- seng chen blo bzang bstan 'dzin dpal 'byor
- ID:
- T246080
- སེང་ཆེན་བློ་བཟང་བསྟན་འཛིན་དཔལ་འབྱོར (Tibetan, Tibetan script, Original)
- > seng chen blo bzang bstan 'dzin dpal 'byor (Tibetan, Latin script, Transliteration-THL Extended Wylie Transliteration)
- > sengchen lo zang tendzin paljor (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
རྫེ་འདི་ནི་ཉང་སྟོད་འབྲོང་རྩེ་གསེར་ཕུ་སྤེལ་ཞེས་པར་ཡབ་ཚེ་རིང་རྡོ་རྗེ་སྒྲོལ་མ་གཉིས་ཀྱི་སྲས་སུ་རབ་བྱུང་བཅུ་གསུམ་པའི་ཤིང་འབྲུག་(༡༧༨༤)ལོར་སྐུ་འཁྲུངས། དགུང་ལོ་དྲུག་ལ་ཕེབས་སྐབས་བཀྲ་ཤིས་ལྷུན་པོ་དགོན་དུ་ཞབས་སོར་འཁོད། བློ་བཟང་ཚེ་བརྟན་གྱི་དྲུང་ནས་དགེ་བསྙེན་གྱི་སྡོམ་པ་བཞེས། མཚན་བློ་བཟང་བསྟན་འཛེན་དཔའ་འབྱོར་དུ་གསོལ། ཀ་ཁ་ཀློག་སྡེབ་དང་ཆོས་སྤྱོད་ལྗགས་འཛིན་གྱི་དབུ་ཚུགས། དགུང་ལོ་བདུན་པརའདུས་འཛིན་ཆོས་འཕེལ་དོན་གྲུབ་ཀྱི་དྲུང་ནས་དགེ་ཚུལ་གྱི་སྡོམ་པ་བཞེས་ཆེན་བཀའ་པོད་ལྔ་ལ་གསན་བསམ་མཛད། དགུང་ལོ་བཅུ་དགུའི་ཐོག་དཀའ་ཆེན་གྱི་མཚན་བཏགས་བཞེས། དགུང་ལོ་ཉེར་གཉིས་ལ་བཀྲས་ལྷུན་སྔགས་པ་གྲྭ་ཚང་དུ་ཞུགས། དགུང་ལོ་ཉེར་གསུམ་མེ་སྟག་ལོར་པ ཎ་ཆེན་བསྟན་པའི་ཉི་མའི་དྲུང་ནས་བསྙེན་རྫོགས་ཀྱི་སྡོམ་པ་བཞེས། རྫེ་འདིས་ཡོངས་རྫོགས་འབྲོང་རྩེ་བློ་བཟང་ཚུལ་ཁྲིམས་དང་། ཡོངས་འཛིན་བློ་བཟང་བསྟན་འཛིན། པཎ་ཆེན་བསྟན་པའི་ཉི་མ་སོགས་ མཁས་གྲུབ་དུ་མའི་ཞབས་ལ་གཏུགས་ནས་མདོ་སྔགས་ཀྱི་ཆེས་མཐའ་ཡས་པ་གསན། དགུང་ལོ་སུམ་ཅུ་ལ་ཕེབས་པ་རབ་བྱུང་བཅུ་བཞི་པའི་ཆུ་བྱ་(༡༨༡༣)ལོར་རྒྱུད་པ་གྲྭ་ཚང་གེ་ཁྲི་ཐོག་ཉེར་གཅིག་པའི་མཚན་བཞེས་ནས་ལོ་བཅུའི་རིང་ཁྲི་སྐྱོང་གནང་མཛད། དགུང་ལོ་ཞེ་གཅིག་ནས་ང་གསུམ་བར་སྐལ་ལྡན་གྱི་སྐྱེ་བོ་དུ་མར་མདོ་སྔགས་ཟབ་ཆོས་རྒྱ་ཆེར་བསྐོར། 