1. Thupten Phuntsok Dictionary

(དབྱར་རྩྭ་དགུན་འབུ) འདི་རང་ལྗོངས་ཀྱི་སྨི4300～5000བར་གྱི་འབྲོག་ཁུལ་གང་དུའང་ཐར་ཐོར་ཡོད་ཅིང་། མང་ཆེ་བ་ཁ་མཐོའི་སྲིབ་རིའི་སྤང་དུ་འཁྲུངས་ཤིང་ལོ་གཅིག་སྐྱེ་བའི་རྩྭ་རིགས་ཏེ་ཐོག་མར་དགུན་དུས་འབུ་མེ་ལྕེབ་ཕྱེ་ལེབ་རིགས་ཀྱི་འབུ་ཕྲུག་ས་གཏིང་དུ་ཡོད་པའི་ལུས་ལ་འབུ་ཕྲ་ཞུགས་ནས་ཤི་བའི་ལུས་སླར་ཡང་སྐྱེ་དངོས་ཀྱི་རྩ་རུ་གྱུར་ནས་སྐྱེས་པ་ཡིན་པས། ཤ་རྒྱུའི་རྩ་བ་ཕྱི་སེར་ལ་ནང་དཀར་བ་འཕྲེད་གཉེར་དང་ལྡན་པ། མགོ་དང་ཁ་ཡོད་པ་མ་ཟད་ལྟོ་བར་རྐང་ལག་ཆ་བརྒྱད་ཡོད་པ་སོགས་འབུ་ཡི་ལུས་ཇི་ལྟ་བ་ལ། ལྟག་པའི་རྒྱུད་དུ་སྤུ་ཐུང་ནག་ཞིབ་ཐར་ཐོར་ཡོད་པ། ལུས་ཚད་ཕལ་ཆེར་སྨི་0.05～0.06ཙམ་ཟིན་པ་སའི་ནང་དུ་ཐད་ཀར་ཟུག་པ་དང་། ཟླ་5～6པར་ས་ངོས་སུ་སྡོང་པོ་རྫ་སྨུག་གམ་ཁམ་ནག་སྟོད་སྦོམ་ཞིང་སྨད་ཕྲ་བ་ནང་ཤ་དཀར་པོ་ཅན། ཚད་སྨི་0.03～0.06ཙམ་ཟིན་པ་མངོན་པ་དེ་འབུ་ལ་རྭ་སྐྱེས་པ་དང་འདྲ་བས་ཕལ་གྱིས་འབུ་རྭ་ཞེས་ཟེར་ཡང་དོན་དུ་ཤ་མོའི་རིགས་ཡིན། རོ་མངར་ལ་ལན་ཚ། ཞུ་རྗེས་དྲོ། ནུས་པས་བཅུད་ལེན་ཟུངས་འཕེལ། ཁྱད་པར་མཁལ་དྲོད་གསོ་ཞིང་མཁལ་སྟོབས་སྐྱེད། རོ་ཚ་སྐྱེད་ཅིང་ཐིག་ལེ་འཛག་གཅོད་སྲུང་། གློ་གཅོང་དང་བད་རླུང་གློ་བར་ཞུགས་པ། དབུགས་མི་བདེ་བ་བཅས་སེལ་ཞིང་། རྒན་བྱིས་དང་། ཟུངས་ཟད། རླུང་ལྡན་རྣམས་ལ་བདུད་རྩིར་མཚུངས།

Further Details