- mi'i nyi ma mthong ba don ldan
- ID:
- T239564
- མིའི་ཉི་མ་མཐོང་བ་དོན་ལྡན (Tibetan, Tibetan script, Original)
- > mi'i nyi ma mthong ba don ldan (Tibetan, Latin script, Transliteration-THL Extended Wylie Transliteration)
- > mi nyima tongwa dönden (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
མཚན་གཞན་བྱམས་པ་དཀོན་མཆོག་རིན་ཆེན་མཆོག་ནི་སྔར་བོད་ཀྱི་ཆོས་རྒྱལ་གྱི་གདུང་རྒྱུད་གྲགས་པ་བསོད་ནམས་རྡོ་རྗེ་ཞེས་བྱ་བའི་སྲས་སུ་སྐུ་བལྟམས། སྐུ་ཆུང་སྲིད་ནས་ཡོན་ཏན་ལ་དད་བརྩོན་ཆེ་ཞིང་། དབུལ་ཕོངས་དང་དམན་པ་རྣམས་ལ་ཐུགས་བརྩེ་དང་སྙིང་རྗེ་ཆེ་བའི་བྱང་སེམས་ལྡན་པས་ཀུན་གྱི་བཀུར་ཡུལ་དུ་གྱུར། ཡི་གེ་འབྲི་ཀློག་སྦྱོང་སྐབས་སྙིང་རུས་ཆེ་ལ་ཐུགས་རིག་ཤིན་ཏུ་སྐྱེན། དགུང་ལོ་བཅུ་ཡས་མས་སུ་འཕགས་ཡུལ་གྱི་པཎྜི་ཏ་ཆེན་པོ་ནགས་ཀྱི་རིན་ཆེན་དང་། ལོ་ཆེན་བསོད་ནམས་རྒྱ་མཚོ། བྱང་བདག་པོ་རིག་ལྡན་རྣམ་རྒྱལ་གྲགས་བཟང་སོགས་བསྟེན་ནས་སྡེ་སྣོད་གསུམ་དང་། རྒྱུད་སྡེ་བཞི་སོགས་རིག་གནས་སྤྱི་དང་ཁྱད་པར་དུ་གསོ་བ་རིག་པ་ལ་སྦྱངས་པ་མཐར་ཕྱིན་མཛད་པས་བོད་གངས་ཅན་གྱི་ཡུལ་འདིར་དར་རོ་ཅོག་གི་གསོ་དཔྱད་མཐའ་དག་ལ་མཁྱེན་པ་རབ་ཏུ་བརྟས་པའི་སྙན་གྲགས་ས་སྟེང་དུ་ཁྱབ། སློབ་མ་རྣམས་ལ་བྱམས་ཤིང་ཐུགས་བརྩེ་ཆེ་བས་ཡོན་ཏན་བུམ་པ་གང་བྱོའི་ཚུལ་དུ་བསླབས། ནད་པ་ལ་སྙིང་རྗེ་དང་ངང་རྒྱུད་འཇམ་ཞིང་མཆོག་དམན་དབྱེར་མེད་དུ་འབད་པས་གསོ་བར་མཛད། 