- 'phags pa lha blo bzang bstan 'dzin dge legs rnam rgyal
- ID:
- T237134
- འཕགས་པ་ལྷ་བློ་བཟང་བསྟན་འཛིན་དགེ་ལེགས་རྣམ་རྒྱལ (Tibetan, Tibetan script, Original)
- > 'phags pa lha blo bzang bstan 'dzin dge legs rnam rgyal (Tibetan, Latin script, Transliteration-THL Extended Wylie Transliteration)
- > pakpa lha lo zang tendzin gelek namgyal (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
(སྐུ་ཕྲེང་བཅུ་གཅིག་པ་)རབ་བྱུང་བཅུ་དྲུག་པའི་ས་ཡོས་(༡༩༣༩)ཧོར་ཟླ་༡༢ཚེས་༨ཉིན་ལི་ཐང་དགོན་ཆེན་དང་ཉེ་བ་མཚོ་གསུམ་པའི་ཁོངས་ཨ་མདོ་གྲོང་སྣ་ལུ་ཚང་ངམ་ཆུ་བསྐོར་ཞེས་པར་ཡབ་བློ་བཟང་ངག་དབང་དང་ཡུམ་རིག་འཛིན་སྒྲོལ་མ་གཉིས་ཀྱི་སྲས་སུ་སྐུ་བལྟམས། སྔར་ལམ་གསེར་བུམ་དཀྲུགས་འདོན་ཞུ་སྲོལ་ཡང་དེ་སྐབས་དེ་ལྟར་བྱ་རྒྱུའི་ཆ་རྐྱེན་མེད་ཁར་རྒྱལ་བ་སྐུ་ཕྲེང་བཅུ་བཞི་པ་སྐུ་ན་ཕྲ་བས་སྲིད་སྐྱོང་སྟག་བྲག་ལ་གནས་ཚུལ་སྙན་ཞུ་ཕུལ་བར་ཆེད་མངགས་ལྷ་སར་མི་སྣ་མངགས་གཏོང་གིས་ཟླ་བཞི་པའི་ཚེས་ཤར་ལ་སྙན་ཞུའི་་བཀའ་ལན་ཕྱིར་ཕེབས་སུ་འཕགས་པ་ལྷའི་ཡང་སྲིད་དུ་ངོས་འཛིན་ཁྲི་གསོལ་བྱས་འཐུས་ཞེས་སྲིད་ཐམ་འགོ་མཆན་བསྩལ་འབྱོར་སྐབས་དགའ་བསུའི་མཛད་སྒོ་བསྟར། ཏྰ་ལའི་བླ་མ་ནས་མཚན་བསྟན་འཛིན་འཇིགས་མེད་དགེ་ལེགས་རྣམ་རྒྱལ་ཞེས་དང་སྲིད་སྐྱོང་སྟག་བྲག་ནས་གོས་ཆེན་སེར་པོའི་ཐོག་འཕགས་པ་ལྷར་ངག་དབང་བློ་བཟང་ལུང་རྟོགས་བསྟན་པའི་གསལ་བྱེད་དཔལ་བཟང་ཞེས་པའི་མཚན་ཡིག་དམ་འབྱར་དང་མཚན་སྤེལ་གྱི་ཞབས་བརྟན་གསོལ་འདེབས་བཅས་གནང་། དགེ་བཤེས་མཁྱེན་རབ་མཐར་ཕྱིན་ཡོངས་འཛིན་དུ་བསྟེན་ནས་ཕྱག་བྲིས་ཡིག་ཀློག་དང་ཕྱག་དཔེ་ཐུགས་འཛིན་གནང་། དགེ་བཤེས་བྱམས་པ་མཐའ་ཡས་ཀྱི་དྲུང་ནས་དགེ་བསྙེན་དང་དགེ་ཚུལ་གྱི་བསླབ་སྡོམ་བཞེས། དགེ་བཤེས་ཐུབ་བསྟན་དམ་པ་བསྟེན་ནས་གཞུང་ཆེན་བཀའ་དཔོད་ལ་གསན་བསམ་ཐུགས་གཉེར་རྒྱུན་འཁྱོངས་མཛད། དགུང་གྲངས་བཅུ་གཉིས་བཞེས་པ་ལྕགས་སྟག་(༡༩༥༠)ལོར་ཆབ་མདོ་མཚན་ཉིད་གྲྭ་ཚང་དུ་རིགས་ཆུང་ཚོགས་བཞེངས་གནང་