- bod mi'i sdod khang 'dzugs skrun bzo rtsal
- ID:
- T237759
- བོད་མིའི་སྡོད་ཁང་འཛུགས་སྐྲུན་བཟོ་རྩལ (Tibetan, Tibetan script, Original)
- > bod mi'i sdod khang 'dzugs skrun bzo rtsal (Tibetan, Latin script, Transliteration-THL Extended Wylie Transliteration)
- > bö mi dö khang dzuk trün zo tsal (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
བོད་ཀྱི་འཛུགས་སྐྲུན་བཟོ་རྩལ་ལ་དགོན་པ་དང་། ཕོ་བྲང་། སྤྱིར་བཏང་གི་ཁང་པ་བཅས་བཟོ་དབྱིབས་ཁག་གསུམ་དུ་དབྱེ་ན་འགྲིག་ཅིང་། དགོན་པའི་བཟོ་དབྱིབས་ནི་སངས་རྒྱས་ཆོས་ལུགས་ཀྱི་འདུལ་བའི་གཞུང་ལས་གསུང་པ་ལྟར་དབུས་སུ་འདུ་ཁང་（ཚོགས་ཁང་）དང་། སྦུག་ཏུ་གཙང་ཁང་（རྟེན་གཙོའི་བཞུགས་ཁང་） འདུ་ཁང་གི་གཞུང་སྒོའི་མདུན་སྒོ་འཕྱོར། སྟེང་དུ་མཆོད་ཁང་ངམ་ལས་ཤག་སོགས་ཀྱི་ཁང་པ་སྣ་ཚོགས། མཐའ་སྐོར་དུ་གྲྭ་པའི་སྡོད་ཤག སྒོ་འགྲམ་ཁོར་ཡུག་ཏུ་བར་ཁྱམས་འགྲོ་ལམ། སྒོ་འཕྱོར་གྱི་སྟེང་རབ་གསལ་དང་གཞན་རྣམས་ལ་སྒེའུ་ཁུང་ཆེ་ཆུང་སྣ་ཚོགས། འདུ་ཁང་དུ་དཀར་གསལ་སེང་གཡབ་ལ་ཀ་རིང་（གཉིས་ལས་མི་ཉུང་བ）དང་དེའི་མཐའ་ཀ་ཐུང་། རྩིས་ལྡེབས་སུ་སངས་རྒྱས་བྱང་སེམས་ཀྱི་སྐུ་བརྙན་དང་། གཏམ་རྒྱུད་སྣ་ཚོགས་ཀྱི་རི་མོ། སྒོ་འཕྱོར་འོག་རྒྱལ་ཆེན་སྡེ་བཞི་དང་། སྲིད་པ་འཁོར་ལོ། འདུལ་བའི་དཔེ་རིས་སོགས་ཀྱི་ལྡེབས་བྲིས། ཀ་སྟེང་དུ་ཤིང་བརྩེགས་རིམ་པ་བཅུ་གསུམ་ཡོད་པའི་མཛེས་རྒྱན་ལ་བྱ་འབྲུག་དང་། པད་མ། ནོར་བུ་སོགས་ཀྱི་མཛེས་རིས་འབྲི་སྲོལ། གྱང་སྟེང་དུ་སྤེན་བད་ལ་གསེར་ཟངས་ཀྱི་སྤེན་རྒྱན། ཡང་ཐོག་རྩེར་རྒྱ་ཕེབས་སམ་གྷན་ཇི་ར། རྩིག་ཟུར་དུ་སྲུང་མ་ཁག་གི་རྟེན་ཐུག་དང་། གསེར་ཟངས་སམ་རས་ཀྱི་རྒྱལ་མཚན། མདུན་ངོས་ཀྱི་སྟེང་དུ་འཁོར་ལོ་དང་རི་དྭགས། རྩིག་ཟུར་དུ་དྲིལ་བུ་བཅས་ཀྱི་མཛེས་རྒྱན་ཡོད། ལྷ་ཁང་གི་བཟོ་ཁྱད་ནི་དགོན་པ་དང་འདྲ། ཕོ་བྲང་གི་བཟོ་ཁྱད་ནི། འོག་ཁང་དུ་མཛོད་ཁང་དང་། བར་ཁང་དུ་ལས་ཁུངས་དང་ལས་བྱེད་མི་སྣའི་སྡོད་ཤག སྟེང་ཐོག་ཏུ་གཙོ་བོའི་བཞུགས་གནས་དང་མཆོད་ཁང་སོགས་ཡོད། འོག་ཁང་ལ་རླུང་འགྲོ་ཕྱི་དོག་ལ་ནང་ཡངས་པ་ཞིག་གམ་རྒྱུག་ཕྲ་ཡོད་པའི་སྒེ་ཁུང་ཆུང་ཆུང་རེ་ཟུང་། སྟེང་ཁང་རྣམས་ལ་སྒེ་ཁུང་རིམ་བཞིན་ཆེ་རུ་བཏང་ནས་དཀར་གསལ་ཇེ་ཆེར་ཡོད་པ་ཐོག་རྩེག་མང་པོ་ཡོད་པ་རྣམས་ཕལ་ཆེར་འོག་ཁང་བྲག་ཤུར་ཡིན། སྟེང་ཁང་རྣམས་ལ་ཤིང་བཟོ་རིམ་བཞིན་ཇེ་ལེགས་དང་། ལྷག་པར་ཚོམས་ཆེན་ནམ་གཟིམ་ཆུང་ལྷ་བུར་ཀ་གདུང་དང་སྒོ་སྒེ་ཁུང་སོགས་པད་ཆོས་དང་རྒྱན་རིས་བརྐོས་དཀྲོལ་བྱེད་སྲོལ་ཡོད། གོང་ལ་སྤེན་རྩེག་དང་སྟེང་དུ་གྷན་ཇི་ར་དང་ཐུག་རྒྱན་སོགས་དགོན་པ་དང་འདྲ་རུང་ཕོ་བྲང་དར་ལྕོག་ཀྱང་འཛུགས་ཀྱི་ཡོད། གཞིས་ཁང་དང་སྒེར་པ་ཁག་གི་ཁང་པ་སོགས་ཀྱི་ཁང་བཟོ་ནི་ཕོ་བྲང་གི་བཟོ་ཁོངས་སུ་གཏོགས། མང་ཚོགས་ཀྱི་སྡོད་ཁང་ལ་ཡང་གྲོང་ཁྱེར་དང་གྲོང་གསེབ་ཀྱི་འཚོ་བའི་གནས་སྟངས་ཀྱི་རྐྱེན་པས་ཁང་པའི་བཟོ་དབྱིབས་ཀྱང་ཁྱད་པར་ཡོད་པ་སྟེ། གྲོང་ཁྱེར་གྱི་ཁང་བཟོའི་ཐད་རྒྱ་ལམ་འགྲམ་གྱི་འོག་ཁང་ལ་ཚོང་ཁང་དང་རྒྱབ་ངོས་སུ་སྡོད་ཁང་ངམ་ཁང་གླ་གཏོང་ཡུལ་ཡང་ཡོད། བར་ཐོག་དང་སྟེང་ཐོག་རྣམས་བཟོ་བཀོད་མཛེས་ལ་དཀར་ཆ་གང་དོད་ཐོག་ཤིང་ཆར་ཡང་རྒྱན་རིས་ཅུང་ཟད་རྒྱག་སྲོལ་ཡོད། གྲོང་ཁྱེར་གྱི་ཁང་པ་སྟེ་སྤྱི་ཁང་དང་སྒེར་ཁང་ལ་བཟོ་ཁྱད་ནི་སྤྱི་ཁང་ཕལ་ཆེར་སྒོ་ར་ཆེ་བ་གཅིག་གི་ནང་ཁང་མིག་མང་པོ་ཡོད་ལ་སྒོ་ར་སོ་སོའི་ནང་ཐེམ་དུད་མང་པོ་ཡོད། གྲོང་གསེབ་ཀྱི་ཁང་པར་མ་ཁང་གི་རྒྱབ་དང་གཡས་གཡོན་དུ་ཕྱུགས་ར་དང་གཟན་ཁང་སོགས་ཡོད། གཞིས་ཁང་ལས་དེ་དབྱིབས་ཁང་པ་ཕལ་ཆེར་ཐོག་གཅིག་མ་ཡིན། གྲོང་ཁྱེར་ནང་གཞུང་ལམ་གྱི་འགྲམ་དུ་འཁེལ་ཞིང་ཕྱོགས་གཞན་དུ་སྒོ་འདོན་ཡུལ་མེད་པ་རྣམས་ཕུད། དེ་མིན་གྲོང་ཁྱེར་དང་གྲོང་གསེབ་ཚང་མར་གཞུང་སྒོ་བྱང་དུ་བཏོན་སྲོལ་མེད་ལ། གཞུང་སྒོ་དང་སྐས་འཛེགས་ཐད་ཀ་དང་། ཁང་རྒྱབ་ཏུ་ཤིང་སྡོང་རྐང་གཅིག་དང་ཆུ་མིག་འཁེལ་བར་འཛེམ་ཞིང་། གལ་སྲིད་གཞུང་སྒོ་དང་སྐས་འཛེག་ཐད་ཀར་འཁེལ་ན་སྒོ་ནང་དུ་རྩིག་པ་ཞིག་བསླངས་ཏེ་སྒྲིབ་ཀྱི་ཡོད་། བོད་ཁང་ཕལ་ཆེར་ཁ་ལྷོ་ལྟ་བྱེད་པ་ནི་དབྱར་དུས་སུ་རླུང་འགྲོ་དང་དགུན་དུས་ཉི་འོད་ཁང་པའི་ནང་ཕོག་ཆེ་བའི་ཁྱད་ཡིན་པ་དང་། ཐོག་ཀ་（རོང་མཚམས་）ཕུད་ཚང་མ་ལེབ་མོ་ཡིན་སྟབས་ཐོག་སྟེང་དུ་ཟས་རིགས་བསྐམ་ས་དང་ཉི་མ་སྲོ་ས་སོགས་བྱས་ཆོག སྒེར་ཁང་རང་བདག་བྱེད་པ་ཕལ་ཆེར་གྱི་ཁང་བཀོད་ནི་མཛོད་ཁང་གཙོ་བོ་དང་ཚོམས་ཆེན་རྣམས་བྱང་ངོས་དང་། ཤར་ལྷོའི་ངོས་སུ་ཐབ་ཚང་། ལྷོ་ནུབ་ངོས་སུ་གསང་གཅོད་བཟོ་སྲོལ་ཡང《བཻ་དཀར་》ནང་གསལ་ས་དཔྱད་བརྟག་པ་ནས་བཤད་པ་དང་བསྟུན་པ་ཡིན། གྲོང་མིའི་སྡོད་ཁང་ཕལ་ཆེར་གྱི་ཡང་སྟེང་དུ་རྩིག་ཟུར་ཁག་ལ་དར་ལྕོག་འཛུགས་ཡུལ་ལྷ་བཙུགས་བཟོ་སྲོལ་ཡོད། ཁང་པ་ཆེ་ཆུང་གང་འདྲ་ཞིག་ཡིན་རུང་གྲུ་ནར་རམ་ཟུར་མང་བཟོ་བ་མ་གཏོགས་གྲུ་བཞི་ཡིན་རུང་གྲུ་ནར་རམ་ཟུར་མང་བཟོ་བ་མ་གཏོགས་གྲུ་བཞི་ཤོ་ལྟ་བུ་མི་བཟོ་བ་ནི་ཁང་པ་གྲུ་བཞིར་འཁྲུག་པ་རྒྱུན་མི་ཆད་ཅེས་ཟེར་སྲོལ་ཡོད། ཁང་བཟོར་ཇ་ཕྲ་གཟུགས་ཞེས་ཁང་པའི་མདུན་རྐྱང་ཐོག་དང་དེ་ནས་རྒྱབ་ངོས་ཐོག་རྩེག་རིམ་སྤར་བྱས་པ། རྒྱབ་སུལ་ཞེས་མདུན་ངོས་ཐད་ལ་རྒྱབ་ཏུ་གློ་འབུར་གཅིག་གམ་གཉིས་ཡོད་པར་ཟུར་མང་དང་ཟུར་བརྒྱད་སོགས་ཟེར། ཚོན་རྩིའི་ཐད། འོག་ཁང་དུ་སྒོ་དང་སྒེ་ཁུང་མ་གཏོགས་ཚོན་གཏོང་གི་མེད། སྟེང་ཁང་རྣམས་ལ་ཚོན་རྩི་མཛེས་རིས་སྣ་ཚོགས་བཀོད་ཀྱི་ཡོད་པ་སྟེ། དཔེར་ན་ཕོ་བྲང་ངམ་གཞིས་ཁང་སོགས་ཀྱི་ཚོམས་ཆེན་དང་གཟིམ་ཆུང་གཙོ་བོ་སོགས་ཀྱི་རྩིག་ལྡེབས་དང་ཤིང་ཆར་མཛེས་རིས་སྣ་ཚོགས་དང་། བར་ཁྱམས་ལྟ་བུར་སྤྱིར་བཏང་གི་ཚོན་རྩི་གཏོང་གི་ཡོད། ལྷ་ཁང་ངམ་དགོན་པ། བླ་བྲང་སོགས་ལ་ཚོས་གཞི་དམར་སེར་ཤས་ཆེ་བ་དང་། ཁྱིམ་པའི་ཁང་པར་ཚོས་གཞི་སྔོ་ལྗང་ཤས་ཆེ་རུང་ཚོམས་ཆེན་དང་མཆོད་ཁང་དེར་ཚོན་རྩི་དམར་སེར་ཁོ་ན་གཏོང་གི་ཡོད། རྩིས་ལྡེབས་ཀྱི་ཚོན་རྒྱས་བསྡུས་ཇི་ལྟར་ཡང་ཐོག་མཚམས་སུ་ཤམ་བུ་དང་རྩིས་པའི་ཕྱེད་ཡོད་ཙམ་ནས་དམར་སྔོ་ལྗང་གསུམ་གྱི་སྐེད་རིས། གཤམ་དུ་ཐང་གཤམ་ཞེས་དམར་པོའམ་རྒྱ་སྨུག་གཏོང་གི་ཡོད། ཨར་རྒྱག་རྒྱུ་ཆའི་ཐད་རྡོ་ཆེན་དང་། ཆུ་རྡོ། རྡོ་གཡམ། ཤིང་། ས། ས་དམར། བྱེ་མ། སྦ་དཀར། ཨར་ཀ་སོགས་དགོས་པ་དེ་དག་གི་འགྲོ་ཁུངས་ནི་རྡོ་ཆེན་གྱིས་ཕྱི་རྩིག་དང་། ས་དམར་གྱིས་ཁོག་འདག་ སྦ་དཀར། ཨར་ཀ་སོགས་དགོས་པ་དེ་དག་གི་འགྲོ་ཁུངས་ནི་རྡོ་ཆེན་གྱིས་ཕྱི་རྩིག་དང་། ས་དམར་གྱིས་ཁོག་འདག་སྦ་དཀར་དང་བྱེ་མ་བསྲེས་ནས་འཇམ་ཞལ། ས་དང་བྱེ་མ་བསྲེས་ནས་རྩུབ་ཞལ། ས་དམར་གྱིས་ཐོག་འདག་དང་མཐིལ་ཞལ། ཨར་ཀའམ་སྦ་དཀར་སྦ་སག་བསྲེས་པས་ཐོག་ཞལ་དང་། མཐིལ་ཞལ། ཉ་རྒྱབ། རྡོ་གཡམ་གྱིས་གོང་ལའི་ཆུ་འཛར། ས་ཕག་དང་ཡང་ན་གླང་མ་ཤིང་གི་ཡལ་ག་ཀ་དབྲག་དབར་ལྟས་ནས་ཞལ་བ་བཏང་བའི་ཤག་མ་ཞེས་པའམ་པང་ལེབ་སོགས་ཀྱིས་བར་བཅད། ཆུ་རྡོས་གྲལ་རྡོ་དང་། རྩིག་འགྲམ་གྱི་ཆུ་ལེན། ཤིང་གི་ཀ་གདུང་དང་། ལྕམ་གྲལ། སྒོ་སྒེའུ་ཁུང་གི་ཤིང་སངས་དང་རུ་གཞི་སོགས་བཟོ་གི་ཡོད་པ་དེའི་བཟོ་རིགས་ཐད་ཤིང་བཟོ་དང་། རྡོ་བཟོ། ཞལ་དཔོན། ཚོན་པ། ལྕགས་བཟོ་སོགས་དགོས་ལ་ཁོང་ཚོར་ཡང་དབུ་ཆེན་དང་། དབུ་ཆུང་། དཀྱུས་མ། དམངས་རྒྱུགས་སོགས་ཀྱི་དབྱེ་བ་ཡོད། ལས་ཀ་བྱེད་རིང་ཤིང་བཟོ་དབུ་ཆེན་གྱིས་བཟོ་སྐྲུན་འཆར་འགོད་དང་བཀོད་འདོམས་བྱེད་ཅིང་། རྡོ་བཟོ་དབུ་ཆེན་གྱིས་ཤིང་བཟོ་དབུ་ཆེན་ལ་རམ་འདེགས་ཀྱིས་རྩིས་པའི་ཐིག་དང་འཕྱོང་འབེབས་བྱེད་པ། ཤིང་བཟོ་དབུ་ཆུང་གིས་ལས་ཡུལ་དངོས་ཀྱི་ཐོག་ཀ་གདུང་སོགས་ཀྱི་བཟོ་འདོན་སྒྲིག་སྦྱོར་བྱས་ཐོག་ཤིང་བཟོ་དཀྱུས་མ་ཚོའི་ལས་ཀར་བཀོད་པ་གཏོང་བ་སོགས་བྱེད། རྡོ་བཟོ་དབུ་ཆུང་ཚོས་རྩིག་ཟུར་སློང་བ་དང་དཀྱུས་མ་ཚོའི་ལས་ཀར་བལྟ་ཞིབ་བྱེད་པ། ཤིང་བཟོ་དཀྱུས་མ་ཚོས་ཤིང་ལ་གཞོག་རྒྱག་པ་སོགས་བྱེད་ལ་རྡོ་བཟོ་དཀྱུས་མ་ཚོས་རྩིག་པ་བརྩིགས་པ་དང་། རྡོ་ལ་བཟོ་འདོན་པ་སོགས་བྱེད། དམངས་རྒྱུག་ནས་ས་རྡོ་དབོར་སྐྱེལ་དང་། རྩིག་རྨངས་བྲུ་བ། སེང་རྡོ་རྒྱག་པ། རྡོ་སྲུབ་ཏུ་མིག་འདག་འགྱོང་བ་སོགས་བྱེད་ཀྱི་ཡོད། ཞལ་དཔོན་ནས་རྩིག་ལྡེབས་སུ་ལྡེབས་ཞལ་འཇལ་རྩུབ་དང་། སྒོ་དང་སྒེའུ་ཁུང་གི་གཡས་གཡོན་ནག་རྩི་མཐིལ་ཞལ་དང་ཐོག་སྟེང་། ཉ་རྒྱབ་བཅས་ཀྱི་ཨར་ཀ་གཅོག་པ་སོགས་བཟོ་བ། ཚོན་པས་ཤིང་ཚོན་དང་ལྡེབས་བྲིས་རྩིག་ཚོན་སོགས་གཏོང་གི་ཡོད། བོད་ཁང་གི་རྩིས་པའི་ཁྱད་ཆོས་གཙོ་བོ་ནི་རྩིས་རྨང་བྲུས་ནས་སེང་རྡོ་ཞེས་རྡོ་ལག་པས་ཐེག་ཙམ་ཞིག་གིས་བཅག་བཅག་བཏང་བས་རྩིག་རྨང་བརྟན་པ་དང་རྩིག་པ་རྡོ་བསྟར་རེ་ལོངས་མཚམས་སེང་རྡོ་རེ་བརྒྱབ་སྟབས་རྩིས་པར་བབས་གཞོད་ཉུང་བ། ཅབ་ལ་དང་སྲུང་བཀག་གིས་རྡོ་ཆེན་བར་དུ་ཕྲེད་གཞུང་དུ་བཅུག་སྟབས་རྡོ་ཆེན་གྱི་སྒྲིག་ལ་སྐྱོར་གྱི་ནུས་པ་ཐོན་པ། རྩིག་རྡོ་རྣམས་སྙལ་ནས་རྩིས་སྟབས་ཕན་ཚུན་སྒྲོག་དམ་པ། རྡོ་ཆེན་ཕྱི་ནང་གཉིས་ཀྱི་བར་ཁོག་རྡོ་ཆེན་དང་། གསེབ་ཧྲུག་ཅེས་རྡོ་ཧྲུག་འདམ་པའི་ཁར་བླུགས་པ་དེས་རྩིག་པའི་ཁོག་པ་ཚགས་དམ་པ། གཤམ་ནས་སྟེང་བར་འཐེན་ཞེས་རྩིས་ཞེང་ཕྱི་ངོས་ནས་སྐུམ་པར་བརྟེན་འོག་གི་རྩིགག་རྡོར་གནོན་ཤུགས་ཆུང་བ་བཅས་ཀྱི་ཁྱད་ཆོས་ཡོད། ཤིང་བཟོ་བས་ཐད་ཀ་སྟེང་དུ་གཞུ་ཆུང（སྦེ་ལོག）དང་། གཞུ། གདུང་མ། པད་ཆོས། ལྕམ། དྲལ་མ་སོགས་རིམ་བཞིན་བཏང་ནས་ཐོག་བཀབ་པ་དང་། ཀ་གདུང་ལ་ལར་སྐུ་བརྙན་དང་དྲ་བ་དྲ་ཕྱེད་སོགས་ཀྱི་མཛེས་རིས་བརྐོས་དཀྲོལ་ཡང་བྱེད་ཀྱི་ཡོད། གཞུ་ཆུང་རིལ་པོའམ་ཡང་ན་ཀ་བ་དང་གཞུ་ཆུང་གི་བར་མཁྲིགས་ཤིང་ཞིག་གཏོང་གི་ཡོད་པ་ནི་ཀ་བའི་གཅེན་ཁར་སྣོན་ཤུགས་ཆུང་ཙམ་ཡོང་བའི་ཁྱད་ཡོད། ཡང་སྟེང་གི་གོང་ལའི་སྟེང་བད་ཕུར་ཁ་ཤིང་ཡང་སྤེན་བད་ཡོད་ན་སྤེན་བད་ཀྱི་སྟེང་འོག་ལ་འཁྲིད་ཐོག་དེའི་སྟེང་དུ་ཁ་ལ་སྐར་ཐིག་སྒོར་མོ་ཡང་བརྐོ་སྲོལ་ཡོད། ཞལ་བར་རྩུབ་ཞལ་ཞེས་པ་དཀྱུས་མ་གསུམ་ཆ་གཅིག་ལ་བྱེ་མ་གསུམ་ཆ་གཉིས་བསྲེས་ནས་ཤིང་གི་སྡོད་པང་གིས་འཁོད་སྙོམ་བཟོ་བ་དང་། འཇལ་ཞལ་ཞེས་རྩུབ་ཞལ་གྱི་སྟེང་དུ་སྦ་དཀར་གསུམ་ཆ་གཅིག་ལ་བྱེ་མ་གསུམ་བྱ་གཉིས་བསྲེ་དགོས། ཐོག་བཀབ་སྟངས་ནི་ལྕམ་གྱི་སྟེང་དྲལ་མ་གཏོག་བ་དེ་ཡང་སྟེང་དྲལ་ཞེས་ཤིང་གི་ཡལ་གར་གཞོག་བརྒྱབ་ནས་བསྒྲིག་པ་དང་། དྲལ་པང་ཞེས་པང་ལེབ། གཞན་ཡང་ཤིང་གི་གཤག་ཚལ་ཡང་གཏོང་གི་ཡོད། དེའི་སྟེང་དྲལ་རྡོས་མནན་ནས་ས་བཟང་བའི་ཐོག་འདག་དང་དེའི་སྟེང་ཨར་ཀ་བཅག་དགོས་པ་བཅས་ཡིན། ཐོག་ཕུབ་ཉིན་བོད་ཚེས་༡ ༢ ༨ ༡༤ ༢༠ ༢༦བཅས་ལ་དུས་ཚོད་སྐར་མ་ཆུ་ཚགས་ཡིན་པས་འཛེམས་དགོས་ཞེས་ཟེར་སྲོལ་ཡོད་པ་བཅས་བོད་ལུགས་ཁང་པའི་བཀོད་ཀྱི་ལག་རྩལ་ངོ་སྤྲོད་མདོར་བསྡུས་ཙམ་ཞིག་ཡིན།