《གསོ་དཔྱད་ཀྱི་རྒྱལ་པོ།》དང་།《རྒྱུད་བཞིའི་འགྲེལ་པ།》《བཀོད་པ་རྣམ་བཞི།》《མ་ལ་ཡའི་བཀའ་འགྲེལ་འདོད་འཇོ་ཆེ་ཆུང་།》《གསོ་དཔྱད་ཀྱི་རྒྱལ་པོ།》《ངོ་མཚར་སྤྱི་སྨན་རྩ་མདོའི་འགྲེལ་པ་སྙན་རྒྱུད་རྡོ་རྗེའི་ཚིག་རྐང་》སོགས་སྨན་དཔེ་མང་པོ་ཕྱག་རྩོམ་མཛད་ཡོད་པ་བཅས་ཀྱིས་བོད་ཀྱི་གསོ་བ་རིག་པའི་ཐད་བྱང་བདག་པོ་རྣམ་རྒྱལ་གྲགས་བཟང་གི་བཞེད་སྲོལ་ཐུན་མོང་མིན་པ་རྒྱུན་འཛིན་འཕེལ་རྒྱས་གཏོང་བར་ཕྱག་རྗེས་ཤིན་ཏུ་ཆེའོ། ། (འཁྲུངས་འདས་ཀྱི་ལོ་ཚིགས་མ་རྙེད་རུང་དམ་པ་འདི་ཉིད་བྱང་པ་རྣམ་རྒྱལ་གྲགས་བཟང་གི་ཐུགས་སྲས་ཡིན་པས་བོད་རབ་བྱུང་བདུན་པའི་ནང་བྱོན་པར་སྣང་།)
- language:
- Tibetan
2. Thupten Phuntsok Dictionary
མཚན་གཞན་བྱམས་པ་དཀོན་མཆོག་རིན་ཆེན་མཆོག་ནི་སྔར་བོད་ཀྱི་ཆོས་རྒྱལ་གྱི་གདུང་བརྒྱུད་གྲགས་པ་བསོད་ནམས་རྡོ་རྗེ་ཞེས་བྱ་བའི་སྲས་སུ་སྐུ་བལྟམས། སྐུ་ཆུང་དུས་ནས་ཡོན་ཏན་ལ་དད་བརྩོན་ཆེ་ཞིང་། དབུལ་ཕོངས་དང་དམན་པ་རྣམས་ལ་ཐུགས་བརྩེ་དང་སྙིང་རྗེ་ཆེ་བའི་བྱམས་སེམས་ལྡན་པས་ཀུན་གྱི་བཀུར་ཡུལ་དུ་གྱུར། ཡི་གེ་འབྲི་ཀློག་སྦྱོང་སྐབས་སྙིང་རུས་ཆེ་ལ་ཐུགས་རིག་ཤིན་ཏུ་སྐྱེན། དགུང་ལོ་བཅུ་ཡས་མས་སུ་འཕགས་ཡུལ་གྱི་པཎྜིཏ་ཆེན་པོ་ནགས་ཀྱི་རིན་ཆེན་དང་། ལོ་ཆེན་བསོད་ནམས་རྒྱ་མཚོ། བྱང་བདག་པོ་རིག་ལྡན་རྣམ་རྒྱལ་གྲགས་བཟང་སོགས་བསྟེན་ནས་སྡེ་སྣོད་གསུམ་དང་། རྒྱུད་སྡེ་བཞི་སོགས་རིག་གནས་སྤྱི་དང་ཁྱད་པར་དུ་གསོ་བ་རིག་པ་ལ་སྦྱངས་པ་མཐར་ཕྱིན་མཛད་པས་བོད་གངས་ཅན་གྱི་ཡུལ་འདིར་དར་རོ་ཅོག་གི་གསོ་དཔྱད་མཐའ་དག་ལ་མཁྱེན་པ་རབ་ཏུ་བརྟས་པའི་སྙན་གྲགས་ས་སྟེང་ཁྱབ། སློབ་མ་རྣམས་ལ་བྱམས་ཤིང་ཐུགས་བརྩེ་ཆེ་བས་ཡོན་ཏན་བུམ་པ་གང་བྱོའི་ཚུལ་དུ་བསླབས། ནད་པ་ལ་སྙིང་རྗེ་དང་ངང་རྒྱུད་འཇམ་ཤིང་མཆོག་དམན་དབྱེར་མེད་དུ་འབད་པས་གསོ་བར་མཛད། གསོ་དཔྱད་ཀྱི་རྒྱལ་པོ་》དང་རྒྱུད་བཞིའི་འགྲེལ་པ》 ངོ་མཚར་སྤྱི་སྨན་རྩ་མདོའི་འགྲེལ་པ་སྙན་བརྒྱུད་རྡོ་རྗེའི་ཚིག་རྐང་》སོགས་སྨན་དཔེ་མང་པོ་ཕྱག་རྩོམ་མཛད་ཡོད་པ་བཅས་ཀྱིས་བོད་ཀྱི་གསོ་བ་རིག་པའི་ཐད་བྱང་བདག་པོ་རྣམ་རྒྱལ་གྲགས་བཟང་གི་བཞེད་སྲོལ་ཐུན་མོང་མིན་པ་རྒྱུན་འཛིན་འཕེལ་རྒྱས་གཏོང་བར་ཕྱག་རྗེས་ཤིན་ཏུ་ཆེའོ། ། (འཁྲུངས་འདས་ཀྱི་ལོ་ཚིགས་མ་རྙེད་རུང་དམ་པ་འདི་ཉིད་བྱང་པ་རྣམ་རྒྱལ་གྲགས་བཟང་གི་ཐུགས་སྲས་ཡིན་པས་བོད་རབ་བྱུང་བདུན་པའི་ནང་བྱོན་པར་སྣང་།)
- language:
- Tibetan
3. gangs can mkhas grub rim byon ming mdzod
ཁོང་ནི་སྤྱི་ལོའི་དུས་རབས་བཅུ་བཞི་པའི་དུས་སྟོད་ཙམ་དུ་བོད་ཀྱི་རྒྱལ་པོའི་གདུང་བརྒྱུད་དྲི་མ་མེད་པ་ཡབ་བསོད་ནམས་རྡོ་རྗེའི་སྲས་སུ་སྐུ་འཁྲུངས། ཁོང་དགུང་ལོ་ཆུང་ངུའི་དུས་ནས་ཡི་གེའི་སྦྱོར་ཀློག་བཅས་ལ་ལེགས་པར་མཁྱེན། དེ་ནས་པཎ་ཆེན་ནགས་ཀྱི་རིན་[1296]ཆེན་དང་། ལོ་ཆེན་བསོད་ནམས་རྒྱ་མཚོ། བྱང་བ་རྣམ་རྒྱལ་གྲགས་པ་བཟང་པོ། བྲང་ཏི་དཔལ་ལྡན་འཚོ་བྱེད་སོགས་ལ་བསྟེན་ནས་སྡེ་སྣོད་གསུམ་དང་རྒྱུད་སྡེ་བཞིའི་དགོངས་འགྲེལ་དང་བཅས་པར་སློབ་གཉེར་མཛད་པ་དང་། ཁྱད་པར་དུ་གསོ་བ་རིག་པའི་གཞུང་ལུགས་ལ་སྦྱངས་པ་དཔྱིས་ཕྱིན་པ་མཛད་པས་མཁས་པའི་ཁྱུ་མཆོག་ཏུ་གྱུར། ཁོང་གི་མཚན་གཞན་ལ་ལྷ་བཙུན་བྱམས་པ་དཀོན་མཆོག་རིན་ཆེན་ཞེས་ཞུའོ། ཁོང་གི་གསུང་རྩོམ་ནི《གསོ་དཔྱད་རྒྱལ་པོ》དང་། 《རྒྱུད་བཞིའི་འགྲེལ་བ་བཀོད་པ་རྣམ་བཞི》། 《རྒྱུད་རྣམ་བཞི》། 《རྒྱུད་བཞིའི་བཀའ་སྒྲུབ》། 《ཁྱད་འཕགས་སྤྱི་སྨན》། 《ངོ་མཚར་སྤྱི་སྨན》། 《རིམས་བཅོས་མི་ལ་སྲོག་སྦྱིན》། 《རྩ་མདོའི་འགྲེལ་བ་སྙན་རྒྱུད་རྡོ་རྗེའི་ཚིག་རྐང》། 《གཅེས་བསྡུས་རིན་ཆེན་ཕྲེང་བ》། 《མངོན་པར་རྟོགས་པའི་གསོལ་འདེབས》། 《མ་ལཱ་ཡའི་དཀའ་འགྲེལ་འདོད་འཇོ་ཆེ་ཆུང》བཅས་བཞུགས་སོ། །
- language:
- Tibetan