- mi yi 'gro ba byung tshul
- ID:
- T239412
- མི་ཡི་འགྲོ་བ་བྱུང་ཚུལ (Tibetan, Tibetan script, Original)
- > mi yi 'gro ba byung tshul (Tibetan, Latin script, Transliteration-THL Extended Wylie Transliteration)
- > mi yi drowa jung tsul (Tibetan, Latin script, Transcription-THL Simplified Tibetan Transcription)
Other Dictionaries
1. Thupten Phuntsok Dictionary
བོད་གནའ་རབ་ཀྱི་ལོ་རྒྱུས་ཐོག་བཤད་ཚུལ་ནི། བོད་ཀྱི་མི་རིགས་ནི་ཐོག་མར་ཡར་ལུང་གཙང་པོའི་རྒྱུད་རྩེད་ཐང་ས་ཁུལ་དུ་ཕ་སྤྲེའུ་དང་མ་བྲག་སྲིན་མོ (སྤྲ་མོ) གཉིས་འདུས་པ་ལ་བརྟེན་ནས་བྱུང་ཞིང་། ཕྲུ་གུ་དེ་རྣམས་སྤྱིར་བཏང་གི་སྲོག་ཆགས་དང་མི་འདྲ་བར་ཤེས་རིག་རྣོ་ཞིང་རྩལ་སྟོབས་ཆེ་ལ་གཟུགས་དབྱིབས་ཀྱང་མི་མིན་སྤྲེལ་མིན་མཇུག་མ་ཡོད་པ་ཞིག་ཡིན། རྗེས་སུ་ཁོར་ཡུག་གི་ནགས་ཚལ་དང་ཤིང་ཏོག་རྣམས་ཟད་ནས་ས་གནས་གཞན་དུ་འགྲོ་བསྐྱོད་བྱེད་མ་ཐུབ་པར་ལུས་པ་རྣམས་མ་རྨོས་ལོ་ཏོག་ཟོས་པར་བརྟེན་མཇུག་མ་ཆད་ནས་ལུས་ལ་ཤིང་ལོ་གྱོན་པའི་གདོད་མའི་མི་ལྟ་བུར་གྱུར་པའི་མཐར་ཞིང་ལས་ཀྱང་མི་བྱེད་ཀ་མེད་བྱུང་སྟེ། སྐབས་དེར་ཐོག་མར་ཞིང་ཁ་འདེབས་ས་ནི་ཟ་ར་ཟོ་ཐང་ཞེས་དེང་སང་དངོས་སུ་མཐོང་རྒྱུ་ཡོད་པ་འདི་ཡིན་ཟེར་སྲོལ་ཡོད། བཤད་ཚུལ་དེ་ནི་བོད་དུ་སངས་རྒྱས་ཆོས་ལུགས་དང་བོན་གྱི་ཆོས་ལུགས་གཉིས་ཀ་མ་བྱུང་གོང་གི་བཤད་ཚུལ་ཞིག་ཡིན་པས། དུས་སྐབས་དེར་འཛམ་གླིང་ཐོག་ལྷ་དབང་ཕྱུག་གིས་འཇིག་རྟེན་ཚང་མ་བཟོས་པ་ཡིན་ཟེར་བ་དང་། ཡང་ན་དེ་དང་རིགས་འདྲ་བའི་བཤད་ཚུལ་མང་པོ་ཡོད་པ་དེ་རྣམས་ལས་ཧ་ཅང་ལེགས་པ་དང་ཚན་རིག་དང་ཤིན་ཏུ་མཐུན།
- language:
- Tibetan