《དཔའ་རྡོ་རྗེ་འཇིགས་བྱེད་ལ་བསྟོད་པའི་ཚིག་དོན་རྣམ་པར་བཤད་པ་འཇམ་དཔའ་ཞི་ཁྲོ་དགྱེས་བྱེད་ལེགས་བཤད་གསལ་བའི་མཆོད་སྤྲིན་》《ཟབ་པ་དང་རྒྱ་ཆེ་བའི་དམ་པའི་ཆོས་ཀྱི་དབང་ལུང་མན་ངག་སོགས་ཀྱི་ཐོབ་ཡིག་བདུད་རྩིའི་ཆུ་རྒྱུན་》《དུས་འཁོར་ལ་བརྟིན་པའི་བླ་མའི་རྣལ་འབྱོར་གྱི་དོན་འགྲེལ་དངོས་གྲུབ་འབྱུང་གནས་》《གྲུབ་ཆེན་ཚེམ་བུ་པའི་ལུགས་ཀྱི་ཐུགས་རྗེ་ཆེན་པོའི་སྒོམ་བཟླས་དང་འབྲེལ་ཚོགས་མཆོད་བྱ་ཚུལ་འཕོ་བའི་དམིགས་རིམ་》སོགས་མདོ་སྔགས་ཀྱི་བསྟན་བཅོས་མང་དུ་བརྩམས། རྟ་ནག་ཏུ་སྨན་ཐང་གསར་བཞེངས་མཛད། དགོན་པའི་ནང་དུ་ཐ་མི་ཁ་དང་། ཆང་རག་སོགས་བཀག་སྡོམ་ནག་པོ་གནང་། དགུང་ལོ་དྲུག་ཅུ་ལ་ཕེབས་པ་རབ་བྱུང་བཅུ་བཞི་པའི་ཆུ་ཡོས་（༡༨༤༣）ལོར་དགོངས་པ་རྫོགས།
- language:
- Tibetan
2. Thupten Phuntsok Dictionary
རྗེ་འདི་ནི་ཉང་སྟོད་འབྲོང་རྩེ་གསེར་ཕུ་སྤེལ་ཞེས་པར་ཡབ་ཚེ་རིང་རྡོ་རྗེ་དང་ཡུམ་རྡོ་རྗེ་སྒྲོལ་མ་གཉིས་ཀྱི་སྲས་སུ་རབ་བྱུང་བཅུ་གསུམ་པའི་ཤིང་འབྲུག༡༧༨༤ལོར་སྐུ་འཁྲུངས། དགུང་ལོ་དྲུག་ལ་ཕེབས་སྐབས་བཀྲ་ཤིས་ལྷུན་པོ་དགོན་དུ་ཞབས་སོར་འཁོད། བློ་བཟང་ཚེ་བརྟན་གྱི་དྲུང་ནས་དགེ་བསྙེན་གྱི་སྡོམ་པ་བཞེས། མཚན་བློ་བཟང་བསྟན་འཛིན་དཔལ་འབྱོར་དུ་གསོལ། ཀ་ཁ་ཀློག་སྡེབ་དང་ཆོས་སྤྱོད་ལྗགས་འཛིན་གྱི་དབུ་ཚུགས། དགུང་ལོ་བདུན་པར་འདུལ་འཛིན་ཆོས་འཕེལ་དོན་གྲུབ་ཀྱི་དྲུང་ནས་དགེ་ཚུལ་གྱི་སྡོམ་པ་བཞེས་ཏེ་གཞུང་ཆེན་བཀའ་པོད་ལྔ་ལ་གསན་བསམ་མཛད། དགུང་ལོ་བཅུ་དགུའི་ཐོག་དཀའ་ཆེན་གྱི་མཚན་བཏགས་བཞེས། དགུང་ལོ་ཉེར་གཉིས་ལ་བཀྲ་ཤིས་ལྷུན་པོ་སྔགས་པ་གྲྭ་ཚང་དུ་ཞུགས། དགུང་ལོ་ཉེར་གསུམ་མེ་སྟག་ལོར་པཎ་ཆེན་བསྟན་པའི་ཉི་མའི་དྲུང་ནས་བསྙེན་རྫོགས་ཀྱི་སྡོམ་པ་བཞེས། དགུང་ལོ་དྲུག་ཅུ་ལ་ཕེབས་པ་རབ་བྱུང་བཅུ་བཞི་པའི་ཆུ་ཡོས༡༨༨༤༣ལོར་དགོངས་པ་རྫོགས།
- language:
- Tibetan
3. gangs can mkhas grub rim byon ming mdzod
ཁོང་ནི་རབ་བྱུང་བཅུ་གསུམ་པའི་ཤིང་ཕོ་འབྲུག་ལོ་སྟེ་སྤྱི་ལོ 1784 ལོར་ཉང་སྟོད་འབྲོང་རྩེ་གསེར་ཕུ་སྤེལ་ཞེས་པར་ཡབ་ཚེ་རིང་རྡོ་རྗེ་དང་། ཡུམ་རྡོ་རྗེ་སྒྲོལ་མ་གཉིས་ཀྱི་སྲས་སུ་སྐུ་འཁྲུངས། རབ་བྱུང་བཅུ་བཞི་པའི་ཆུ་མོ་ཡོས་ལོ་སྟེ་སྤྱི་ལོ 1843 ལོར་སྐུ་གཤེགས། ཁོང་དགུང་ལོ་དྲུག་པར་བཀྲ་ཤིས་ལྷུན་པོར་ཕེབས་ཏེ་བློ་བཟང་ཚེ་བརྟན་གྱི་དྲུང་ནས་དགེ་བསྙེན་གྱི་སྡོམ་པ་བཞེས། མཚན་ལ་བློ་བཟང་བསྟན་འཛིན་དཔལ་འབྱོར་ཞེས་གསོལ། དགུང་ལོ་བདུན་པར་འདུལ་འཛིན་ཆོས་འཕེལ་དོན་གྲུབ་ཀྱི་དྲུང་ནས་དགེ་ཚུལ་གྱི་སྡོམ་པ་བཞེས་ཏེ་གཞུང་ཆེན་བཀའ་པོད་ལྔ་ལ་གསན་བསམ་མཛད། དགུང་ལོ་བཅུ་དགུ་པར་དཀའ་ཆེན་གྱི་མཚན་བཏགས་བཞེས། དགུང་ལོ་ཉེར་གཉིས་པར་བཀྲ་ཤིས་ལྷུན་པོའི་སྔགས་པ་གྲྭ་ཚང་དུ་ཞུགས། དགུང་ལོ་ཉེར་གསུམ་པར་པཎ་ཆེན་བསྟན་པའི་ཉི་མ་ལས་བསྙེན་རྫོགས་ཀྱི་སྡོམ་པ་བཞེས། ཁོང་གིས་འབྲོང་རྩེ་བློ་བཟང་ཚུལ་ཁྲིམས་དང་། ཡོངས་འཛིན་བློ་བཟང་བསྟན་འཛིན། པཎ་ཆེན་བསྟན་པའི་ཉི་མ་སོགས་ལ་བསྟེན་ནས་མདོ་སྔགས་ཀྱི་ཆོས་མང་དུ་གསན། དགུང་ལོ་ཉེར་དགུ་པར་[1779]རྒྱུད་པ་མཁན་པོའི་ཁྲི་ཐོག་ཉེར་གཅིག་པར་བཞུགས་ཏེ་ལོ་བཅུའི་རིང་དུ་འཆད་ཉན་བསྐྱངས། དགུང་ལོ་ཞེ་གཅིག་པ་ནས་དགུང་ལོ་ལྔ་བཅུ་ང་གསུམ་པར་སྐྱེ་འགྲོ་རྣམས་ལ་མདོ་སྔགས་ཆོས་ཀྱི་འཁོར་ལོ་བསྐོར། རྟ་ནག་ཏུ་མན་ཐང་གསར་བཞེངས་མཛད། དགུང་ལོ་དྲུག་ཅུ་ཐམ་པར་དགོངས་པ་ཆོས་དབྱིངས་སུ་གཤེགས། ཁོང་གི་གསུང་རྩོམ་ནི《འཇམ་དབྱངས་སྨྲ་བའི་སེང་གེའི་བསྟོད་འགྲེལ་ལེགས་བཤད་གསར་བའི་དགའ་སྟོན》དང་། 《ཟབ་པ་དང་རྒྱ་ཆེ་བའི་དམ་པའི་ཆོས་ཀྱི་དབང་ལུང་མན་ངག་སོགས་ཀྱི་ཐོབ་ཡིག་བདུད་རྩིའི་ཆུ་རྒྱུན》བཅས་ཆོས་ཚན་སུམ་ཅུ་སོ་གཅིག་ལོངས་པའི་པོད་གཅིག་བཞུགས་སོ། །
- language:
- Tibetan