- ba so chos kyi rgyal mtshan
- ID:
- T237326
- བ་སོ་ཆོས་ཀྱི་རྒྱལ་མཚན (Tibetan, Tibetan script, Original)
- > ba so chos kyi rgyal mtshan (Tibetan, Latin script, Transliteration-THL Extended Wylie Transliteration)
- > ba so chö kyi gyaltsen (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
དགའ་ལྡན་ཁྲི་ཐོག་དྲུག་པ་ཆོས་ཀྱི་རྒྱལ་མཚན་ནི་མཁས་གྲུབ་རྗེའི་སྐུའི་གཅུང་པོ་ཡིན་ཞིང་། འདི་ཉིད་ཀྱི་མཛད་རྣམ་སྐོར་གོང་དུ་ཁ་སྡེའི་ནང་ཁྲི་ཆེན་རིམ་བྱོན་སྐབས་སུ་གཟིགས་།
- language:
- Tibetan
2. Thupten Phuntsok Dictionary
དགའ་ལྡན་ཁྲི་ཐོག་དྲུག་པ་ཆོས་ཀྱི་རྒྱལ་མཚན་མཆོག་ནི་མཁས་གྲུབ་རྗེའི་སྐུའི་གཅུང་པོ་ཡིན་ཞིང་། འདི་ཉིད་ཀྱི་མཛད་རྣམ་སྐོར་གོང་དུ་ཁ་སྡེའི་ནང་ཁྲི་ཆེན་རིམ་བྱོན་སྐབས་སུ་གཟིགས།
- language:
- Tibetan
3. gangs can mkhas grub rim byon ming mdzod
ཁོང་ནི་རབ་བྱུང་བདུན་པའི་ཆུ་ཕོ་རྟ་ལོ་སྟེ་སྤྱི་ལོ 1402 ལོར་གཙང་ལ་སྟོད་ལྡོག་གཞུང་དུ་ཡབ་བཀྲ་ཤིས་དཔལ་བཟང་དང་། ཡུམ་འབྲོག་རྒྱལ་མོ་བུ་འདྲེན་གཉིས་ཀྱི་སྲས་སུ་སྐུ་འཁྲུངས། རབ་བྱུང་བརྒྱད་པའི་ཆུ་མོ་སྦྲུལ་ལོ་སྟེ་སྤྱི་ལོ 1473 ལོར་དགའ་ལྡན་བྱང་གླིང་དུ་སྐུ་གཤེགས། ཁོང་སྐུ་གཞོན་ནུའི་དུས་ནས་རྗེ་ཙོང་ཁ་པ་ཡབ་སྲས་ཀྱི་ཞབས་ལ་གཏུགས་ཤིང་། ཁྱད་པར་གཅེན་པོ་མཁས་གྲུབ་རྗེ་ཡོངས་འཛིན་དུ་བསྟེན་ནས་སྡེ་སྣོད་གསུམ་དང་རྒྱུད་སྡེ་བཞིས་བསྡུས་པའི་རྒྱལ་བའི་བཀའ་དང་། དགོངས་འགྲེལ་གྱི་བསྟན་བཅོས་མང་པོར་གསན་བསམ་ཡུན་དུ་མཛད་དེ་མཁས་པའི་ཡང་རྩེར་སོན། རྗེ་རྒྱལ་བ་གཉིས་པའི་དགོངས་པ་ཐུན་མོང་མ་ཡིན་པ་ཐུགས་ཉམས་སུ་བཞེས། གསང་ཕུ་[1079]ར་བ་སྨད་དུ་འཆད་ཉན་ལོ་འགར་མཛད། དེ་ནས་གཙང་གི་རོང་ལྷན་གྱི་ཡུལ་གྲུར་ཕེབས་ནས་བ་སོ་ལྷུན་གྲུབ་བདེ་ཆེན་དུ་ཡུན་རིང་བཞུགས་པས་བ་སོ་ཆོས་རྒྱན་དུ་གྲགས། ཤབ་སྟོད་སེང་གེ་དང་ཉེ་བའི་སར་རི་བོ་བདེ་ཆེན་ཞེས་པའི་རི་ཁྲོད་བཏབ། དེའི་རྗེས་ནས་ཀྱང་བདེ་ཆེན་གྱི་མིང་ཟུར་ཡོད་པའི་དབེན་གནས་མང་དུ་བཏབ། དགུང་ལོ་རེ་གཅིག་པར་པཎ་ཆེན་དགེ་འདུན་གྲུབ་ཀྱིས་ཞལ་བཀོད་ལྟར་ཤབ་སྟོད་ནས་བཀྲ་ཤིས་ལྷུན་པོར་གདན་དྲངས། དེ་ནས་རིམ་གྱིས་དགའ་ལྡན་དུ་ཕེབས་ཏེ་དགུང་ལོ་རེ་གཉིས་པ་སྟེ་སྤྱི་ལོ 1464 ལོ་ལ་དགའ་ལྡན་གསེར་ཁྲི་སྟེང་དུ་ཕེབས་པར་མཛད། རབ་བྱུང་བསྙེན་རྫོགས་ཀྱི་སྡོམ་པ་དང་། བཤད་ཁྲིད་དབང་ལུང་མན་ངག་སོགས་མཐའ་ཡས་པ་བསྩལ་ཞིང་བཤད་སྒྲུབ་ཀྱི་བསྟན་པ་དབྱར་གྱི་ཆུ་བོ་ལྟར་སྤེལ། དགའ་ལྡན་འདུ་ཁང་དུ་རྟེན་རྒྱལ་བ་སེང་གེ་ང་རོའི་གསེར་སྐུ་དང་། གདན་ས་ན་རིམ་གྱི་སྐུ་བརྙན་སོགས་སྐུ་གསུང་ཐུགས་རྟེན་མང་པོ་བཞེངས་མཛད། ཁོང་ནི་དགའ་ལྡན་ཁྲི་ཐོག་དྲུག་པ་ཡིན། བ་སོ་སྤྲུལ་སྐུ་སྟེ་རྟ་ཚག་སྐུ་ཕྲེང་དང་པོ་ཡིན། ཁོང་གི་སློབ་མ་གྲགས་ཆེ་བ་ནི་གནས་རྙིང་ཀུན་དགའ་བདེ་ལེགས་དང་། ཁྱུང་པོ་དགེ་འདུན་བཟང་པོ། མདོ་སྨད་པ་ཆོས་ཀྱི་རྡོ་རྗེ། སྟོད་ལུང་པ་དཔལ་ལྡན་རྡོ་རྗེ། ཁམས་པ་རྡོ་རྗེ་དཔལ་བཅས་ཡིན། ཁོང་གི་གསུང་རྩོམ་ནི་མགུར་མ་དང་། དུས་འཁོར་གྱི་བསྐྱེད་རིམ། དབུ་མའི་ལྟ་ཁྲིད། གསང་འདུས་ལམ་རིམ་དམར་ཁྲིད། འཇིགས་བྱེད་བསྐྱེད་རིམ་རྣམ་བཤད། རྫོགས་རིམ་རིམ་ལྔའི་ཁྲིད་བཅས་པོ་ཏི་གཅིག་ཏུ་བཞུགས་སོ། ། [1080]
- language:
- Tibetan