- zhabs dkar pa tshogs drug rang grol
- ID:
- T241713
- ཞབས་དཀར་པ་ཚོགས་དྲུག་རང་གྲོལ (Tibetan, Tibetan script, Original)
- > zhabs dkar pa tshogs drug rang grol (Tibetan, Latin script, Transliteration-THL Extended Wylie Transliteration)
- > shyab karpa tsok druk rangdrol (Tibetan, Latin script, Transcription-THL Simplified Tibetan Transcription)
Other Dictionaries
1. Thupten Phuntsok Dictionary
གྲུབ་པའི་དབང་ཕྱུག་མཆོག་ནི་རབ་བྱུང་བཅུ་གསུམ་པའི་ལྕགས་གླང (༡༧༨༡) ལོར་མདོ་སྨད་རེབ་གོང་གསེར་མོ་ལྗོངས་ཀྱི་ཆར་གཏོགས་ཞོ་འོང་གཉན་རྒྱ་ཞེས་པའི་གྲོང་སྡེར་ཡུམ་བཀྲ་ཤིས་བརྩེགས་པ་ཞེས་པའི་སྲས་སུ་འཁྲུངས། མཚན་ངག་དབང་བཀྲ་ཤིས་ཞེས་བཏགས། དགུང་ལོ་བརྒྱད་ཀྱི་སྟེང་ཨ་མེས་ངག་དབང་གི་མདུན་དུ་ཡི་གེ་སྦྱོར་ཀློག་སྦྱངས་ཤིང་ཚེགས་མེད་པར་ཐུགས་སུ་ཆུད། དགུང་ལོ་བཅུ་པར་ཞོ་འོང་སྔགས་མང་ཆོས་ཐོག་གི་གྲལ་དུ་ཞུགས། བཅུ་བདུན་སྟེང་གླིང་རྒྱའི་ལྷ་བཟོ་བསྟན་པ་དར་རྒྱས་ལས་ལྷ་བྲིས་བསླབས་པས་རི་མོ་ལེགས་པོ་འབྲི་ཤེས་པ་བྱུང་། ལྗགས་རྩོམ་རྗེ་ཞབས་དཀར་པའི་རང་རྣམ་སོགས་པོད་ཉེར་ལྔ་ཡོད་པར་གྲགས། དགུང་ལོ་དོན་གཅིག་པ་རབ་བྱུང་བཅུ་བཞི་པའི་ལྕགས་ཕག (༡༨༥༡) ལོར་རང་ཡུལ་དུ་སྐུ་གཤེགས།
- language:
- Tibetan
2. gangs can mkhas grub rim byon ming mdzod
ཁོང་ནི་རབ་བྱུང་བཅུ་གསུམ་པའི་ལྕགས་མོ་གླང་ལོ་སྟེ་སྤྱི་ལོ 1781 ལོར་མདོ་སྨད་རེབ་ཀོང་དུ་ཡབ་སྔགས་འཆང་རྡོ་རྗེ་རྣམ་རྒྱལ་དང་། ཡུམ་བཀྲ་ཤིས་བརྩེགས་པ་གཉིས་ཀྱི་སྲས་སུ་སྐུ་འཁྲུངས། རབ་བྱུང་བཅུ་བཞི་པའི་ལྕགས་མོ་ཕག་ལོ་སྟེ་སྤྱི་ལོ 1851 