- zhwa lha khang gi rdo ring gnyis
- ID:
- T241982
- ཞྭ་ལྷ་ཁང་གི་རྡོ་རིང་གཉིས (Tibetan, Tibetan script, Original)
- > zhwa lha khang gi rdo ring gnyis (Tibetan, Latin script, Transliteration-THL Extended Wylie Transliteration)
- > shya lhakhang gi do ring nyi (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
བོད་ལྗོངས་མལ་གྲོ་གུང་དཀར་རྫོང་རྫོང་ཞོལ་ཤང་གི་ཞྭ་ལྷ་ཁང་གི་སྒོ་འགྲམ་དུ་རྡོ་རིང་གཉིས་ཡོད་པ་དེ་གཉིས་ནི་བོད་ཀྱི་བཙན་པོ་ཁྲི་ལྡེ་སྲོང་བཙན（སད་ན་ལེགས་འཇིང་ཡོན）གྱིས་རང་གི་ཆབ་སྲིད་ཀྱི་བློན་པོ་ཆེན་པོ་བན་དེ་མྱང་ཏིང་ངེ་འཛིན（མྱང་ཏིང་འཛིན་བཟང་པོ）གྱི་བྱས་རྗེས་གཟེངས་སུ་བསྟོད་པའི་ཞལ་བཞེས་བཀའ་གཙིགས་སྔ་རྗེས་གཉིས་གནང་བའི་མདོ་དོན་རྡོ་རིང་དུ་བཀོད་པ་ཞིག་ཡིན། རྡོ་རིང་སྔོན་མ་དེ་སྤྱི་ལོ༧༩༨ནས༨༡༢བར་གྱི་ལོ་ལ་བཙུགས་པ་དང་། རྡོ་རིང་རྗེས་མ་དེ་ནི་སྤྱི་ལོ༨༡༣ལོར་བཙུགས་པར་མངོན། བན་དེ་མྱང་ཏིང་འཛིན་བཟང་པོ་ནི་ཆོས་ཕྱོགས་ནས་སྙན་གྲགས་ཆེ་བ་མ་ཟད། སྲིད་ཕྱོགས་ནས་ཁྲི་ལྡེ་སྲོང་བཙན་གྱི་བློན་པོ་འཇོན་ཐང་ཅན་ཞིག་ཡིན། ཁོང་གིས་ཁྲི་ལྡ་སྲོང་བཙན་སྐུ་ཆུང་ངུའི་སུ་ཡབ་ཡུམ་གྱི་ཚབ་བྱས་ཏེ་ལེགས་ཕྱིགས་ཀྱི་གསལ་འདེབས་ཞུ་བ་དང་། རྒྱལ་བློན་འབངས་བཅས་མཛའ་ཞིང་མཐུན་པ་སོགས་འཕྲལ་ཕུགས་གཉིས་ཀར་ཕན་པ་ཆེ་བའི་གྲོས་བཏོན་ནས་ཟིང་ཆ་མེད་པར་བཟོས་པ་བཅས་ཀྱིས་གོང་འོག་ཀུན་གྱི་སྲོག་ཤིང་ལྟ་བུར་གྱུར་པར་བརྟེན་ཁྲི་ལྡེ་སྲོང་བཙན་ཁྲི་ལ་འཁོད་རྗེས་སྲིད་ཀྱི་བློན་པོ་ཆེན་པོར་བསྐོས་པའི་རྗེས་སུ་སྔར་ལས་ལྷག་པར་བྱ་བ་བཟང་པོ་ཤ་སྟག་བསྒྲུབས་པ་བཅས་ཐོག་མཐའ་བར་གསུམ་དུ་བཙན་པོར་ལྷག་བསམ་དག་ཅིང་བྱས་རྗེས་ཆེན་པོ་བཞག་ཡོད། དེར་བརྟེན་ཁྲི་ལྡེ་སྲོང་བཙན་གྱིས་བན་དེ་མྱང་ཏིང་འཛིན་བཟང་པོར་བྱས་རྗེས་དྲིན་གསོ་བྱེད་ཕྱིར་བཀའ་གཙིགས་ཐེངས་གཉིས་གནང་ནས་ཁོང་གི་ཕ་མེས་རྒྱུད་བཅས་ལ་བཙན་པོའི་གདུང་རྒྱུད་དང་བཅས་པས་དྲིན་གྱིས་བསྐྱངས་ཤིང་ལྟ་རྟོག་བྱེད་རྒྱུའི་ཞལ་བཞེས་མཛད། རྡོ་རིང་གཉིས་ཀ་བན་དེ་མྱང་ཏིང་འཛིན་བཟང་པོར་ཞལ་བཞེས་བཀའ་གཙིགས་གནང་བ་ཆ་འདྲ་ན་ཡང་། རྡོ་རིང་སྔ་མའི་ནང་དོན་ཅུང་རྒྱས་པ་དང་། ཕྱི་མ་དེ་ནི་སྔ་མའི་ནང་དོན་ལ་ཁ་སྣོན་མཛས་པ་ཞིག་ཡིན། རྡོ་རིང་སྔ་མ་དེར་བན་དེ་མྱང་ཏིང་འཛིན་བཟང་པོའི་མེས་པོ་སྣང་བཟང་འདུས་ཀོང་གི་བུ་ཚ་རྒྱུད་བཅས་ལ་བཙན་པོ་གདུང་རབས་རིམ་བརྒྱུད་ནས་ལྟ་རྟོག་གཟིགས་བསྐྱངས་ཀྱིས་ཁོ་ཚོའི་ནང་ནས་འཇོན་ཐང་ཆེ་བ་གཅིག་ཞབས་འབྲིང་དུ་བཅུག་ནས་རང་གི་ནུས་པ་དང་བསྟུན་པའི་ཞབས་འདེགས་སྒྲུབ་ཏུ་བཅུག་པ། དུས་རྟག་ཏུ་གོང་ནས་འགོ་འདོན་མཛད་དེ་བཅན་པོར་རྒྱབ་གཏོད་བྱས་པ་ལ་སོགས་པའི་ཉེས་འཛོལ་བྱུང་བའི་ཚེའང་ཉེས་ཅན་དེ་རང་ལ་ཆད་པ་གཅོད་པ་ལས་གཉེན་ཉེ་གཞན་ལ་ལེ་ཁག་མི་དཀྲི་བ་དང་ཁེ་དབང་གཞུང་བཞེས་མི་མཛད་པ་སོགས་ཀྱི་ནང་དོན་འཁོད་ཡོད། རྡོ་རིང་གཉེས་པ་དེའི་ནང་དུ་སླར་ཡང་བློན་སྣང་བཟང་འདུས་ཀོང་གི་བུ་རྒྱུད་ཙམ་དུ་མ་ཟད་དེའི་གཉེན་ཚན་གཏོགས་པ། གཙང་དང་སྟོད་ལ་སོགས་པར་གནས་པའི་མི་སེར་ཕལ་པ་ལའང་ཞང་ལོན་ཡིམགེ་པའི་ཐོབ་ཐང་གནང་རྒྱུ་དང་། གལ་ཏེ་ཉེས་པ་མེད་བཞིན་དུ་ཁོ་ཚོའི་དབང་ལ་གནོད་འཚེ་བྱེད་མི་བྱུང་ན་མཐོ་དམན་སུ་ཡིན་ལ་མ་ལྟོས་པར་ཆད་པ་གཅོད་རྒྱུ། སྣང་བཟང་འདུས་གོང་གི་བུ་ཚ་རྒྱུད་བཅས་ནམ་ཡང་བཙན་པོའི་ཆབ་འོག་ཏུ་བསྐྱངས་ནས་གཞན་གྱིས་དབང་ཡོད་བྱེད་དུ་མི་འཇུག་པ་བཅས་ཀྱི་ནང་དོན་ཁ་སྣོན་མཛད་ཡོད་པ་རེད། རྡོ་རིང་དེ་ནི་ཁྲི་སྲོང་ལྡེ་བཙན་དང་མུ་ནེ་བཙན་པོ་སྐུ་གཤེགས་རྗེས་བཙན་པོ་ཁྲི་ལྡེ་སྲོང་བཙན་གྱི་དུས་སྐབས་ཀྱི་ལོ་རྒྱུས་དང་། རྒྱལ་བློན་བར་གྱི་འབྲེལ་བ། དེ་བཞིན་བཙན་པོ་དེའི་གཅེན་པོ་མུ་རུག་བཙན་པོའི་ལོ་རྒྱུས་བཅས་ཀྱི་ཐད་དཔྱད་གཞི་མི་ཉུང་བ་བཏོན་ཡོད་པས་ལོ་རྒྱུས་དོན་སྙིང་ཆེན་པོ་ལྡན་ཡོད།
