- zhi khro rigs brgya
- ID:
- T241759
- ཞི་ཁྲོ་རིགས་བརྒྱ (Tibetan, Tibetan script, Original)
- > zhi khro rigs brgya (Tibetan, Latin script, Transliteration-THL Extended Wylie Transliteration)
- > shyitro rik gya (Tibetan, Latin script, Transcription-THL Simplified Tibetan Transcription)
Other Dictionaries
1. Thupten Phuntsok Dictionary
ཞི་ཁྲོ་རིགས་བརྒྱ་ལ་མི་འདྲ་བ་གཉིས་ལས། (1)དཀྱིལ་ཆོག་ནོར་བུའི་ཕྲེང་བ》ལས་བཤད་པའི་དམ་པ་རིགས་བརྒྱ་ལ་ལྷ་གོ་བདུན་ཡོད་དེ་དབུས་དང་ཕྱོགས་བཞིར་རྒྱལ་བ་རིགས་ལྔ། ཕྱོགས་བཞིར་ཡུམ་བཞི། ཤར་ངོས་སུ་རྡོ་རྗེ་སེམས་དཔའ། རྡོ་རྗེ་རྒྱལ་པོ། རྡོ་རྗེ་ཆགས་པ། རྡོ་རྗེ་ལེགས་པ་བཞི། ལྷོ་ཕྱོགས་སུ་རྡོ་རྗེ་རིན་ཆེན། རྡོ་རྗེ་གཟི་བརྗིད། རྡོ་རྗེ་རྒྱལ་མཚན། རྡོ་རྗེ་བཞད་པ་བཞི། ནུབ་ཕྱོགས་སུ་རྡོ་རྗེ་ཆོས། རྡོ་རྗེ་རྣོན་པོ། རྡོ་རྗེ་རྒྱུ། རྡོ་རྗེ་སྨྲ་བ་བཞི། བྱང་ཕྱོགས་སུ་རྡོ་རྗེ་ལས། རྡོ་རྗེ་སྲུང་བ། རྡོ་རྗེ་ཁུ་ཚུར་བཞི། ཟུར་བཞིར་སྒེག་མོ་མ་དང་། ཕྲེང་བ་མ། གླུ་མ། གར་མ་བཞི། ཁྱམས་དང་པོ་ལ་བསྐལ་བཟང་གི་སེམས་དཔའ་བཅུ་དྲུག ཁྱམས་བར་པ་ལ་དཔེ་བྲལ་གྱི་སེམས་དཔའ་བཅུ་དྲུག ཁྱམས་བར་པའི་ཟུར་བཞིར་བདུག་སྤོས་མ། མེ་ཏོག་མ། མར་མེ་མ། དྲི་ཆབ་མ་བཅས་བཞི། ཁྱམས་ཕྱི་མ་ལ་ཉན་ཐོས་བཅུ་དྲུག་དང་། རང་རྒྱལ་བཅུ་གཉིས། སྒོ་བཞིར། རྡོ་རྗེ་ལྕགས་ཀྱུ་མ། རྡོ་རྗེ་ཞགས་པ་མ། རྡོ་རྗེ་ལྕགས་སྒྲོག་མ། རྡོ་རྗེ་དྲིལ་བུ་མ་བཅས་བཞི་སྟེ་ལྷ་གོ་བདུན་ཡོད། (2)གསང་སྔགས་སྔ་འགྱུར་རྙིང་མའི་གཞུང་ནས་གསུངས་པའི་ཞི་ཁྲོའི་ལྷ་ཚོགས་བརྒྱ་ལྷག་ཙམ་ཡོད་པ་ཞིག་སྟེ། ཞི་བ་བཞི་བཅུ་ཞེ་གཉིས། ཁྲག་འཐུང་ལྔ་བཅུ་ང་བརྒྱད་དེ་བརྒྱ། དེའི་སྟེང་དུ་ཆོས་སྐུ་ཀུན་ཏུ་བཟང་པོ་ཡབ་ཡུམ་དང་། སྒྱུ་འཕྲུལ་རྡོ་རྗེ་སེམས་དཔའ་གཉིས་བསྣན་པས་ལྷ་ཚོགས་བརྒྱ་དང་གཉིས།
- language:
- Tibetan