- a mdo byams pa
- ID:
- T247370
- ཨ་མདོ་བྱམས་པ (Tibetan, Tibetan script, Original)
- > a mdo byams pa (Tibetan, Latin script, Transliteration-THL Extended Wylie Transliteration)
- > amdo jampa (Tibetan, Latin script, Transcription-THL Simplified Tibetan Transcription)
Other Dictionaries
1. Thupten Phuntsok Dictionary
ཞེས་པ་ནི་གྲགས་ཅན་གྱི་རི་མོ་མཁས་ཅན་ཞིག་ཡིན། སྤྱི་།༡༩༡༥) ལོར་མདོ་སྨད་ཨ་མདོ་གཅན་ཚ་རྫོང་དུ་སྐུ་འཁྲུངས། ཁོང་ནི་བྱིས་པ་ཆུང་ངུའི་དུས་ནས་སྔོན་སྦྱངས་སྐྱེས་སྟོབས་ཀྱི་དབང་གིས་རི་མོ་འབྲི་བར་ཤིན་ཏུ་དགའ་སྣང་ཆེ། གཞོན་ནུའི་དུས་དབུས་ཕྱོགས་སུ་བྱོན་ཏེ་འབྲས་སྤུངས་སྒོ་མང་གྲྭ་ཚང་དུ་ཚོགས་བཞུགས་མཛད། ཁོང་གིས་འབད་པ་ཆེན་པོས་གཞུང་ཆེན་བཀའ་པོད་ལྔ་ལ་ཐོས་བསམ་མཛད་པ་མ་ཟད། རི་མོ་འབྲི་སྦྱོང་ཡང་མཛད་དེ་མཁས་པར་གྱུར། ཁོང་གི་ཚབ་བྱེད་བརྩམ་བྱ་གཙོ་བོའི་གྲས་ནི་ནོར་གླིང་རྟག་བརྟན་མི་འགྱུར་ཕོ་བྲང་ནང་གི་ཁམས་གསུམ་དབང་འདུས་དང་། རྒྱན་དྲུག་མཆོག་གཉིས་སོགས་ཡིན་ཞིང་། དེ་རྣམས་ནི་དངོས་བྲིས་གསར་རྩོམ་གྱི་རང་བཞིན་ལྡན་པ། མི་སོ་སོའི་འདྲ་རིས་བལྟས་པ་ཙམ་གྱིས་ངོ་ཤེས་པ། གསལ་མུན་དང་སྣང་ཆ་གནད་དུ་འཁེལ་བ་བཅས་དུས་རབས་བཅོ་བརྒྱད་པའི་ནང་གི་ཡོ་རོབ་གླིང་གི་སྣུམ་ཚོན་རི་མོ་དང་ཆེས་འདྲ་བའི་ཁྱད་ཆོས་ལྡན་ཡོད།
- language:
- Tibetan