- zhang zhung chos dbang grags pa
- ID:
- T241705
- ཞང་ཞུང་ཆོས་དབང་གྲགས་པ (Tibetan, Tibetan script, Original)
- > zhang zhung chos dbang grags pa (Tibetan, Latin script, Transliteration-THL Extended Wylie Transliteration)
- > shyangshyung chö wang drakpa (Tibetan, Latin script, Transcription-THL Simplified Tibetan Transcription)
Other Dictionaries
1. Thupten Phuntsok Dictionary
སྟོད་མངའ་རིས་སྐོར་གསུམ་ཞེས་པའི་ཆར་གཏོགས་པ། བོད་ཆོས་རྒྱལ་ཀྱི་གདུང་གིས་བཟུང་བའི་ཡུལ་གྲུ་ཞང་ཞུང་ཞེས་པར་གྲགས་པ་ལ་ཡབ་ཡུམ་རིགས་རུས་ཆོ་འབྲང་ཕུལ་དུ་ཕྱིན་པའི་རྒྱུད་དུ་རྗེ་འདི་ཉིད་རབ་བྱུང་བདུན་པའི་ཤིང་སྤྲེལ (༡༤༠༤) ལོར་སྐུ་འཁྲུངས། ཆུང་དུས་ཡི་གེའི་ཕྱི་མོ་སློབ་པ་ནས་བཟུང་བསླབ་པར་བྱ་བའི་ཆོས་གང་དང་གང་ལའང་སློབ་དཔོན་གྱི་ཞལ་ནས་ལན་རེ་གཉིས་ཐོས་ཙམ་གྱིས་ཚེགས་ཆུང་ངུས་ཐུགས་སུ་ཆུད། དེ་རྗེས་དབུས་སུ་བྱོན་ཏེ་རྗེ་རྒྱལ་བ་ཡབ་སྲས་གསུམ་དང་མཚུངས་མེད་ཆོས་རྗེ་དམ་པ་རྣམས་ཀྱི་ཞབས་ལ་གཏུགས་ནས་མདོ་རྒྱུད་ཀྱི་བཤད་ལུང་དང་ཟབ་མོའི་དབང་ཁྲིད་རྗེས་གནང་བུམ་པ་གང་བྱོའི་ཚུལ་གྱིས་གསན་ནོ། །
- language:
- Tibetan
2. gangs can mkhas grub rim byon ming mdzod
ཁོང་ནི་རབ་བྱུང་བདུན་པའི་ཤིང་ཕོ་སྤྲེལ་ལོ་སྟེ་སྤྱི་ལོ 1404 ལོར་མངའ་རིས་ཞང་ཞུང་དུ་སྐུ་འཁྲུངས། རབ་བྱུང་བརྒྱད་པའི་ས་མོ་གླང་ལོ་སྟེ་སྤྱི་ལོ 1469 ལོར་ནགས་ཤོད་སྦུས་མདའ་རྣམ་རྒྱལ་དཔལ་འབར་དུ་སྐུ་གཤེགས། ཁོང་ཆུང་དུས་ནས་ཡི་གེའི་ཕྱི་མོ་སློབ་པ་ནས་བཟུང་བསླབ་པར་བྱ་བའི་ཤེས་བྱ་ཐམས་ཅད་སློབ་དཔོན་གྱིས་ལན་རེ་གཉིས་གསུངས་རྗེས་ཐུགས་སུ་ཆུད། དེ་རྗེས་དབུས་སུ་ཕེབས་ཏེ་རྗེ་ཡབ་སྲས་གསུམ་དང་མཚུངས་མེད་ཆོས་རྗེ་དམ་པ་རྣམས་ཀྱི་ཞབས་ལ་གཏུགས་ཏེ། མདོ་རྒྱུད་ཀྱི་བཤད་ལུང་དང་ཟབ་མོའི་དབང་ཁྲིད་རྗེས་གནང་བུམ་པ་གང་བྱོའི་ཚུལ་གྱིས་གསན་ཞིང་། སྒྲ་ཚད་སྙན་ངག་བཅས་ལ་སྦྱངས་པ་དཔྱིས་ཕྱིན་པར་མཛད་པས་མཁས་པ་ཀུན་གྱི་རྩེ་མོར་སོན་ཏེ། རྗེ་ཙོང་ཁ་པའི་སློབ་མ་རྣམས་ལས་རྣམ་དཔྱོད་ཕུལ་དུ་བྱུང་བ་ཟུང་གི་ཡ་གྱལ་གཅིག་ཡིན། དགུང་ལོ་སོ་ལྔ་པར 《རྒྱལ་པོ་རཱ་མ་ཎའི་རྟོགས་བརྗོད》མཛད་དེ་དགའ་ལྡན་པའི་བསྟན་འཛིན་ནང་ལ་སྙན་ངག་འདི་ལས་མཁས་པ་མ་བྱུང་སྐད། དེ་ནས་ནགས་ཤོད་སྦུས་མདའི་གདན་སར་ཕེབས་ནས་འཆད་ཉན་མཛད། དགུང་ལོ་ང་ལྔ་པར་ཆབ་མདོ་བྱམས་པ་གླིང་གི་གདན་སར་ཕེབས་ཏེ་ཕར་ཕྱིན་དང་[1465]རྒྱུད་སྡེ་རྒྱ་མཚོའི་ཆོས་ཀྱི་འཁོར་ལོ་རྒྱ་ཆེར་བསྐོར། གཞན་དགོན་སྡེ་ཆེན་པོ་གུ་རུ་དཔལ་འཁོར་གྱི་ཁྲི་ལ་ཕེབས་ནས་མཁས་པའི་བྱ་བ་རྣམ་གསུམ་གྱིས་བསྟན་འགྲོར་སྨན་པའི་བྱ་བ་མཛད། ཁོང་གི་གསུང་རྩོམ་ནི《དཔལ་དུས་ཀྱི་འཁོར་ལོའི་རྣམ་བཞག》དང་། 《རྟེན་འབྲེལ་བསྟོད་པའི་འགྲེལ་བ》། 《ལྟ་ཁྲིད》། 《ལོ་ཆེན་རིན་ཆེན་བཟང་པོའི་རྣམ་ཐར་ཚིགས་བཅད》། 《མི་ལ་རས་པར་བསྟོད་པ》། 《རྒྱལ་པོ་རཱ་མ་ཎའི་རྟོགས་བརྗོད》 བཅས་ཆོས་ཚན་བཅོ་ལྔར་བཞུགས་སོ། །
- language:
- Tibetan