- language:
- Tibetan
2. Thupten Phuntsok Dictionary
བོད་ལྗོངས་མལ་གྲོ་གུང་དཀར་རྫོང་རྫོང་ཞོལ་ཤང་གི་ཞྭ་ལྷ་ཁང་གི་སྒོ་འགྲམ་དུ་རྡོ་རིང་གཉིས་ཡོད་པ་དེ་གཉིས་ནི་བོད་ཀྱི་བཙན་པོ་ཁྲི་ལྡེ་སྲོང་བཙན (སད་ན་ལེགས་འཇིང་ཡོན) གྱིས་རང་གི་ཆབ་སྲིད་ཀྱི་བློན་པོ་ཆེན་པོ་བན་དེ་མྱང་ཏིང་ངེ་འཛིན (མྱང་ཏིང་འཛིན་བཟང་པོ) གྱི་བྱས་རྗེས་གཟེངས་སུ་བསྟོད་པའི་ཞལ་བཞེས་བཀའ་གཙིགས་སྔ་རྗེས་གཉིས་གནང་བའི་མདོ་དོན་རྡོ་རིང་དུ་བཀོད་པ་ཞིག་ཡིན། རྡོ་རིང་སྔོན་མ་དེ་སྤྱི་ལོ༧༩༨ནས་༨༡༢བར་གྱི་ལོ་ལ་བཙུགས་པ་དང་། རྡོ་རིང་རྗེས་མ་དེ་ནི་སྤྱི་ལོ༨༡༣ལོར་བཙུགས་པར་མངོན། བན་དེ་མྱང་ཏིང་འཛིན་བཟང་པོ་ནི་ཆོས་ཕྱོགས་ནས་སྙན་གྲགས་ཆེ་བ་མ་ཟད། སྲིད་ཕྱོགས་ནས་ཁྲི་ལྡེ་སྲོང་བཙན་གྱི་བློན་པོ་འཇོན་ཐང་ཅན་ཞིག་ཡིན། ཁོང་གིས་ཁྲི་ལྡེ་སྲོང་བཙན་སྐུ་ཆུང་ངུའི་དུས་སུ་ཡབ་ཡུམ་གྱི་ཚབ་བྱས་ཏེ་ལེགས་ཕྱོགས་ཀྱི་གསལ་འདེབས་ཞུ་བ་དང་། རྒྱལ་བློན་འབངས་བཅས་མཛའ་ཞིང་མཐུན་པ་སོགས་འཕྲལ་ཕུགས་གཉིས་ཀར་ཕན་པ་ཆེ་བའི་གྲོས་བཏོན་ནས་ཟིང་ཆ་མེད་པར་བཟོས་པ་བཅས་ཀྱིས་གོང་འོག་ཀུན་གྱི་སྲོག་ཤིང་ལྟ་བུར་གྱུར་པར་བརྟེན་ཁྲི་ལྡེ་སྲོང་བཙན་ཁྲི་ལ་འཁོད་རྗེས་སྲིད་ཀྱི་བློན་པོ་ཆེན་པོར་བསྐོས་པའི་རྗེས་སུ་སྔར་ལས་ལྷག་པར་བྱ་བ་བཟང་པོ་ཤ་སྟག་བསྒྲུབས་པ་བཅས་ཐོག་མཐའ་བར་གསུམ་དུ་བཙན་པོར་ལྷག་བསམ་དག་ཅིང་བྱས་རྗེས་ཆེན་པོ་བཞག་ཡོད། དེར་བརྟེན་ཁྲི་ལྡེ་སྲོང་བཙན་གྱིས་བན་དེ་མྱང་ཏིང་འཛིན་བཟང་པོར་བྱས་རྗེས་དྲིན་གསོལ་བྱེད་ཕྱིར་བཀའ་གཙིགས་ཐེངས་གཉིས་གནང་ནས་ཁོང་གི་ཕ་མེས་རྒྱུད་བཅས་ལ་བཙན་པོའི་གདུང་རྒྱུད་དང་བཅས་པས་དྲིན་གྱིས་བསྐྱངས་ཤིང