- language:
- Tibetan
2. Thupten Phuntsok Dictionary
བོད་ཀྱི་འཛུགས་སྐྲུན་བཟོ་རྩལ་ལ་དགོན་པ་དང་། ཕོ་བྲང་། སྤྱིར་བཏང་གི་ཁང་པ་བཅས་བཟོ་དབྱིབས་ཁག་གསུམ་དུ་དབྱེ་ན་འགྲིག་ཅིང་། དགོན་པའི་བཟོ་ཁྱད་ནི་སངས་རྒྱས་ཆོས་ལུགས་ཀྱི་འདུལ་བའི་གཞུང་ལས་གསུངས་པ་ལྟར་དབུས་སུ་འདུ་ཁང (ཚོགས་ཁང་) དང་། སྦུག་ཏུ་གཙང་ཁང (རྟེན་གཙོའི་བཞུགས་ཁང) འདུ་ཁང་གི་གཞུང་སྒོའི་མདུན་སྒོ་འཕྱོར། སྟེང་དུ་མཆོད་ཁང་ངམ་ལས་ཤག་སོགས་ཀྱི་ཁང་པ་སྣ་ཚོགས། མཐའ་སྐོར་དུ་གྲྭ་པའི་སྡོད་ཤག སྒོ་འགྲམ་ཁོར་ཡུག་ཏུ་བར་ཁྱམས་འགྲོ་ལམ། སྒོ་འཕྱོར་གྱི་སྟེང་རབ་གསལ་དང་གཞན་རྣམས་ལ་སྒེའུ་ཁུང་ཆེ་ཆུང་སྣ་ཚོགས། འདུ་ཁང་དུ་དཀར་གསལ་སེང་གཡབ་ཆེ་ཆུང་སྣ་ཚོགས། འདུ་ཁང་དུ་དཀར་གསལ་སེང་གཡབ་ལ་ཀ་རིང (གཉིས་ལས་མི་ཉུང་བ) དང་དེའི་མཐར་ཀ་ཐུང་། རྩིག་ལྡེབས་སུ་སངས་རྒྱས་བྱང་སེམས་ཀྱི་སྐུ་བརྙན་དང་། གཏམ་རྒྱུད་སྣ་ཚོགས་ཀྱི་རི་མོ། སྒོ་འཕྱོར་འོག་རྒྱལ་ཆེན་སྡེ་བཞི་དང་། སྲིད་པ་འཁོར་ལོ། འདུལ་བའི་དཔེ་རིས་སོགས་ཀྱི་ལྡེབས་བྲིས། ཀ་སྟེང་དུ་ཤིང་བརྩེགས་རིམ་པ་བཅུ་གསུམ་ཡོད་པའི་མཛེས་རྒྱན་ལ་བྱ་འབྲུག་དང་། པད་མ། ནོར་བུ་སོགས་ཀྱི་མཛེས་རིས་འབྲི་སྲོལ། ཡང་ཐོག་རྩེར་རྒྱ་ཕིབས་སམ་གྷན་ཇི་ར། རྩིག་ཟུར་དུ་སྲུང་མ་ཁག་གི་རྟེན་ཐུག་དང་། གསེར་ཟངས་སམ་རས་ཀྱི་རྒྱལ་མཚན། མདུན་ངོས་ཀྱི་སྟེང་དུ་འཁོར་ལོ་དང་རི་དྭགས། རྩིག་ཟུར་དུ་དྲིལ་བུ་བཅས་ཀྱི་མཛེས་རྒྱན་ཡོད། ལྷ་ཁང་གི་བཟོ་ཁྱད་ནི་དགོན་པ་དང་འདྲ། ཕོ་བྲང་གི་བཟོ་ཁྱད་ནི། འོག་ཁང་དུ་མཛོད་ཁང་དང་། བར་ཁང་དུ་ལས་ཁུངས་དང་ལས་བྱེད་མི་སྣའི་སྡོད་ཤག སྟེང་ཐོག་ཏུ་གཙོ་བོའི་བཞུགས་གནས་དང་མཆོད་ཁང་སོགས་ཡོད། འོག་ཁང་ལ་རླུང་འགྲོ་ཕྱི་དོག་ལ་ནང་ཡངས་པ་ཞིག་གམ་རྒྱུག་ཕྲ་ཡོད་པའི་སྒེ་ཁུང་ཆུང་ཆུང་རེ་ཟུང་། སྟེང་ཁང་རྣམས་ལ་སྒེ་ཁུང་རིམ་བཞིན་ཆེ་རུ་བཏང་ནས་དཀར་གསལ་ཇེ་ཆེར་ཡོད་པ་ཐོག་རྩེག་མང་པོ་ཡོད་པ་རྣམས་ཕལ་ཆེར་འོག་ཁང་བྲག་ཤུར་ཡིན། སྟེང་ཁང་རྣམས་ལ་ཤིང་བཟོ་རིམ་བཞིན་ཇེ་ལེགས་དང་། ལྷག་པར་ཚོམས་ཆེན་ནམ་གཟིམ་ཆུང་ལྟ་བུར་ཀ་གདུང་དང་སྒོ་སྒེ་ཁུང་སོགས་པད་ཆོས་དང་རྒྱན་རིས་བརྐོས་དཀྲོལ་བྱེད་སྲོལ་ཡོད། གོང་ལ་སྤེན་རྩེག་དང་སྟེང་དུ་གྷན་ཇི་ར་དང་ཐུག་རྒྱན་སོགས་དགོན་པ་དང་འདྲ་རུང་ཕོ་བྲང་