- spyan snga rin chen ldan
- ID:
- T236306
- སྤྱན་སྔ་རིན་ཆེན་ལྡན (Tibetan, Tibetan script, Original)
- > spyan snga rin chen ldan (Tibetan, Latin script, Transliteration-THL Extended Wylie Transliteration)
- > chen nga rinchen den (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
རྗེ་འདི་ནི་སྟོད་དིང་རིར་ཡབ་ཡུམ་བསགས་པ་ཅན་གྱི་སྲས་སུ་རབ་བྱུང་གསུམ་པའི་ཆུ་ཁྱི་（༡༢༠༢）ལོར་སྐུ་བལྟམས། དགུང་ལོ་ལྔ་དྲུག་ལ་ཕེབས་ཙམ་ནས་ཆོས་ལ་དད་ཞེན་དྲག་པོ་འཁྲུངས། ཕྱིས་ལྷ་གདོང་པ་ལོ་ལྔ་བཞེས་པ་དིང་རིར་བཞུགས་པ་དང་མཇལ། མོས་གུས་ཐུན་མོང་མིན་པ་བྱུང་། ཆོས་འབྲེལ་ཞུས་པས་བླ་མའི་རྣལ་འབྱོར་དང་། ཕྱག་རྒྱ་ཆེན་པོ་ཡི་གེ་བཞི་པ་གསན། དེ་ནས་ཕ་ཇོ་སྟོན་པ་ལ་འབྲི་ཀློག་ལ་སོགས་གསན་སྦྱོང་མཛད། ལྷ་གདོང་པ་དགུང་ལོ་བཅུ་གཅིག་ལ་ཕེབས་སྐབས་སླར་མཇལ་བས་ཕྱག་ཕྱིར་འབྲངས་ཏེ་ཞི་བར་གཤེགས་ཀྱི་བར་ལོ་སུམ་ཅུ་སོ་ལྔའི་རིང་ཞབས་དྲུང་ཞག་གཅིག་དང་མ་བྲལ་བར་སྤྱན་སྔར་བཞུགས་པས་སྤྱན་སྔ་པར་གྲགས། ཆོས་རྗེ་ལས་གསར་རྙིང་གི་དབང་གདམས་པ་ལུང་ལ་སོགས་པ་ཐམས་ཅད་གསན། ཀོ་བྲག་པ་ལའང་ཆོས་མང་དུ་ཞུས། རྒོད་ཚང་པའི་དྲུང་དུའང་འབྲུག་སྐོར་ཐམས་གསན། ས་པཎ་ལས་ས་སྐྱ་པའི་ཆོས་སྐོར་རྣམས་ཞུས། གཞན་ཡང་བླ་མ་མང་པོའི་ཞབས་ལ་གཏུགས་ནས་ཟབ་ཆོས་དུ་མ་གསན། སྒྲུབ་པའི་རྒྱལ་མཚན་བཙུགས། གནས་ལུགས་ཀྱི་རྟོགས་པ་ཤར། ཕྱིས་དིང་རིར་བཞུགས་ནས་ཚོགས་པ་མཐའ་ཡས་པ་བསྐྱངས་པས། ཟུར་ཕུག་པ་དང་སྒྲུབ་ཐོབ་ཉི་མ་མགོན་ལ་སོགས་པའི་རྟོགས་ལྡན་གྱི་སློབ་མ་མང་དུ་བྱོན། འདས་ལོ་མ་གསལ།།།
- language:
- Tibetan
2. Thupten Phuntsok Dictionary
རྗེ་འདི་ནི་སྟོད་དིང་རིར་ཡབ་ཡུམ་བསགས་པ་ཅན་གྱི་སྲས་སུ་རབ་བྱུང་གསུམ་པའི་ཆུ་ཁྱི (༡༢༠༢) ལོར་སྐུ་བལྟམས། དགུང་ལོ་ལྔ་དྲུག་ལ་ཕེབས་ཙམ་ནས་ཆོས་ལྡད་ཞེན་དྲག་པོ་འཁྲུངས། ཕྱིས་ལྷ་དགོང་པ་ལོ་ལྔ་བཞེས་པ་དིང་རིར་བཞུགས་པ་དང་མཇལ། མོས་གུས་ཐུན་མོང་མིན་པ་བྱུང་། ཆོས་འབྲེལ་ཞུས་པས་བླ་མའི་རྣལ་འབྱོར་དང་། ཕྱག་རྒྱ་ཆེན་པོ་ཡི་གེ་བཞི་པ་གསན། དེ་ནས་ཕ་ཇོ་སྟོན་པ་ལ་འབྲི་ཀློག་ལ་སོགས་གསན་སྦྱོང་མཛད། ལྷ་གདུང་པ་དགུང་ལོ་བཅུ་གཅིག་ལ་ཕེབས་སྐབས་སླར་མཇལ་བས་ཕྱག་ཕྱིར་འབྲངས་ཏེ་ཞི་བར་གཤེགས་ཀྱི་བར་ལོ་སུམ་ཅུ་སོ་ལྔའི་རིང་ཞབས་དྲུང་ཞག་གཅིག་དང་མ་བྲལ་བར་སྤྱན་