- bsam gling ba
- ID:
- T246775
- བསམ་གླིང་བ (Tibetan, Tibetan script, Original)
- > bsam gling ba (Tibetan, Latin script, Transliteration-THL Extended Wylie Transliteration)
- > sam lingwa (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
འདི་ནི་ཡབ་ཕུག་པ་མགོན་དང་ཡུམ་དར་མ་ལྕམ་གཉིས་ཀྱི་སྲས་སུ་རབ་བྱུང་གསུང་པའི་ས་བྱ་（༡༡༨༩）ལོར་སྐུ་འཁྲུངས། དགུང་ལོ་ཉེར་གཅིག་ལ་ཕེབས་སྐབས་དཔྱལ་ཆོས་བཟང་དང་གཙང་བ་སར་སྦོས་གཉིས་ཀྱིས་མཁན་སློབ་མཛད་དེ་རབ་ཏུ་བྱུང་། བླ་མ་མང་དུ་བསྟེན་ནས་ཐོས་པ་རྒྱ་ཆེན་པོ་མཛད། དཔྱལ་གྱི་ཐུར་ཆོས་པའང་ལོ་མང་དུ་བྱས། མྱང་སྟོད་ཀྱི་སེང་ཕྲེང་དགོན་པ་ན་དྭགས་པོ་བཀའ་བརྒྱུད་ཀྱི་སྒོམ་ཆེན་ཞིག་ཡོད་པ་དེ་ལ་ལྔ་ལྡན་ལ་སོགས་ཞུས་པས་ཕྱག་རྒྱ་ཆེན་པོའི་རྟོགས་པ་བརྙེས། གངས་པ་རིན་ཆེན་འོད་ཟེར་གྱི་ཞབས་ལ་གཏུགས་ནས་ཆོས་མང་དུ་གསན། སྐུ་ཚེའི་སྨད་དུ་མྱང་སྨད་བསམ་གླིང་དགོན་བཏབ། རྟོགས་པ་མཐོ་ཞིང་འགྲོ་དོན་རྒྱ་ཆེ། མཐར་དགུང་ལོ་དོན་གཉིས་པ་རབ་བྱུང་བཞི་པའི་ལྕགས་སྤྲེལ་（༡༢༦༠）ལོར་སྐུ་གཤེགས།
- language:
- Tibetan
2. Thupten Phuntsok Dictionary
འདི་ཉིད་ཡབ་ཕུག་པ་མགོན་དང་ཡུམ་དར་མ་ལྕམ་གཉིས་ཀྱི་སྲས་རབ་བྱུང་གསུམ་པའི་ས་བྱ༡༡༨༩ལོར་སྐུ་འཁྲུངས། དགུང་ལོ་ཉེར་གཅིག་ལ་ཕེབས་སྐབས་དཔྱལ་ཆོས་བཟང་དང་གཙང་པ་སར་སྤོས་གཉིས་ཀྱི་མཁན་སློབ་མཛད་དེ་རབ་ཏུ་བྱུང་། བླ་མ་མང་དུ་བསྟེན་ནས་ཐོས་པ་རྒྱ་ཆེན་པོ་མཛད། དཔྱལ་གྱི་ཟུར་ཆོས་པའང་ལོ་མང་དུ་བྱས། མྱང་སྟོད་ཀྱི་སེང་ཕྲེང་དགོན་པ་ན་དྭགས་པོ་བཀའ་བརྒྱུད་ཀྱི་སྒོམ་ཆེན་ཞིག་ཡོད་པ་དེ་ལ་ལྔ་ལྡན་ལ་སོགས་ཞུས་པས་ཕྱག་རྒྱ་ཆེན་པོའི་རྟོགས་པ་བརྙེས། གངས་པ་རིན་ཆེན་འོད་ཟེར་གྱི་ཞབས་ལ་གཏུགས་ནས་ཆོས་མང་དུ་གསན། སྐུ་ཚེའི་སྨད་དུ་མྱང་སྨད་བསམ་གླིང་དགོན་བཏབ། རྟོགས་པ་མཐོ་ཞིང་འགྲོ་དོན་རྒྱ་ཆེ། མཐར་དགུང་ལོ་དོན་གཉིས་པ་རབ་བྱུང་བཞི་པའི་ལྕགས་སྤྲེལ༡༢༦༠ལོར་སྐུ་གཤེགས།
- language:
- Tibetan
3. gangs can mkhas grub rim byon ming mdzod
ཁོང་ནི་རབ་བྱུང་གསུམ་པའི་ས་མོ་བྱ་ལོ་སྟེ་སྤྱི་ལོ 1189 ལོར་མྱང་སྨད་དིང་རིར་ཡབ་ཕུག་པ་མགོན་དང་། ཡུམ་དར་མ་ལྕམ་གཉིས་ཀྱི་སྲས་སུ་སྐུ་འཁྲུངས། རབ་བྱུང་བཞི་པའི་ལྕགས་ཕོ་སྤྲེལ་[1818]ལོ་སྟེ་སྤྱི་ལོ 1260 ལོར་སྐུ་གཤེགས། དགུང་ལོ་ཆུང་ངུའི་དུས་ནས་ཡི་གེའི་འབྲི་ཀློག་ལེགས་པར་མཁྱེན། དེ་ནས་དགེ་བའི་བཤེས་གཉེན་མང་པོའི་ཞབས་ལ་གཏུགས་ཏེ་མདོ་སྔགས་རིག་གནས་དང་བཅས་པར་གསན་སྦྱངས་མཛད། དགུང་ལོ་ཉེར་གཅིག་པར་དཔྱལ་ཆོས་བཟང་ལས་རབ་བྱུང་བསྒྲུབས། དཔྱལ་གྱི་ཟུར་ཆོས་པའང་ལོ་མང་དུ་མཛད། མྱང་སྟོད་ཀྱི་སེར་ཕྲེང་དགོན་པ་ན་དྭགས་པོ་བཀའ་བརྒྱུད་པའི་སྒོམ་ཆེན་ཅིག་ཡོད་པ་དེ་ལ་ལྔ་ལྡན་ལ་སོགས་པའི་ཆོས་སྐོར་མང་པོ་ཞུས་པས་ཕྱག་རྒྱ་ཆེན་པོའི་རྟོགས་པ་བརྙེས། གངས་པ་རིན་ཆེན་འོད་ཟེར་གྱི་ཞབས་ལ་གཏུགས་ནས་ཆོས་སྐོར་མང་པོའི་དབང་ལུང་ཁྲིད་གསུམ་ཞུས་ཏེ་རྟོགས་པ་ཇེ་མཐོར་ཕྱིན། ཀོ་བྲག་པའི་མདུན་ནས་ཀྱང་ཆོས་མང་དུ་གསན། སྐུ་ཚེའི་སྨད་ལ་མྱང་སྨད་བསམ་གླིང་དགོན་པ་གསར་འདེབས་མཛད། སློབ་མའི་ཚོགས་པ་བསྐྱངས། བསྟན་འགྲོའི་དོན་ཆེན་བསྒྲུབས་ནས་དུས་འདའ་བར་མཛད་དོ། །
- language:
- Tibetan