- hor ston nam mkha' dpal ba
- ID:
- T247026
- ཧོར་སྟོན་ནམ་མཁའ་དཔལ་བ (Tibetan, Tibetan script, Original)
- > hor ston nam mkha' dpal ba (Tibetan, Latin script, Transliteration-THL Extended Wylie Transliteration)
- > hor tön namkha palwa (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
རྗེ་འདི་ནི་མལ་གྲོ་ཡུལ་དུ་རབ་བྱུང་དྲུག་པའི་ཆུ་གླང་（༡༣༧༣）ལོར་སྐུ་བལྟམས། མཁས་གྲུབ་ཀྱི་བཤེས་གཉེན་ཆེན་པོ་མང་པོའི་ཞབས་ལ་གཏུགས་ནས་མདོ་སྔགས་ཀྱི་གཞུང་ལུགས་མཐའ་ཡས་པར་ཐོས་བསམ་དཔྱིས་ཕྱིན་གནང་བས་མཁས་པ་ཆེན་པོར་གྱུར། དགའ་ལྡན་བྱང་རྩེ་གྲྭ་ཚང་ཕྱག་བཏབ་སྟེ་ཆོས་ཟུར་འཆད་མཛད་པས་རྗེ་དགེ་འདུན་གྲུབ་པ་སོགས་མཁས་གྲུབ་མང་པོས་ཆོས་ཞུས། 《ཐེག་པ་ཆེན་པོའི་བློ་སྦྱོང་སྙན་རྒྱུད་ཆེན་མོའི་རྣམ་བཤད་ཉི་མའི་འོད་ཟེར་》ཞེས་བྱ་བ་བཀའ་རྩོམ་མཛད། འགོལ་གནས་སུ་ཡང་དབེན་བཏབ་སྟེ་དགུང་ལོ་དོན་ལྔ་ལ་ཕེབས་པ་རབ་བྱུང་བརྒྱད་པའི་མེ་ཡོས་（༡༤༤༧）ལོར་དགོངས་པ་ཆོས་དབྱིངས་སུ་ཐིམ།
- language:
- Tibetan
2. Thupten Phuntsok Dictionary
རྗེ་འདི་ནི་མལ་གྲོ་ཡུལ་དུ་རབ་བྱུང་དྲུག་པའི་ཆུ་གླང (༡༣༧༣) ལོར་སྐུ་བལྟམས། འཇམ་མགོན་བླ་མ་ཙོང་པ་ཆེན་པོས་དབུས་མཁས་གྲུབ་ཀྱི་བཤེས་གཉེན་ཆེན་པོ་མང་པོའི་ཞབས་ལ་གཏུགས་ནས་མདོ་སྔགས་ཀྱི་གཞུང་ལུགས་མཐའ་ཡས་པར་ཐོས་བསམ་དཔྱིས་ཕྱིན་གནང་བས་མཁས་པ་ཆེན་པོར་གྱུར། དགའ་ལྡན་བྱང་རྩེ་གྲྭ་ཚང་ཕྱག་བཏབ་སྟེ་ཆོས་ཟུར་འཆད་མཛད་པས་རྗེ་དགེ་འདུན་གྲུབ་པ་སོགས་མཁས་གྲུབ་མང་པོས་ཆོས་ཞུས། ཐེག་པ་ཆེན་པོའི་བློ་སྦྱོང་སྙན་རྒྱུད་ཆེན་མོའི་རྣམ་བཤད་ཉི་མའི་འོད་ཟེར》ཞེས་བྱ་བ་བཀའ་རྩོམ་མཛད། འགོལ་གནས་སུ་ཡང་དབེན་བཏབ་སྟེ་དགུང་ལོ་དོན་ལྔ་ལ་ཕེབས་པ་རབ་བྱུང་བརྒྱད་པའི་མེ་ཡོས (༡༤༤༧) ལོར་སྐུ་གཤེགས།
- language:
- Tibetan
3. gangs can mkhas grub rim byon ming mdzod
ཁོང་ནི་རབ་བྱུང་དྲུག་པའི་ཆུ་མོ་གླང་ལོ་སྟེ་སྤྱི་ལོ 1373 ལོར་མལ་དྲོར་སྐུ་འཁྲུངས། རབ་བྱུང་བརྒྱད་པའི་མེ་མོ་ཡོས་ལོ་སྟེ་སྤྱི་ལོ 1447 ལོར་སྐུ་གཤེགས། ཁོང་གིས་རྗེ་བཙུན་ཙོང་ཁ་པ་བློ་བཟང་གྲགས་པ་སོགས་ཡོངས་སུ་གྲགས་པའི་དགེ་བའི་བཤེས་གཉེན་མང་པོའི་ཞབས་པད་ལ་བསྟེན་ནས་ཐུན་མོང་གི་རིག་གནས་དང་། ཐུན་མོང་མ་ཡིན་པའི་མདོ་ཕྱོགས་ཀྱི་གཞུང་ལུགས། སྔགས་ཕྱོགས་ཀྱི་རྒྱུད་སྡེ་བཞི་བཅས་ལ་ཐོས་བསམ་དཔྱིས་ཕྱིན་པར་སྦྱངས་པས་མཁས་པ་དང་གྲུབ་པར་བརྙེས་པའི་དགེ་བའི་བཤེས་གཉེན་ཆེན་པོར་གྱུར། དགའ་ལྡན་རྣམ་པར་རྒྱལ་བའི་གླིང་དུ་བྱང་རྩེ་ཕྱག་འདེབས་མཛད་ཅིང་བླ་ས་བཟུང་ནས་མདོ་སྔགས་ཆོས་ཀྱི་འཆད་ཉན་མཛད་པས་གྲྭ་བུ་སློབ་མང་དུ་འདུས་ཤིང་རྗེ་དགེ་འདུན་གྲུབ་པ་སོགས་མཁས་གྲུབ་མང་དུ་བྱོན་ནོ། འགོལ་གནས་སུ་ཡང་དབེན་ཕྱག་འདེབས་མཛད་ཅིང་དགེ་འདུན་མང་པོའི་ཚོགས་པ་བསྐྱངས་སོ། དགུང་ལོ་དོན་ལྔ་པར་དགོངས་པ་ཆོས་དབྱིངས་སུ་གཤེགས། དགོངས་རྫོགས་ཀྱི་ཕྱིར་དུ་བཞེངས་[1834]པའི་དངུལ་གྱི་སྒོ་མང་མཆོད་རྟེན་དངུལ་གདུང་རིན་པོ་ཆེའི་གཡོན་གསུམ་པར་བཞུགས་སོ། ཁོང་ནི་བྱང་རྩེའི་བླ་རབས་དང་པོ་ཡིན་ནོ། །
- language:
- Tibetan