- myang mang po rje zhang snang
- ID:
- T239741
- མྱང་མང་པོ་རྗེ་ཞང་སྣང (Tibetan, Tibetan script, Original)
- > myang mang po rje zhang snang (Tibetan, Latin script, Transliteration-THL Extended Wylie Transliteration)
- > nyang mangpo jé shyang nang (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
རྒྱལ་པོ་སྲོང་བཙན་སྒམ་པོའི་བློན་པོ་ཞིག་གི་མིང་ཡིན་པ་དང་། རྒྱལ་པོ་དང་བློན་པོ་འདི་གཉིས་ཀྱི་བར་བློན་པོ་ཁྱུང་པོ་སྤུངས་སད་ཟུ་ཙེས་ཕྲ་མ་བཅུག་སྟེ་ཟུ་ཙེས་རང་བློ་ཉེ་བའི་མི་མང་པོ་ཞང་སྣང་གི་བྲན་གཡོག་ལ་མངགས་ཏེ་ཞང་སྣང་བསད་པ་དང་མཁར་གྲོང་ཡང་གཤིགས་པ་བཅས་ཏུན་ཧོང་ནས་ཐོན་པའི་བོད་ཀྱི་ལོ་རྒྱུས་ཡིག་ཆར་གསལ་ཞིང་། 《ཆོས་འབྱུང་མཁས་པའི་དགའ་སྟོན་》ནང་བློན་པོ་འདི་རྒྱལ་པོ་མང་སྲོང་མང་བཙན་གྱི་བློན་པོ་ཡིན་པར་གསུངས་པ་དཔྱད་གཞིའི་ཡིག་ཆ་གཞན་ཞིག་གཟིགས་ནས་གསུངས་པ་ཡིན་ངེས་སྙམ། །
- language:
- Tibetan
2. Thupten Phuntsok Dictionary
རྒྱལ་པོ་སྲོང་བཙན་སྒམ་པོའི་བློན་པོ་ཞིག་གི་མིང་ཡིན་པ་དང་། རྒྱལ་པོ་དང་བློན་པོ་འདི་གཉིས་ཀྱི་བར་བློན་པོ་ཁྱུང་པོ་སྤུངས་སད་ཟུ་ཙེས་ཕྲ་མ་བཅུག་སྟེ་ཟུ་ཙེས་རང་དང་བློ་ཉེ་བའི་མི་མང་པོ་ཞང་སྣང་གི་བྲན་གཡོག་ལ་མངགས་ཏེ་ཞང་སྣང་བསད་པ་དང་མཁར་གྲོང་ཡང་བརླགས་པ་བཅས་ཏུན་ཧོང་ནས་ཐོན་པའི་བོད་ཀྱི་ལོ་རྒྱུས་ཡིག་ཆར་གསལ་ཞིང་། ཆོས་འབྱུང་མཁས་པའི་དགའ་སྟོན》ནང་བློན་པོ་འདི་རྒྱལ་པོ་མང་སྲོང་མང་བཙན་གྱི་བློན་པོ་ཡིན་པར་གསུངས་པ་དཔྱད་གཞིའི་ཡིག་ཆ་གཞན་ཞིག་གཟིགས་ནས་གསུངས་པ་ཡིན་ངེས་སྙམ།
- language:
- Tibetan
3. gangs can mkhas grub rim byon ming mdzod
ཁོང་ནི་སྤྱི་ལོའི་དུས་རབས་དྲུག་པའི་དུས་སྨད་ཙམ་དུ་སྐུ་འཁྲུངས་ཤིང་། སྐུ་ཚེའི་སྟོད་དུ་རྒྱལ་པོ་གནམ་རི་སྲོང་བཙན་གྱི་བློན་པོ་ཡིན། དེ་ནས་རྒྱལ་པོ་སྲོང་བཙན་སྒམ་པོ་ཞབས་ནས་འདེགས་ཏེ་རྒྱལ་པོའི་ཁྲི་ལ་མངའ་གསོལ་ཞིང་བློན་པོའི་འགན་ཁུར་བཞེས། སུམ་པའི་རྒྱལ་ཁམས་སོགས་ལ་དྲག་པོ་གཡུལ་གྱི་ལས་ལ་རྟེན་མ་དགོས་པར་ཐབས་མཁས་ཞི་བའི་སྒོ་ནས་རྒྱལ་པོའི་ཆབ་འབངས་སུ་བཀུགས། འོན་ཀྱང་རྒྱལ་བློན་གཉིས་ཀྱི་བར་ལ་བློན་པོ་ཁྱུང་པོ་སྤུང་སད་ཟུ་ཙེས་ཕྲ་མ་[1309]བཅུག་པས་རྒྱལ་པོ་སྲོང་བཙན་སྒམ་པོས་མྱང་བློན་བློ་ལོག་པར་དགོངས་ནས་མྱང་གི་མཁར་སྤུར་བའི་མཐའ་ནས་དམག་གིས་བསྐོར་བ་དང་། མྱང་རང་གི་འཁོར་གཡོག་པ་ཚབ་གྱིམ་ཕོ་ཟེར་བས་ནང་དུ་བསླུ་ཐབས་ཀྱིས་མྱང་བློན་བཀྲོངས་སོ། །
- language:
- Tibetan