་ལྟ་རྟོག་བྱེད་རྒྱུའི་ཞལ་བཞེས་མཛད། རྡོ་རིང་གཉིས་ཀ་བན་དེ་མྱང་ཏིང་འཛིན་བཟང་པོར་ཞལ་བཞེས་བཀའ་གཙིགས་གནང་བ་ཆ་འདྲ་ན་ཡང་། རྡོ་རིང་སྔ་མའི་ནང་དོན་ཅུང་རྒྱས་པ་དང་། ཕྱི་མ་དེ་ནི་སྔ་མའི་ནང་དོན་ལ་ཁ་སྣོན་མཛད་པ་ཞིག་ཡིན། རྡོ་རིང་སྔ་མ་དེར་བན་དེ་མྱང་ཏིང་འཛིན་བཟང་པོའི་མེས་པོ་སྣང་བཟང་འདུས་ཀོང་གི་བུ་ཚ་རྒྱུད་བཅས་ལ་བཙན་པོ་དགུང་རབས་རིམ་བརྒྱུད་ནས་ལྟ་རྟོག་གཟིགས་བསྐྱངས་ཀྱིས་ཁོ་ཚོའི་ནང་ནས་འཇོན་ཐང་ཆེ་བ་གཅིག་ཞབས་འབྲིང་དུ་བཅུག་ནས་རང་གི་ནུས་པ་དང་བསྟུན་པའི་ཞབས་འདེགས་སྒྲུབ་ཏུ་བཅུག་པ། དུས་རྟག་ཏུ་གོང་ནས་འགོ་འདོན་མཛད་དེ་བཙན་པོར་རྒྱབ་གཏོད་བྱས་པ་ལ་སོགས་པའི་ཉེས་འཛོལ་བྱུང་བའི་ཚེའང་ཉེས་ཅན་དེ་རང་ལ་ཆད་པ་གཅོད་པ་ལས་གཉེན་ཉེ་ལ་ལེ་ཁག་མི་དཀྲི་བ་དང་ཁེ་དབང་གཞུང་བཞེས་མི་མཛད་པ་སོགས་ཀྱི་ནང་དོན་འཁོད་ཡོད། རྡོ་རིང་གཉིས་པ་དེའི་ནང་དུ་སླར་ཡང་བློན་སྣང་བཟང་འདུས་ཀོང་གི་བུ་རྒྱུད་ཙམ་དུ་མ་ཟད་དེའི་གཉེན་ཚན་དུ་གཏོགས་པ། གཙང་དང་སྟོད་ལ་སོགས་པར་གནས་པའི་མི་སེར་ཕལ་པ་ལའང་ཞང་ལོན་ཡི་གེ་པའི་ཐོབ་ཐང་གནང་རྒྱུ་དང་། གལ་ཏེ་ཉེས་པ་མེད་བཞིན་དུ་ཁོ་ཚོའི་དབང་ལ་གནོད་འཚེ་བྱེད་མི་བྱུང་ན་མཐོ་དམན་སུ་ཡིན་ལ་མ་ལྟོས་པར་ཆད་པ་གཅོད་རྒྱུ། སྣང་བཟང་འདུས་གོང་གི་བུ་ཚ་རྒྱུད་བཅས་ནམ་ཡང་བཙན་པོའི་ཆབ་འོག་ཏུ་བསྐྱངས་ནས་གཞན་གྱིས་དབང་ཡོད་བྱེད་དུ་མི་འཇུག་པ་བཅས་ཀྱི་ནང་དོན་ཁ་སྣོན་མཛད་ཡོད་པ་རེད། རྡོ་རིང་དེ་ནི་ཁྲི་སྲོང་ལྡེ་བཙན་དང་མུ་ནེ་བཙན་པོ་སྐུ་གཤེགས་རྗེས་བཙན་པོ་ཁྲི་ལྡེ་སྲོང་བཙན་གྱི་དུས་སྐབས་ཀྱི་ལོ་རྒྱུས་དང་། རྒྱལ་བློན་བར་གྱི་འབྲེལ་བ། དེ་བཞིན་བཙན་པོ་དེའི་གཅེན་པོ་མུ་རུག་བཙན་པོའི་ལོ་རྒྱུས་བཅས་ཀྱི་ཐད་དཔྱད་གཞི་མི་ཉུང་བ་བཏོན་ཡོད་པས་ལོ་རྒྱུས་དོན་སྙིང་ཆེན་པོ་ལྡན་ཡོད།
- language:
- Tibetan