- lha btsun blo bzang nor bu
- ID:
- T247171
- ལྷ་བཙུན་བློ་བཟང་ནོར་བུ (Tibetan, Tibetan script, Original)
- > lha btsun blo bzang nor bu (Tibetan, Latin script, Transliteration-THL Extended Wylie Transliteration)
- > lha tsün lo zang norbu (Tibetan, Latin script, Transcription-THL Simplified Tibetan Transcription)
Other Dictionaries
1. Thupten Phuntsok Dictionary
རྗེ་འདི་ཉིད་རབ་བྱུང་བཅུ་གཅིག་པའི་མེ་སྦྲུལ (༡༦༧༧) ལོར་སྐུ་འཁྲུངས། དགུང་ལོ་དགུ་ལ་ཕེབས་པ་ཤིང་གླང (༡༦༨༥) ལོར་འཕགས་པ་བརྩོན་འགྲུས་བཟང་པོའི་དྲུང་དགེ་བསྙེན་དང་རབ་བྱུང་གི་སྡོམ་པ་བཞེས། དགུང་ལོ་ཉི་ཤུར་ཕེབས་པ་རབ་བྱུང་གཉིས་པའི་མེ་བྱི (༡༦༩༦) ལོར་སློབ་དཔོན་བློ་བཟང་དམ་པ་དཔལ་བཟང་པོའི་དྲུང་ནས་དགེ་ཚུལ་གྱི་སྡོམ་པ་བཞེས། དགུང་ལོ་ཉི་ཤུ་རྩ་བདུན་ལ་ཕེབས་པ་རབ་བྱུང་གཉིས་པའི་ཆུ་ལུག (༡༧༠༣) ལོར་མ་ཧ་ཙི་ནའི་ཡུལ་གྲུར་ཕེབས་ཏེ་མཁན་པོ་བཀའ་འགྱུར་བ་བློ་བཟང་ཚུལ་ཁྲིམས་ཀྱི་དྲུང་དུ་དགེ་སློང་གི་སྡོམ་པ་བཞེས། ཆོས་རྗེ་བློ་བཟང་ཞི་བ་བསྟེན་ནས་མདོ་སྔགས་ཀྱི་ཆོས་མང་དུ་གསན། འཆད་རྩོད་རྩོམ་གསུམ་ལ་མཁས་པའི་གོ་འཕང་བརྙེས། ཕྱག་རྩོམ་ལ་མཚོན་ན། རྡོ་རྗེ་སེམས་དཔའི་བསྒོམ་བཟླས་བྱ་ཚུལ》 བཅོམ་ལྡན་འདས་རྡོ་རྗེ་མི་འཁྲུགས་པའི་ཆོ་ག》 དཔལ་རྡོ་རྗེ་རྣམ་པར་འཇོམས་པའི་ཆོ་ག》 ཇོ་ལུགས་སྒྲོལ་དཀར་ཡིད་བཞིན་འཁོར་ལོའི་སྒྲུབ་ཐབས》 ནཱ་རོ་མཁའ་སྤྱོད》 བདེ་མཆོག་ལྷན་སྐྱེས》 དོན་ཞགས་ལྷ་ལྔ་བ་རི་ལུགས་ཀྱི་སྒྲུབ་ཐབས》 ཡི་དམ་རྒྱ་མཚོའི་སྒྲུབ་ཐབས་རིན་ཆེན་འབྱུང་གནས་ཀྱི་ལྷན་ཐབས་གསལ་བའི་མེ་ལོང》 ཟབ་པ་དང་རྒྱ་ཆེ་བའི་དམ་པའི་ཆོས་ཀྱི་ཐོབ་ཡིག་གསལ་སྒྲོན》 ཞེས་བྱ་བ་སོགས་མདོ་སྔགས་ཀྱི་བཀའ་རྩོམ་པོད་བདུན་ཙམ་བཞུགས། མཛད་རྣམ་ཞིབ་པ་དང་འདས་ལོ་མ་གསལ།
- language:
- Tibetan