སྔར་བཞུགས་པས་སྤྱན་སྔ་པར་གྲགས། ཆོས་རྗེ་ལས་གསར་རྙིང་གི་དབང་གདམས་པ་ལུང་ལ་སོགས་པ་ཐམས་ཅད་གསན། ཀོ་བྲག་པ་ལའང་ཆོས་མང་དུ་ཞུས། རྒོད་ཚང་པའི་དྲུང་དུའང་འབྲུག་སྐོར་ཐམས་ཅད་གསན། ས་སྐྱ་པཎ་ཆེན་ལས་ས་སྐྱ་པའི་ཆོས་སྐོར་རྣམས་ཞུས། གཞན་ཡང་བླ་མ་མང་པོའི་ཞབས་ལ་གཏུགས་ནས་ཟབ་ཆོས་དུ་མ་གསན། སྒྲུབ་པའི་རྒྱལ་མཚན་བཙུགས། གནས་ལུགས་ཀྱི་རྟོགས་པ་ཤར། ཕྱིས་དིང་བཞུག་ས་ནས་ཚོགས་པ་མཐའ་ཡས་པ་བསྐྱངས་པས། ཟུར་ཕུག་པ་དང་སྒྲུབ་ཐོབ་ཉི་མ་མགོན་ལ་སོགས་པའི་རྟོགས་ལྡན་གྱི་སློབ་མ་མང་དུ་བྱོན། འདས་ལོ་མ་གསལ།
- language:
- Tibetan
3. gangs can mkhas grub rim byon ming mdzod
ཁོང་ནི་རབ་བྱུང་གསུམ་པའི་ཆུ་ཕོ་ཁྱི་ལོ་སྟེ་སྤྱི་ལོ 1202 ལོར་དིང་རིར་རིགས་རུས་ཕུན་སུམ་ཚོགས་པའི་ཡབ་ཡུམ་གྱི་སྲས་སུ་སྐུ་འཁྲུངས། རྒྱལ་བ་ཡང་དགོན་པ་ལས་ལོ་བཅུ་གཅིག་གིས་ཆེ་བ་ཡིན། འདས་ལོ་མི་གསལ། དགུང་ལོ་དྲུག་པར་གླ་འཁོར་གྱི་སྐུ་གདོང་ག་རུ་སོགས་དང་མཇལ་ཞིང་། སྙིང་ནས་ཆོས་བྱེད་པའི་མོས་པ་སྐྱེས། ཕ་ཇོ་སྟོན་ལས་ཡི་གེའི་འབྲི་ཀློག་སོགས་སྤྱངས་པས་དཀའ་ཚེགས་མེད་པར་བདེ་ལེགས་ཀྱིས་མཁྱེན། རྒྱལ་བ་ཡང་དགོན་པ་དགུང་ལོ་ལྔ་པའི་སྐབས་སུ་དིང་རིར་ཕེབས་པ་དང་མཇལ་བས་མོས་གུས་ཐུན་མོང་མིན་པ་འཁྲུངས་ཏེ་ཏིང་ངེ་འཛིན་ཡང་རྩོལ་མེད་དུ་སྐྱེས། ཆོས་འབྲེལ་ཞུས་པས་བླ་མའི་རྣལ་འབྱོར་དང་། ཕྱག་རྒྱ་ཆེན་པོ་ཡི་གེ་བཞི་པ་བཅས་གསན། དེ་ནས་ལྷ་གདོང་དུ་ཕེབས་ནས་རྒྱལ་བ་ཡང་དགོན་པའི་ཞབས་ལ་གཏུགས་ཤིང་ཞི་བར་གཤེགས་ཀྱི་བར་ལོ་སུམ་ཅུ་རྩ་ལྔའི་བར་དུ་ཞབས་དྲུང་ཞག་གཅིག་ཀྱང་མ་བྲལ་བར་སྤྱན་སྔར་བཞུགས་པས་སྤྱན་སྔ་བར་གྲགས། ཆོས་རྗེ་ཡང་དགོན་པ་ལ་བཞུགས་པའི་གསར་རྙིང་གི་དབང་གདམས་པ་ལུང་ལ་སོགས་པ་གང་བཞུགས་ཐམས་ཅད་[1036]གསན། ཀོ་བྲག་པའི་དྲུང་དུའང་ཆོས་མང་དུ་ཞུས། རྗེ་རྒོད་ཚང་པ་ལས་འབྲུག་སྐོར་ཐམས་ཅད་གསན། ས་པཎ་ལས་ས་སྐྱ་པའི་ཆོས་སྐོར་རྣམས་ཞུས། རྗེ་སྤྱན་སྔ་བ་ལས་འབྲི་གུང་པའི་ཆོས་སྐོར་རྣམས་ཞུས། གཞན་ཡང་བླ་མ་བཟང་དགུའི་ཞབས་ལ་གཏུགས་ནས་གདམས་པ་ཟབ་དགུ་ཉན། སྒྲུབ་པའི་རྒྱལ་མཚན་བཙུགས། གནས་ལུགས་ཀྱི་རྟོགས་པ་ཤར། དུས་ཕྱིས་སུ་དིང་རིར་བཞུགས་ནས་ཚོགས་པ་མཐའ་ཡས་པ་བསྐྱངས་སོ། གསུང་ལས་སྐྱེས་པའི་སློབ་མ་ཡང་ཟུར་ཕུག་པ་དང་གྲུབ་ཐོབ་ཉི་མ་མགོན་ལ་སོགས་པའི་རྟོག་ལྡན་མང་དུ་བྱོན་ནོ། །
- language:
- Tibetan