ལ་དར་ལྕོག་ཀྱང་འཛུགས་ཀྱི་ཡོད། གཞིས་ཁང་དང་སྒེར་པ་ཁག་གི་ཁང་པ་སོགས་ཀྱི་ཁང་བཟོ་ནི་ཕོ་བྲང་གི་བཟོ་ཁོངས་སུ་གཏོགས། མང་ཚོགས་ཀྱི་སྡོད་ཁང་ལ་ཡང་གྲོང་ཁྱེར་དང་གྲོང་གསེབ་ཀྱི་འཚོ་བའི་གནས་སྟངས་ཀྱི་རྐྱེན་པས་ཁང་པའི་བཟོ་དབྱིབས་ཀྱང་ཁྱད་པར་ཡོད་པ་སྟེ། གྲོང་ཁྱེར་གྱི་ཁང་བཟོའི་ཐད་རྒྱ་ལམ་འགྲམ་གྱི་འོག་ཁང་ལ་ཚོང་ཁང་དང་རྒྱབ་ངོས་སུ་སྡོད་ཁང་ངམ་ཁང་གླ་གཏོང་ཡུལ་ཡང་ཡོད། བར་ཐོག་དང་སྟེང་ཐོག་རྣམས་བཟོ་བཀོད་མཛེས་ལ་དཀར་ཆ་གང་དོད་ཐོག་ཤིང་ཆར་ཡང་རྒྱན་རིས་ཅུང་ཟད་རྒྱག་སྲོལ་ཡོད། གྲོང་ཁྱེར་གྱི་ཁང་པ་སྟེ་སྤྱི་ཁང་དང་སྒེར་ཁང་ལ་བཟོ་ཁྱད་ནི་སྤྱི་ཁང་ཕལ་ཆེར་སྒོ་ར་ཆེ་བ་གཅིག་གི་ནང་ཁང་མིག་མང་པོ་ཡོད་ལ་སྒོ་ར་སོ་སོའི་ནང་ཐེམ་དུད་མང་པོ་ཡོད། གྲོང་གསེབ་ཀྱི་ཁང་པར་མ་ཁང་གི་རྒྱབ་དང་གཡས་གཡོན་དུ་ཕྱུགས་ར་དང་གཟན་ཁང་སོགས་ཡོད། གཞིས་ཁང་ལས་དེ་བྱིངས་ཁང་པ་ཕལ་ཆེར་ཐོག་གཅིག་མ་ཡིན། གྲོང་ཁྱེར་ནང་གཞུང་ལམ་གྱི་འགྲམ་དུ་འཁེལ་ཞིང་ཕྱོགས་གཞན་དུ་སྒོ་འདོན་ཡུལ་མེད་པ་རྣམས་ཕུད། དེ་མིན་གྲོང་ཁྱེར་དང་གྲོང་གསེབ་ཚང་མར་གཞུང་ལམ་མམ་སྒོ་བྱང་དུ་བཏོན་སྲོལ་མེད་ལ། གཞུང་སྒོ་དང་སྐས་འཛེག་ཐད་ཀ་དང་། ཁང་རྒྱབ་ཏུ་ཤིང་སྡོང་རྐང་གཅིག་དང་ཆུ་མིག་འཁེལ་བར་འཛེམ་ཞིང་། གལ་སྲིད་གཞུང་སྒོ་དང་སྐས་འཛེག་ཐད་ཀར་འཁེལ་ན་སྒོ་ནང་དུ་རྩིག་པ་ཞིག་བསླངས་ཏེ་སྒྲིབ་ཀྱི་ཡོད། བོད་ཁང་ཕལ་ཆེར་ཁ་ལྷོ་ལྟ་བྱེད་པ་ནི་དབྱར་དུས་སུ་རླུང་འགྲོ་དང་དགུན་དུས་ཉི་འོད་ཁང་པའི་ནང་ཕོག་ཆེ་བའི་ཁྱད་ཡིན་པ་དང་ ཐོག་ཀ (རོང་མཚམས་ཕུད) ཚང་མ་ལེབ་མོ་ཡིན་སྟབས་ཐོག་སྟེང་དུ་ཟས་རིགས་བསྐམ་ས་དང་ཉི་མ་སྲོ་ས་སོགས་བྱས་ཆོག སྒེར་ཁང་རང་བདག་བྱེད་པ་ཕལ་ཆེར་གྱི་ཁང་བཀོད་ནི་མཛོད་ཁང་གཙོ་བོ་དང་ཚོམས་ཆེན་རྣམས་བྱང་ངོས་དང་། ཤར་ལྷོའི་ངོས་སུ་ཐབ་ཚང་། ལྷོ་ནུབ་ངོས་སུ་གསང་སྤྱོད་བཟོ་སྲོལ་ཡངབཻ་དཀར》ནང་གསལ་བའི་ས་དཔྱད་བརྟག་པ་ནས་བཤད་པ་དང་བསྟུན་པ་ཡིན། གྲོང་མིའི་སྡོད་ཁང་ཕལ་ཆེར་གྱི་ཡང་སྟེང་དུ་རྩིག་ཟུར་ཁག་ལ་དར་ལྕོག་འཛུགས་ཡུལ་ལྷ་བཙུགས་བཟོ་སྲོལ་ཡོད། ཁང་པ་ཆེ་ཆུང་གང་འདྲ་ཞིག་ཡིན་རུང་གྲུ་ནར་རམ་ཟུར་མང་བཟོ་བ་མ་གཏོགས་གྲུ་བཞི་ཤོ་ལྷ་བུ་མི་བཟོ་བ་ནི་ཁང་པ་གྲུ་བཞིར་འཁྲུག་པ་རྒྱུན་མི་ཆད་ཅེས་ཟེར་སྲོལ་ཡོད། ཁང་བཟོར་ཇ་ཕྲ་གཟུགས་ཞེས་ཁང་པའི་མདུན་རྐྱང་ཐོག་དང་དེ་ནས་རྒྱབ་ངོས་ཐོག་རྩེག་རིམ་སྤར་བྱས་པ། རྒྱབ་སུལ་ཞེས་མདུན་ངོས་ཐད་ལ་རྒྱབ་ཏུ་གློ་འབུར་གཅིག་གམ་གཉིས་ཡོད་པར་ཟུར་མང་དང་ཟུར་བརྒྱད་སོགས་ཟེར། ཚོན་རྩིའི་ཐད། འོག་ཁང་དུ་སྒོ་དང་སྒེ་ཁུང་མ་གཏོགས་ཚོན་གཏོང་གི་མེད། སྟེང་ཁང་རྣམས་ལ་ཚོན་རྩི་མཛེས་རིས་སྣ་ཚོགས་བཀོད་ཡོད་པ་སྟེ། དཔེར་ན་ཕོ་བྲང་ངམ་གཞིས་ཁང་སོགས་ཀྱི་ཚོམས་ཆེན་དང་གཟིམ་ཆུང་གཙོ་བོ་སོགས་ཀྱི་རྩིག་ལྡེབས་དང་ཤིང་ཆར་མཛེས་རིས་སྣ་ཚོགས་དང་། བར་ཁྱམས་ལྟ་བུར་སྤྱིར་བཏང་གི་ཚོན་རྩི་གཏོང་གི་ཡོད། ལྷ་ཁང་ངམ་དགོན་པ། བླ་བྲང་སོགས་ལ་ཚོས་གཞི་དམར་སེར་ཤས་ཆེ་བ་དང་། ཁྱིམ་པའི་ཁང་པར་ཚོས་གཞི་སྔོ་ལྗང་ཤས་ཆེ་རུང་ཚོམས་ཆེན་དང་མཆོད་ཁང་དེར་ཚོན་རྩི་དམར་སེར་ཁོ་ན་གཏོང་གི་ཡོད། རྩིག་ལྡེབས་ཀྱི་ཚོན་རྒྱས་བསྡུས་ཇི་ལྟར་ཡང་ཐོག་མཚམས་སུ་ཤམ་བུ་དང་རྩིགས་པའི་ཕྱེད་ཡོལ་ཙམ་ནས་དམར་སྔོ་ལྗང་གསུམ་གྱི་སྐེད་རིས། གཤམ་དུ་ཐང་གཤམ་ཞེས་དམར་པོའམ་རྒྱ་སྨུག་གཏོང་གི་ཡོད། ཨར་རྒྱག་རྒྱུ་ཆའི་ཐད་རྡོ་ཆེན་དང་། ཆུ་རྡོ། རྡོ་གཡམ། ཤིང་། ས། ས་དམར། བྱེ་མ། སྦ་དཀར། ཨར་ཀ་སོགས་དགོས་པ་དེ་དག་གི་འགྲོ་ཁུངས་ནི་རྡོ་ཆེན་གྱིས་ཕྱི་རྩིག་དང་། ས་དམར་གྱིས་ཁོག་འདག་སྦ་དཀར་དང་བྱེ་མ་བསྲེས་ནས་འཇམ་ཞལ་ས་དང་བྱེ་མ་བསྲེས་ནས་རྩུབ་ཞལ། ས་དམར་གྱིས་ཐོག་འདག་དང་མཐིལ་ཞལ། ཨར་ཀའམ་སྦ་དཀར་སྦ་སག་བསྲེས་པས་ཐོག་ཞལ་དང་། མཐིལ་ཞལ། ཉ་རྒྱབ། རྡོ་གཡམ་གྱིས་གོང་ལའི་ཆུ་འཛར། ས་ཕག་དང་ཡང་ན་གླང་མ་ཤིང་གི་ཡལ་ག་ཀ་དབྲག་དབར་ལྷས་ནས་ཞལ་བ་བཏང་བའི་ཤག་མ་ཞེས་པའམ་པང་ལེབ་སོགས་ཀྱིས་བར་བཤད། ཆུ་རྡོས་གྲལ་རྡོ་དང་། རྩིག་འགྲམ་གྱི་ཆུ་ལེན། ཤིང་གི་ཀ་གདུང་དང་། ལྕམ་དྲལ། སྒོ་སྒེའུ་ཁུང་གི་ཤིང་སངས་དང་རུ་གཞི་སོགས་བཟོ་ཡི་ཡོད་པ་དེའི་བཟོ་རིགས་ཐད་ཤིང་བཟོ་དང་། རྡོ་བཟོ། ཞལ་དཔོན། ཚོན་པ། ལྕགས་བཟོ་སོགས་དགོས་ལ་ཁོང་ཚོར་ཡང་དབུ་ཆེན་དང་། དབུ་ཆུང་། དཀྱུས་མ། དམངས་རྒྱུགས་སོགས་ཀྱི་དབྱེ་བ་ཡོད། ལས་ཀ་བྱེད་རིང་ཤིང་བཟོ་དབུ་ཆེན་གྱིས་བཟོ་སྐྲུན་འཆར་འགོད་དང་བཀོད་འདོམས་བྱེད་ཅིང་། རྡོ་བཟོ་དབུ་ཆེན་གྱིས་ཤིང་བཟོ་དབུ་ཆེན་ལ་རམ་འདེགས་ཀྱིས་རྩིག་པའི་ཐིག་དང་འཕྱོང་འབེབས་བྱེད་པ། ཤིང་བཟོ་དབུ་ཆུང་གིས་ལས་ཡུལ་དངོས་ཀྱི་ཐོག་ཀ་གདུང་སོགས་ཀྱི་བཟོ་འདོན་སྒྲིག་སྦྱོར་བྱས་ཐོག་ཤིང་བཟོ་དཀྱུས་མ་ཚོའི་ལས་ཀར་བཀོད་པ་གཏོང་བ་སོགས་བྱེད། རྡོ་བཟོ་དབུ་ཆུང་ཚོས་རྩིག་ཟུར་སློང་བ་དང་དཀྱུས་མ་ཚོའི་ལས་ཀར་བལྟ་ཞིབ་བྱེད་པ། ཤིང་བཟོ་དཀྱུས་མ་ཚོས་རྩིག་པ་བརྩིགས་པ་དང་། རྡོ་ལ་བཟོ་འདོན་པ་སོགས་བྱེད། དམངས་རྒྱུག་ནས་ས་རྡོ་དབོར་སྐྱེལ་དང་། རྩིག་རྨངས་བྲུ་བ། སེང་རྡོ་རྒྱག་པ། རྡོ་སྲུབ་ཏུ་མིག་འདག་འགྱོང་བ་སོགས་བྱེད་ཀྱི་ཡོད། ཞལ་དཔོན་ནས་རྩིག་ལྡེབས་སུ་ལྡེབས་ཞལ་འཇམ་རྩུབ་དང་། སྒོ་དང་སྒེའུ་ཁུང་གི་གཡས་གཡོན་ནག་རྩི་མཐིལ་ཞལ་དང་ཐོག་སྟེང་། ཉ་རྒྱབ་བཅས་ཀྱི་ཨར་ཀ་གཅོག་པ་སོགས་ཀྱི་འགན་འཁུར་གྱི་ཡོད། ལྕགས་བཟོ་བས་སྒོའི་ཤན་དང་། མཛོ་སྣ་དང་དཀྲི་ལྕགས། སྒོ་འབོར་སོགས་བཟོ་བ། ཚོན་པས་ཤིང་ཚོན་དང་ལྡེབས་བྲིས། རྩིག་ཚོན་སོགས་གཏོང་གི་ཡོད། བོད་ཁང་གི་རྩིག་པའི་ཁྱད་ཆོས་གཙོ་བོ་ནི་རྩིག་རྨང་བྲུས་ནས་སེང་རྡོ་ཞེས་རྡོ་ལག་པས་ཐེག་ཙམ་ཞིག་གིས་བཅག་བཅག་བཏང་བས་རྩིག་རྨང་བརྟན་པ་དང་རྩིག་པ་རྡོ་བསྟར་རེ་ལོངས་མཚམས་སེང་རྡོ་རེ་བརྒྱབ་སྟབས་རྩིག་པར་བབས་གཞོད་ཉུང་བ། ཅབ་ལ་དང་སྲུབ་བཀག་གིས་རྡོ་ཆེན་བར་དུ་ཕྲེད་གཞུང་དུ་བཅུག་སྟབས་རྡོ་ཆེན་གྱི་སྒྲོག་ལ་སྐྱོར་གྱི་ནུས་པ་ཐོན་པ། རྩིག་རྡོ་རྣམས་སྙལ་ནས་རྩིག་སྟབས་ཕན་ཚུན་སྒོག་དམ་པ། རྡོ་ཆེན་ཕྱི་ནང་གཉིས་ཀྱི་བར་ཁོག་རྡོ་ཞེས་རྡོ་ཆེན་དང་། གསེབ་ཧྲུག་ཅེས་རྡོ་ཧྲུག་འདམ་པའི་ཁར་བླུགས་པ་དེས་རྩིག་པའི་ཁོག་པ་ཚགས་དམ་པ། གཤམ་ནས་སྟེང་བར་འཐེན་ཞེས་རྩིག་ཞེང་ཕྱི་ངོས་ནས་སྐུམ་པར་བརྟེན་འོག་གི་རྩིག་རྡོར་གནོན་ཤུགས་ཆུང་བ་བཅས་ཀྱི་ཁྱད་ཆོས་ཡོད། ཤིང་བཟོ་བས་ཐད་ཀ་སྟེང་དུ་གཞུ་ཆུང་ (སྦེ་ལོག) དང་། གཞུ། གདུང་མ། པད་ཆོས། ལྕམ། དྲལ་མ་སོགས་རིམ་བཞིན་བཏང་ནས་ཐོག་བཀབ་པ་དང་། ཀ་གདུང་ལ་ལར་སྐུ་བརྙན་དང་དྲ་བ་དྲ་ཕྱེད་སོགས་ཀྱི་མཛེས་རིས་བརྐོས་དཀྲོལ་ཡང་བྱེད་ཀྱི་ཡོད། གཞུ་ཆུང་རིལ་པོའམ་ཡང་ན་ཀ་བ་དང་གཞུ་ཆུང་གི་བར་མཁྲེགས་ཤིང་ཞིག་གཏོང་གི་ཡོད་པ་ནི་ཀ་བའི་གཅེན་ཁར་སྣོན་ཤུགས་ཆུང་ཙམ་ཡོང་བའི་ཁྱད་ཡོད། ཡང་སྟེང་གི་གོང་ལའི་སྟེང་བད་ཕུར་ཁ་ཤིང་ཡང་སྤེན་བད་ཡོད་ན་སྤེན་བད་ཀྱི་སྟེང་འོག་ལ་འཁྲིད་ཐོག་དེའི་སྟེང་དུ་ཁ་ལ་སྐར་ཐིག་སྒོར་མོ་ཡང་བརྐོ་སྲོལ་ཡོད། ཞལ་བར་རྩུབ་ཞལ་ཞེས་པ་ས་དཀྱུས་མ་གསུམ་ཆ་གཅིག་ལ་བྱེ་མ་གསུམ་ཆ་གཉིས་བསྲེས་ནས་ཤིང་གི་སྡོད་པང་གིས་འཁོད་སྙོམ་བཟོ་བ་དང་། འཇམ་ཞལ་ཞེས་རྩུབ་ཞལ་གྱི་སྟེང་དུ་སྦ་དཀར་གསུམ་ཆ་གཅིག་ལ་བྱེ་མ་གསུམ་ཆ་གཉིས་བསྲེ་དགོས། ཐོག་བཀབ་སྟངས་ནི་ལྕམ་གྱི་སྟེང་དྲལ་མ་གཏོང་བ་དེ་ཡང་སྟེང་དྲལ་ཞེས་ཤིང་གི་ཡལ་གར་གཞོག་བརྒྱབ་ནས་སྒྲིག་པ་དང་། དྲལ་པང་ཞེས་པང་ལེབ། གཞན་ཡང་ཤིང་གི་གཤག་ཚལ་ཡང་གཏོང་གི་ཡོད། དེའི་སྟེང་དྲལ་རྡོས་མནན་ནས་ས་བཟང་བའི་ཐོག་འདག་དང་དེའི་སྟེང་ཨར་ཀ་བཅག་དགོས་པ་བཅས་ཡིན། ཐོག་ཕུབ་ཉིན་བོད་ཚེས་༡༢ ༨ ༡༤ ༢༠ ༢༦བཅས་ལ་དུས་ཚོད་སྐར་མ་ཆུ་ཚགས་ཡིན་པས་འཛེམས་དགོས་ཞེས་ཟེར་སྲོལ་ཡོད་པ་བཅས་བོད་ལུགས་ཁང་པའི་བཟོ་བཀོད་ཀྱི་ལག་རྩལ་ངོ་སྤྲོད་མདོར་བསྡུས་ཙམ་ཞིག་ཡིན།
- language:
- Tibetan