛད། དགུང་ལོ་ཉེར་གཉིས་པ་ལ་མཁན་ཆེན་སང་བློ་བ་དང་། མཁན་ཆེན་རྒྱལ་བཟང་པས་ལས་སློབ། གསང་སྟོན་མཁན་ཆེན་དཀའ་བཅུ་པས་མཛད་དེ་བསྙེན་པར་རྫོགས། དགུང་གྲངས་ཉེར་གསུམ་པ་རབ་བྱུང་བདུན་པའི་ཤིང་བྱ (༡༤༠༥) ལོར་ཕག་གྲུའི་གསན་སར་ཕེབས། བླ་མ་རིན་གཞོན་པ་ལས་བཀའ་བརྒྱུད་ཀྱི་གདམས་པ་རྣམས་རྫོགས་པར་གསན། ཕག་གྲུའི་གདན་ས་ལོ་གཉིས་བསྐྱངས་ནས་དགུང་ལོ་ཉེར་ལྔ་ལ་ཕེབས་པ་རབ་བྱུང་བདུན་པའི་མེ་ཕག་ (༡༤༠༧) ལོའི་བོད་ཟླ་བཅུ་པའི་ཚེས་ཉེར་དགུ་ཉིན་གཤེགས།
- language:
- Tibetan
2. gangs can mkhas grub rim byon ming mdzod
ཁོང་ནི་རབ་བྱུང་དྲུག་པའི་ཆུ་མོ་ཕག་ལོ་སྟེ་སྤྱི་ལོ 1383 ལོར་ཡབ་བདག་པོ་ཤཱཀྱ་རིན་ཆེན་དང་། ཡུམ་ཟི་ན་རིན་ཆེན་འཛོམས་པ་གཉིས་ཀྱི་སྲས་སུ་སྐུ་འཁྲུངས། རབ་བྱུང་བདུན་པའི་མེ་མོ་ཕག་ལོ་སྟེ་སྤྱི་ལོ 1407 ལོར་སྐུ་གཤེགས། དགུང་ལོ་གསུམ་པར་སྤྱན་སྔ་གྲགས་པ་བྱང་ཆུབ་ལས་དགེ་བསྙེན་གྱི་སྡོམ་པ་མནོས། མཚན་ལ་དཔལ་ལྡན་བཟང་པོ་ཞེས་གསོལ། དགུང་ལོ་དགུ་པ་བརྟག་གཉིས་ཀྱི་སློབ་གཉེར་མཛད། དགུང་ལོ་བཅུ་པར་སྤྱན་སྔ་ཀུན་སྤངས་པ་ལས་ཆོས་ཁྲིད་རྣམས་ལེགས་པར་གསན། མཁན་ཆེན་གྲགས་པ་རྡོ་རྗེ་དང་སློབ་དཔོན་ཞི་བ་དཔལ་གཉིས་ལས་རབ་ཏུ་བྱུང་ཞིང་མཚན་ལ་གྲགས་པ་བློ་གྲོས་ཞེས་གསོལ། བླ་མ་ཆོས་དཔལ་ཤེས་རབ་ཀྱིས་ཆོས་སྒོ་ཕྱེས། དགུང་ལོ་བཅུ་བཞི་པར་རྩེད་ཐང་དུ་བརྟག་གཉིས་གསུངས། དགུང་ལོ་ཉེར་གཅིག་པར་མཚམས་བཅད་དཔོན་པོ་མཛད། དགུང་ལོ་ཉེར་གཉིས་པར་མཁན་ཆེན་སང་བློ་བ་དང་། མཁན་ཆེན་རྒྱལ་བཟང་པས་ལས་སློབ། མཁན་ཆེན་དཀའ་བཅུ་པས་གསང་སྟོན་མཛད་དེ་བསྙེན་རྫོགས་ཀྱི་སྡོམ་པ་མནོས། དགུང་ལོ་ཉེར་གསུམ་པ་རབ བྱུང་བདུན་པའི་ཤིང་མོ་བྱ་ལོ་སྟེ་སྤྱི་ལོ 1405 ལོར་ཕག་གྲུའི་གདན་ས་སྤྱན་སྔའི་གོ་སར་ཕེབས། བླ་ཆེན་རིན་གཞོན་པ་ལས་བཀའ་བརྒྱུད་ཀྱི་གདམས་པ་རྣམས་རྫོགས་པར་གསན། གདན་སའི་ཚོགས་པ་ལོ་ངོ་གཉིས་ལ་[1032]བསྐྱངས་ནས་དགུང་ལོ་ཉེར་དགུ་པར་དགོངས་པ་ཆོས་དབྱིངས་སུ་འཐིམས་སོ། ཁོང་ནི་ཕག་གྲུའི་གདན་རབས་བཅུ་གཉིས་པ་ཡིན།
- language:
- Tibetan