- rtsa mi sangs rgyas grags pa
- ID:
- T240501
- རྩ་མི་སངས་རྒྱས་གྲགས་པ (Tibetan, Tibetan script, Original)
- > rtsa mi sangs rgyas grags pa (Tibetan, Latin script, Transliteration-THL Extended Wylie Transliteration)
- > tsa mi sangye drakpa (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
རྩ་མི་ལོ་ཙྰ་བ་སངས་རྒྱས་གྲགས་པ། ལོ་ཙཱ་བ་འདི་གུང་ཐང་བླ་མ་ཞང་གི་རྣམ་ཐར་ནང་གསལ་བས་ཁོང་དང་དུས་ཐོག་ཕལ་ཆེར་མཚུངས་པར་མངོན། འཁྲུངས་ཡུལ་མདོ་ཁམས་མི་ཉག་གི་ཡུལ་རྩ་མིར་འཁྲུངས། ལོ་ཙཱ་མཁས་པར་མཁྱེན་ཅིང། མདོ་སྔགས་གཉིས་ཀར་མཁས་པས་རྒྱ་གར་རྡོ་རྗེ་གདན་དགོན་པའི་མཁན་པོ་ཡང་མཛད། ཁེའུ་གད་པ་འཁོར་ལོ་གྲགས་དང། སྤང་ཞོ་གསལ་བ་གྲགས་གཉིས་དང་མཉམ་དུ་པཎྜི་ཏ་ཨ་བྷ་ཡ་ཀ་གུཔྟ་བསྟེན་ནས་དུས་འཁོར། ཕྲེང་བ་སྐོར་གསུམ། ཐུབ་པ་དགོངས་རྒྱན། མན་ངག་སྙེ་མ་བཅས་བསྒྱུར་བ་དང། རྒྱ་གར་རྡོ་རྗེ་གདན་དུ་སྟོན་པའི་རྒྱལ་ཚབ་ཀྱང་མཛད།
- language:
- Tibetan
2. Thupten Phuntsok Dictionary
རྩ་མི་ལོ་ཙཱ་བ་སངས་རྒྱས་གྲགས་པ། ལོ་ཙཱ་བ་འདི་གུང་ཐང་བླ་མ་ཞང་གི་རྣམ་ཐར་ནང་གསལ་བས་ཁོང་དང་དུས་ཐོག་ཕལ་ཆེར་མཚུངས་པར་མངོན། འཁྲུངས་ཡུལ་མདོ་ཁམས་མི་ཉག་གི་ཡུལ་རྩ་མིར་འཁྲུངས། ལོ་ཙཱ་མཁས་པར་མཁྱེན་ཅིང་། མདོ་སྔགས་གཉིས་ཀར་མཁས་པས་རྒྱ་གར་རྡོ་རྗེ་གདན་དགོན་པའི་མཁན་པོ་ཡང་མཛད། ཁེའུ་གད་པ་འཁོར་ལོ་གྲགས་དང་། སྤང་ཞོ་གསལ་བ་གྲགས་གཉིས་དང་མཉམ་དུ་པཎྜི་ཏ་ཨ་བྷ་ཡ་ཀ་གུཔྟ་བསྟེན་ནས་དུས་འཁོར། ཕྲེང་བ་སྐོར་གསུམ། ཐུབ་པ་དགོངས་རྒྱན། མན་ངག་སྙེ་མ་བཅས་བསྒྱུར་བ་དང་། རྒྱ་གར་རྡོ་རྗེ་གདན་དུ་སྟོན་པའི་རྒྱལ་ཚབ་ཀྱང་མཛད།
- language:
- Tibetan
3. gangs can mkhas grub rim byon ming mdzod
ཁོང་ནི་སྤྱི་ལོའི་དུས་རབས་བཅུ་གཅིག་པའི་དུས་སྨད་ཙམ་དུ་མདོ་ཁམས་མི་ཉག་གི་ཡུལ་དུ་སྐུ་འཁྲུངས་པའི་ལོ་ཙཱ་བ་ཞིག་ཡིན། ཁོང་གིས་ཐོག་མར་བོད་ཡུལ་ནས་སློབ་གཉེར་མཛད་ཅིང་། བསྟན་པའི་ཆོས་སྒོར་ཞུགས་ཏེ་རབ་བྱུང་དང་། དགེ་ཚུལ། དགེ་སློང་གི་སྡོམ་པ་རྣམས་རིམ་གྱིས་བཞེས་ཤིང་འདུལ་བའི་ཆོས་གཞུང་སོགས་ལ་ཐོས་བསམ་མཛད། དེ་ནས་ཁ་ཆེ་དང་བལ་ཡུལ་བརྒྱུད་རྒྱ་གར་དུ་ཕེབས་ཏེ་པཎྜི་ཏ་ཨ་བྷ་ཡ་ཀ་ར་གུ་སྟ་སོགས་ལ་བསྟེན་ནས་མདོ་སྔགས་གཉིས་ཀར་སྦྱངས་པ་དཔྱིས་ཕྱིན་པ་མཛད་ཅིང་། ལེགས་སྦྱར་གྱི་སྐད་ལ་ཡང་བྱང་ཞིང་ཆུབ་པར་བསླབས་ཏེ་བསྟན་བཅོས་དུ་མ་བསྒྱུར་བ་མཛད། རབ་བྱུང་གཉིས་པའི་མེ་ཕོ་རྟ་ལོ་སྟེ་སྤྱི་ལོ 1126 ལོའི་ཡན་མན་དུ་སྟེང་བ་ལོ་ཙཱ་བ་ཚུལ་ཁྲིམས་འབྱུང་གནས་རྒྱ་གར་དུ་ཕེབས་ནས་རྩ་མི་སངས་རྒྱས་གྲགས་པ་ཁོང་ལ་བསྟེན་ཏེ་ལོ་བཅུ་ཡི་རིང་དུ་སློབ་གཉེར་མཛད། རྒྱ་གར་རྡོ་རྗེ་གདན་དུ་སྟོན་པའི་རྒྱལ་ཚབ་མཛད་ཅིང་མཐར་རྒྱ་གར་དུ་སྐུ་གཤེགས་པར་གྲགས་སོ། ཁོང་གི་བསྒྱུར་རྩོམ་ནི་《བསྟན་འགྱུར》ལས《ཡང་དག་པར་སྦྱོར་བའི་རྒྱུད་ཀྱི་རྒྱལ་པོའི་རྒྱ་[1363]ཆེར་འགྲེལ་བ་མན་ངག་གི་སྙེ་མ》ཤོ་ལོ་ཀ་སྟོང་ཕྲག་བརྒྱད་པ་དང་། 《འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་འགྲེལ་བ་དྲི་མ་མེད་པའི་འོད》། 《དཔལ་མགོན་པོའི་ནང་སྒྲུབ》། 《དཔལ་ནག་པོ་ཆེན་པོའི་སྒྲུབ་ཐབས》། 《ཡན་ལག་གི་དམ་ཚིག》། 《རྡོ་རྗེ་ཐེག་པའི་ལྟུང་བའི་སྙེ་མ》། 《རྡོ་རྗེ་ཐེག་པའི་རྩ་བའི་ལྟུང་བའི་ལས་ཀྱི་ཆོ་ག》བཅས་བཞུགས་སོ། །
- language:
- Tibetan