ལོར་རང་ཡུལ་དུ་སྐུ་གཤེགས། ཁོང་གི་བྱིས་པའི་མིང་ལ་ངག་དབང་བཀྲ་ཤིས་འབོད། དགུང་ལོ་བརྒྱད་པར་ཨ་མྱེ་ངག་དབང་ལས་ཡི་གེའི་འབྲི་ཀློག་སྦྱངས། དགུང་ལོ་བཅུ་པར་ཞོ་འོང་སྔགས་མང་ཆོས་ཐོག་གི་གྲལ་དུ་ཞུགས། དགུང་ལོ་བཅུ་བདུན་པར་གླིང་རྒྱའི་ལྷ་བཟོ་བསྟན་པ་དར་རྒྱས་ལས་ལྷ་བྲིས་བསླབས་པས་ལེགས་པར་མཁྱེན། དེ་ནས་འཇམ་དབྱངས་རྒྱ་མཚོ་དང་ཨོ་རྒྱན་འཕྲིན་ལས་རྣམ་གཉིས་ལ་བསྟེན་ནས་མདོ་སྔགས་ཆོས་ཀྱི་གདམས་པ་གང་མང་གསན། དགུང་ལོ་ཉེར་གཅིག་པར་ཨ་རིག་དགེ་བཤེས་བྱམས་པ་དགེ་ལེགས་རྒྱལ་མཚན་ལས་རབ་བྱུང་དགེ་ཚུལ་དང་དགེ་སློང་གི་སྡོམ་པ་དཀྱུས་གཅིག་ཏུ་མནོས་ཏེ་[1471]མཚན་ལ་བྱམས་པ་ཆོས་དར་ཞེས་གསོལ། དེ་ནས་རྩེ་གཞུང་དུ་ཕེབས་ཏེ་ཆིན་ཝང་ངག་དབང་དར་རྒྱས་ལས་མདོ་སྔགས་གཉིས་ལ་སྦྱངས་པ་དཔྱིས་ཕྱིན་པར་མཛད་ཅིང་མཁས་བཙུན་བཟང་གསུམ་གྱི་ཡོན་ཏན་ལ་མངའ་བརྙེས། དགུང་ལོ་ཉེར་དྲུག་པ་ནས་བཟུང་རྒྱལ་ཁམས་ཕྱོགས་མེད་འགྲིམས་ཏེ་སྒྲུབ་པ་ཉམས་ལེན་སྙིང་པོར་མཛད། མདོ་སྨད་ཀྱི་དབེན་གནས་སྟག་མོ་རྫོང་དང་། རྒོད་པོ་རྫོང་། གེ་ཐོ་རྫོང་། མཚོ་སྙིང་། རྨ་ཆེན་སྤྲོམ་ར། བྲག་དཀར་སྤྲེལ་རྫོང་སོགས་སུ་ཕེབས་ནས་སྒྲུབ་པ་ཉམས་ལེན་མཛད། དེ་ནས་དབུས་གཙང་ཆོས་ཀྱི་ཞིང་ཁམས་སུ་ཕེབས་ནས་ཙཱ་རི་དང་། གངས་དཀར་ཏེ་སེ། ལ་ཕྱི་སྟག་གདོང་ཁྲ་མོ་བཅས་ལ་སྒྲུབ་པ་ཉམས་ལེན་མཛད། དགུང་ལོ་སོ་བདུན་པར་བལ་ཡུལ་དུ་ཕེབས་ནས་མཆོད་རྟེན་ཆེན་པོ་རྣམ་གཉིས་མཇལ་ཞིང་ཞིག་གསོས་ཀྱི་མཆོད་པོ་ཕུལ། མདོར་ན་དབེན་གནས་བརྒྱ་ཕྲག་ལ་ཉེ་བར་ཕེབས་ནས་ལོ་ངོ་སུམ་ཅུའི་རིང་སྒྲུབ་པ་ལྷུར་ལེན་མཛད་ཅིང་འགྲོ་དོན་བསམ་གྱིས་མི་ཁྱབ་པ་མཛད་ནས་སྒྲུབ་བརྒྱུད་བསྟན་པའི་བདག་པོར་གྱུར། ཁོང་གི་སློབ་མ་གྲགས་ཆེ་བ་ནི་པདྨ་རང་གྲོལ་དང་། སྐལ་ལྡན་རང་གྲོལ། སངས་རྒྱས་རིན་ཆེན། ལྕང་ལུང་སྤྲུལ་སྐུ་སོགས་ཡིན། ཁོང་གི་གསུང་རྩོམ་ནི《རྣམ་མགུར》སོགས་པོད་ཉེར་ལྔ་ཡོད་པ་གྲགས་སོ། །
- language:
- Tibetan