། གོང་ལོའི་ཟླ༡༠པའི་ཚེས་༡༩ཉིན་ཆབ་མདོར་བཅིངས་འགྲོལ་དམག་འབྱོར་བའི་ཉིན་གསུམ་པར་འཐབ་ས་མདུན་མའི་བཀོད་འདོམས་དམག་སྤྱི་ཝང་ཆི་མེད་བླ་བྲང་དུ་ཕེབས་ནས་ཕན་ཚུན་འཚམས་འདྲི་མཛད། རབ་བྱུང་བཅུ་དྲུག་པའི་ཆུ་འབྲུག(༡༩༥༢)དགུང་ལོ་བཅུ་བཞིའི་ཐོག་དབུས་ཕྱོགས་སུ་ཆིབས་གཞལ་བསྒྱུར་ཞིང་། དེ་ནས་མི་རིང་བར་སེ་རར་ཆོས་ཞུགས་མཛད་པ་ནས་བཟུང་སེ་རར་གཏན་ཞུགས་ཀྱིས་རིགས་ལམ་ཆེ་ཆུང་གི་སློབ་གཉེར་དམ་བཞེས་སོགས་ལེགས་གྲུབ་ཟིན་ནས་ལྕགས་བྱི་(༡༩༦༠)དགུང་གྲངས་ཉེར་གཉིས་སུ་ཕེབས་སྐབས་ལྷ་རམས་མཚན་རྟགས་བཞེས་འཆར་ཡོད་ཀྱང་ས་ཕག་(༡༩༥༩)ལོའི་ཟིང་འཁྲུག་དུས་དབང་གིས་རྐྱེན་པས་ལྷ་རམས་མཚན་བཞེས་གནང་ཐབས་བྲལ། སྐུ་ཕྲེང་འདིའི་སྲིད་ཕྱོགས་ཀྱི་མཚན་གནས་ཐད་ཐོག་མ་(༡༩༥༡)ལོའི་ཟླ་དང་པོར་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་མདོ་སྨད་མངའ་ཁུལ་མི་དམངས་བཅིངས་འགྲོལ་ཨུ་ཡོན་ལྷན་ཁང་གི་མི་དམངས་འཐུས་ཚོགས་ཀྱི་ཀྲུའུ་རེན་གཞོན་པ་དང་པོའི་མཚན་གནས་བཞེས་པ་ནས་སྔ་རྫེས་སུ་བོད་རང་སྐྱོང་ལྗོངས་གྲ་སྒྲིག་ཨུ་ཡོན་ལྷན་ཁང་གི་རྒྱུན་ལས་ཨུ་ཡོན། ཀྲུའུ་རེན་ཨུ་ཡོན་གཞོན་པ། རང་སྐྱོང་ལྗོངས་མི་དམངས་ཨུ་ལྷན་གྱི་ཀྲུའུ་ཞི་གཞོན་པ།ལྗོངས་མི་དམངས་སྲིད་གཞུང་གི་ཀྲུའུ་ཞི་གཞོན་པ། རང་སྐྱོང་ལྗོངས་སྲིད་གྲོས་སྐབས་གསུམ་པ་དང། བཞི་པ། ལྔ་པ། བཅས་ཀྱི་ཀྲུའུ་ཞི་གཞོན་པ། ཀྲུའུ་ཞི། རྒྱལ་ཡོངས་སྲིད་གྲོས་སྐབས་གསུམ་པ། བཞི་པ། ལྔ་པ། དྲུག་པ། བདུན་པ་བཅས་ཀྱི་ཨུ་ཡོན་དང་། ཀྲུའུ་ཞི་གཞོན་པ་བཅས་གནང་ཐོག་སྐབས་བརྒྱད་པའི་རྒྱལ་ཡོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་གཞོན་པའི་མཚན་གནས་བཞེས་ཏེ་ད་ལྟ་རབ་བྱུང་བཅུ་བདུན་པའི་ཤིང་ཕག་(༡༩༩༥)ལོར་དགུང་གྲངས་ང་བདུན་དུ་འཚོ་ཞིང་བཞེས་པ་ལགས་སོ། འཕགས་པ་ལྷ་སྐུ་ཕྲེང་རིམ་བྱོན་གྱི་མཛད་རྣམ་ཞིབ་ཙམ་གཟིགས་འདོད་ཚེ་བོད་རང་སྐྱོང་ལྗོངས་སྲིད་གྲོས་ལོ་རྒྱུས་རིག་གནས་དཔྱད་གཞིའི་རྒྱུ་ཆ་ཨུ་ཡོན་ལྷན་ཁང་གིས་རྩོམ་སྒྲིག་བྱས་པའི་《བོད་ཀྱི་ལོ་རྒྱུས་རིག་གནས་དཔྱད་གཞིའི་རྒྱུ་ཆ་བདམས་བསྒྲིགས》དེབ་དགུ་པ་སྤྱིའི་འདོན་ཐེངས་༡༨ནང་གསལ་བ་དེར་གཟིགས།
- language:
- Tibetan
2. Thupten Phuntsok Dictionary
(སྐུ་ཕྲེང་བཅུ་གཅིག་པ) རབ་བྱུང་བཅུ་དྲུག་པའི་ས་ཡོས (༡༩༣༩) ཧོར་ཟླ་༡༢ཚེས་༨ཉིན་ལི་ཐང་དགོན་ཆེན་དང་ཉེ་བ་མཚོ་གསུམ་པའི་ཁོངས་ཨ་མདོ་གྲོང་སྣ་ལུ་ཚང་ངམ་ཆུ་བསྐོར་ཞེས་པར་ཡབ་བློ་བཟང་ངག་དབང་དང་ཡུམ་རིག་འཛིན་སྒྲོལ་མ་གཉིས་ཀྱི་སྲས་སུ་སྐུ་བལྟམས། སྔར་ལམ་གསེར་བུམ་དཀྲུགས་འདོན་ཞུ་སྲོལ་ཡང་དེ་སྐབས་དེ་ལྟར་བྱ་རྒྱུའི་ཆ་རྐྱེན་མེད་ཁར་རྒྱལ་བ་སྐུ་ཕྲེང་བཅུ་བཞི་པ་སྐུ་ན་ཕྲ་བས་སྲིད་སྐྱོང་སྟག་བྲག་ལ་གནས་ཚུལ་སྙན་ཞུ་ཕུལ་བར་ཆེད་མངགས་ལྷ་སར་མི་སྣ་མངགས་གཏོང་གི་ཟླ་བ་བཞི་པའི་ཚེས་ཤར་ལ་སྙན་ཞུའི་བཀའ་ལན་ཕྱིར་ཕེབས་སུ་འཕགས་པ་ལྷའི་ཡང་སྲིད་དུ་ངོས་འཛིན་ཁྲི་གསོལ་བྱས་འཐུས་ཞེས་སྲིད་ཐམ་འགོ་མཚན་བསྩལ་འབྱོར་སྐབས་དགའ་བསུའི་མཛད་སྒོ་བསྟར། ཏཱ་ལའི་བླ་མ་ནས་མཚན་བསྟན་འཛིན་འཇིགས་མེད་དགེ་ལེགས་རྣམ་རྒྱལ་ཞེས་དང་སྲིད་སྐྱོང་སྟག་བྲག་ནས་གོས་ཆེན་སེར་པོའི་ཐོག་འཕགས་པ་ལྷར་ངག་དབང་བློ་བཟང་ལུང་རྟོགས་བསྟན་པའི་གསལ་བྱེད་དཔལ་བཟང་ཞེས་པའི་མཚན་ཡིག་དམ་འབྱར་དང་མཚན་སྤེལ་གྱི་ཞབས་བརྟན་གསོལ་འདེབས་བཅས་གནང་། དགེ་བཤེས་མཁྱེན་རབ་མཐར་ཕྱིན་ཡོངས་འཛིན་དུ་བསྟེན་ནས་ཕྱག་བྲིས་ཡིག་ཀློག་དང་ཕྱག་དཔེ་ཐུགས་དཔེ་ཐུགས་འཛིན་གནང་། དགེ་བཤེས་བྱམས་པ་མཐའ་ཡས་ཀྱི་དྲུང་ནས་དགེ་བསྙེན་དང་དགེ་ཚུལ་གྱི་བསླབ་སྡོམ་བཞེས། དགེ་བཤེས་ཐུབ་བསྟན་དམ་པ་བསྟེན་ནས་གཞུང་ཆེན་བཀའ་པོད་ལ་གསན་བསམ་ཐུགས་གཉེར་རྒྱུན་འཁྱོངས་མཛད། ལྗོངས་མི་དམངས་སྲིད་གཞུང་གི་ཀྲུའུ་ཞི་གཞོན་པ། རང་སྐྱོང་ལྗོངས་སྲིད་གྲོས་སྐབས་གསུམ་པ་དང་། བཞི་པ། ལྔ་པ་བཅས་ཀྱི་ཀྲུའུ་ཞི་གཞོན་པ་དང་། ཀྲུའུ་ཞི་གཞོན་པ་བཅས་གནང་ཐོག་སྐབས་བརྒྱད་པའི་རྒྱལ་ཡོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་གཞོན་པའི་མཚན་གནས་བཞེས་ཏེ་ད་ལྟ་རབ་བྱུང་བཅུ་བདུན་པའི་མེ་ཁྱི (༢༠༠༦) ལོར་དགུང་གྲངས་རེ་བརྒྱད་དུ་འཚོ་ཞིང་བཞེས་པ་ལགས་སོ། །
- language:
- Tibetan