- sangs rgyas ras chen
- ID:
- T245920
- སངས་རྒྱས་རས་ཆེན (Tibetan, Tibetan script, Original)
- > sangs rgyas ras chen (Tibetan, Latin script, Transliteration-THL Extended Wylie Transliteration)
- > sangye ré chen (Tibetan, Latin script, Transcription-THL Simplified Tibetan Transcription)
Other Dictionaries
2. gangs can mkhas grub rim byon ming mdzod
ཁོང་ནི་སྤྱི་ལོའི་དུས་རབས་བཅུ་གཉིས་པའི་དུས་དཀྱིལ་ཙམ་དུ་ཡར་ཀླུང་དུ་ཡབ་གཙང་པ་དཔལ་གྲགས་དང་། ཡུམ་བཙུན་ཆུང་མ་གཉིས་ཀྱི་སྲས་སུ་སྐུ་འཁྲུངས། གདུང་རུས་གྲུ་གུ་ཡིན། དགུང་ལོ་དགུ་པར་ཟངས་རི་རས་པ་ལས་རས་ཆུང་སྙན་བརྒྱུད་ཀྱི་[1743]གདམས་པ་རྣམས་ལེགས་པར་གསན་པས་བདེ་གསལ་མི་རྟོགས་པའི་ཉམས་ཁོར་ཡུག་ཏུ་ཤར། ན་བཟའ་རས་རྐྱང་དུ་མཛད་པས་རས་ཆེན་དུ་གྲགས། དགུང་ལོ་བཅོ་ལྔ་པར་ཕག་མོ་གྲུ་པ་དང་མཇལ་ཞིང་ཆོས་མང་དུ་ཞུས། དོལ་གྱི་མཚུར་སྟོན་དབང་གི་རྡོ་རྗེ་ལས་གསར་རྙིང་གི་གདམས་པ་རྣམས་ཞུས། དེ་ནས་གཉལ་དུ་ཕེབས་ཏེ་གཙང་སྟོན་དཀོན་ནེ་ཡབ་སྲས་ལས་ཆོས་མང་དུ་གསན། རྗེ་སྒོམ་ཞིག་པོ་ལས་བི་མ་ལའི་གདམས་པ་མ་ལུས་པ་ཞུས། དེ་ནས་ཚ་བ་སྒང་དང་དམར་ཁམས་སུ་བྱོན་ཏེ་སྐུ་བསོད་ཤིན་ཏུ་རྒྱས། སྔགས་གྲྭ་བཙུགས་ནས་འཁྲུག་བསྡུམས་མང་དུ་མཛད། དེ་ནས་ཀམ་པོ་གནས་ནང་དུ་ཕེབས་ཏེ་ཀརྨ་པ་དུས་གསུམ་མཁྱེན་པ་དང་མཇལ་ཞིང་གདམས་པ་རྣམས་གསན་ནས་གདམས་པའི་ཕུ་ཐག་ཆོད། དགུང་ལོ་སོ་བདུན་པར་མཁན་པོ་མ་དྲེལ་བ་དང་སློབ་དཔོན་བཀའ་གདམས་པ་ལས་ཆིག་རྫོགས་མཛད། མཚན་ལ་བསོད་ནམས་གྲགས་པ་ཞེས་གསོལ། དེ་ནས་དམར་ཁམས་སུ་བྱོན་ནས་འགྲོ་དོན་རྒྱ་ཆེན་པ་མཛད་པའི་སྐབས་སུ་ཀརྨ་པ་དུས་གསུམ་མཁྱེན་པ་སྐུ་གཤེགས་པ་ཡང་དགོངས་ནས་གདན་སའི་ཞབས་ཏོག་ཀྱང་རྒྱ་ཆེར་མཛད། སྐུ་ཚེ་གང་བོར་བསྟན་འགྲོའི་དོན་ཆེན་སྒྲུབ་ནས་དུས་འདའ་བར་མཛད་དོ། །
- language:
- Tibetan