- rwa ro tsA ba rdo rje grags pa
- ID:
- T244559
- རྭ་རོ་ཙཱ་བ་རྡོ་རྗེ་གྲགས་པ (Tibetan, Tibetan script, Original)
- > rwa ro tsA ba rdo rje grags pa (Tibetan, Latin script, Transliteration-THL Extended Wylie Transliteration)
- > ra ro tsawa dorjé drakpa (Tibetan, Latin script, Transcription-THL Simplified Tibetan Transcription)
Other Dictionaries
1. Thupten Phuntsok Dictionary
རྗེ་འདི་ཉིད་ཡབ་སྔགས་པའི་རྒྱུད་རྭ་སྟོད་དཀོན་མཆོག་རྡོ་རྗེ་དང་ཡུམ་རྡོ་རྗེ་དཔལ་འཛོམས་གཉིས་ཀྱི་སྲས་སུ་བོད་མེ་འབྲུག་སྤྱི་ལོ་ (༡༠༡༦) ལོའི་ཧོར་ཟླ༡༢ཚེས༡༠ཉིན་ལ་སྟོད་ལྷོའི་ཆ་སྙེ་ནམ་གླང་ཡུལ (གཉའ་ནམ་ཡང་ཟེར) དུ་སྐུ་འཁྲུངས། མཚན་ལ་ངོ་མཚར་འབྱུང་གནས་སུ་བཏགས། དགུང་ལོ་དྲུག་པ་ལ་ཡབ་ཀྱིས་ཀློག་བསླབས་པས་ཚེགས་མེད་དུ་མཁྱེན། དགུང་ལོ་བརྒྱད་པ་ལ་དབུ་ཅན་དང་། དབུ་མེད། ལཉྩ། ཝརྟུ། རྒྱ་བལ་གྱི་ཡི་གེ་སོགས་བསླབས། གསེར་དངུལ་རྡོ་ལྕགས་ཀྱི་བཟོ་དང་། གོས་དར་སྣམ་རས་སོགས་འཐག་ཚེམ། ལྷ་བྲིས། འབུར་བཟོ། སྲ་རྩི། རྫ་རྩི་བྱ་ཐབས། པི་ཝང་། གླིང་བུ། གླུ། གར་སོགས་ཀྱང་མཁྱེན་པས་མཚན་ལ་ཤེས་རབ་འབྱུང་གནས་སུ་བཏགས། དགུང་ལོ་དགུ་པའི་ཚེ་ཡབ་ཀྱིས་ཡང་དག་དང་ཕུར་པའི་དབང་བསྐུར་ནས་དེའི་རྒྱུད་ལས་གཞུང་འགྲེལ་ཊཱི་ཀ་མཆན་བུ་དང་བཅས་པ་ལ་སྦྱངས། དགུང་ལོ་བཅུ་གཅིག་པར་ཡབ་ཀྱི་བཀའ་ལྟར་ཇོ་མོ་དགེ་མ་ལྕམ་ཁབ་ཏུ་བཞེས། མཐར་དགུང་གྲངས་བརྒྱ་དང་བཅུའམ་བརྒྱ་དང་བརྒྱད་ཅུ་བཞུགས་སོགས་གསུང་ཚུལ་མི་འདྲ་བ་མཆིས། (རྭ་ལོའི་རྣམ་ཐར་ནང་རྭ་ལོ་ཞལ་བཞུགས་སྐབས་སྣར་ཐང་དགོན་པ་བཏབ་ཟིན་ཚུལ་དང་། མངའ་བདག་རྩེ་ལྡེས་མེ་འབྲུག་ལོར་ཆོས་འཁོར་ཆེན་མོ་འཛུགས་སྐབས་རྭ་ལོ་དགུང་ལོ་རེ་གཅིག་ཏུ་ཕེབས་ཚུལ་གསལ། ཞང་ཚེས་སྤོངས་ཆོས་ཀྱི་བླ་མ་དང་འབྲེལ་བ་བཟང)
- language:
- Tibetan