- bye brag smra ba'i dbye ba
- ID:
- T238087
- བྱེ་བྲག་སྨྲ་བའི་དབྱེ་བ (Tibetan, Tibetan script, Original)
- > bye brag smra ba'i dbye ba (Tibetan, Latin script, Transliteration-THL Extended Wylie Transliteration)
- > jedrak mawé yewa (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
འདིར་དབྱེ་བ་གསུམ་དུ་ཕྱེ་བའི་ཁ་ཆེ་བྱེ་བྲག་སྨྲ་བ་དང་། ཉི་འོག་པ། ཡུལ་དབུས་ཀྱི་བྱེ་བྲག་སྨྲ་བ་གསུམ་ནི། དཔེར་ན་སྔར་ཁ་ཆེའི་ཡུལ་དུ་དར་བའི་བྱེ་བྲག་སྨྲ་བའི་གྲུབ་མཐའ་ལ་ཁ་ཆེ་བྱེ་བྲག་སྨྲ་བ་ཞེས་པ་ལྟར། དེ་གསུམ་ནི་ཡུལ་གྱི་སྒོ་ནས་ཐ་སྙད་དེ་ལྟར་བྱས་པར་གསུངས་སོ། གཞན་ཡང་བྱེ་བྲག་སྨྲ་བ་ལ་སྡེ་པའི་སྒོ་ནས་དབྱེ་ན། རྩ་བའི་སྡེ་བཞི་དང་གྱེས་པ་བཅོ་བརྒྱད་སོགས་ཀྱི་དབྱེ་ཚུལ་ཡོད་དེ་སྟོན་པ་མྱ་ངན་ལ་འདས་ནས་ལོ་བརྒྱ་དང་བཅུ་དྲུག་ན་གྲོང་ཁྱེར་མེ་ཏོག་གི་བརྒྱན་པ་ཞེས་བྱ་བར་དགེ་འདུན་གྱི་གནས་བརྟན་པ་བཞི་སྐད་མི་མཐུན་པ་ལེགས་སྦྱར། ཟུར་ཆག ཡུལ་མི་རང་བཞིན། ཤ་ཟའི་སྐད་ཀྱིས་ལུང་འདོན་པས་སློབ་མ་རྣམས་ལྟ་བ་མི་མཐུན་པར་གྱུར་ཏེ། རྩ་བའི་སྡེ་བཞི་ལ་གྱེས་པ་ནི། ཐམས་ཅད་ཡོད་པར་སྨྲ་བ། ཕལ་ཆེན་པ། གནས་བརྟན་པ། འོད་སྲུངས་ཆེན་པོའི་རྗེས་སུ་འབྲངས་ཤིང་། གསུང་རབ་རང་བཞིན་སྐད་དུ་འདོན་པ། གྱེས་པའི་ཚེ་དགེ་འདུན་ཕལ་ཆེ་བ་ཕྱོགས་འདིར་འདུས་པས་ཕལ་ཆེན་པ་ཞེས་པ་དང་། གསུམ་པ་ནི། ཀ་དྱཱ་ན་རྗེས་སུ་འབྲངས་ཤིང་། གསུང་རབ་ཤ་ཟའི་སྐད་ཀྱིས་འདོན་པ། གནས་བརྟན་འཕགས་པའི་རིགས་ཡིན་པར་སྨྲ་བས་གནས་བརྟན་པ་ཞེས་པ། བཞི་པ་ནི། ཉེ་བར་འཁོར་གྱི་རྗེས་སུ་འབྲངས་ཤིང་། གསུང་རབ་ཟུར་ཆག་སྐད་ཀྱིས་འདོན་པ། སྐྱེ་བོ་མང་པོས་བཀུར་སྟི་བྱས་པའི་རིགས་ཡིན་པས་མང་བཀུར་བ་ཞེས་ཟེར་བ་ཡིན་ནོ། དེ་དག་ཀྱང་ནང་གསེས་ཀྱིས་དབྱེ་བ་སོ་སོར་གྱེས་པས་སྡེ་པ་བཅོ་བརྒྱད་དུ་གྱེས་སོ། བཅོ་བརྒྱད་ནི། སློབ་དཔོན་འདུལ་བ་ལྷས། ཤར་དང་ནུབ་དང་གངས་རིར་གནས། འཇིག་རྟེན་འདས་པར་སྨྲ་བའི་སྡེ། བཏགས་པར་སྨྲ་བའི་སྡེ་པ་དང་། ལྔ་ཚན་དགེ་འདུན་ཕལ་ཆེན་པ། གཞི་ཀུན་པ་དང་འོད་སྲུངས་སྡེ། ས་སྟོན་སྡེ་དང་ཆོས་སྲུང་སྡེ། མང་ཐོས་གོས་དམར་སློབ་མ་དང་། རྣམ་པར་ཕྱེ་སྟེ་སྨྲ་བའི་སྡེ། ཐམས་ཅད་ཡོད་པར་སྨྲ་བ་ཡིན། རྒྱལ་བྱེད་ཚལ་གནས་འཇིགས་མེད་གནས། གཙུག་ལག་ཁང་ཆེན་གནས་བརྟན་པ། ས་སྒྲོག་རི་དང་སྲུང་བ་པ། གནས་མ་བུ་ཡི་སྡེ་རྣམས་ནི། ཀུན་གྱིས་བཀུར་བ་རྣམ་པ་གསུམ། ཡུལ་དོན་སློབ་དཔོན་བྱེ་བྲག་གིས། ཐ་དད་རྣམ་པ་བཅོ་བརྒྱད་གྱུར། ཞེས་དགེ་འདུན་ཕལ་ཆེན་པ་ལྔ། ཐམས་ཅད་ཡོད་སྨྲ་བ་འདུན། གནས་བརྟན་པ་གསུམ། མང་བཀུར་མ་གསུམ་སྟེ་བཅོ་བརྒྱད་དུ་གསུངས་སོ། འདི་དག་ལ་བཞེད་ཚུལ་མི་འདྲ་བ་དུ་མ་ཡོད་པ་རྣམས་གཞུས་གཞན་ལས་ཤེས་པར་བྱའོ།
- language:
- Tibetan
2. Thupten Phuntsok Dictionary
འདིར་དབྱེ་བ་གསུམ་དུ་ཕྱེ་བའི་ཁ་ཆེ་བྱེ་བྲག་སྨྲ་བ་དང་། ཉི་འོག་པ། ཡུལ་དབུས་ཀྱི་བྱེ་བྲག་སྨྲ་བ་གསུམ་མོ། །
- language:
- Tibetan