- a ru rnam par rgyal ba
- ID:
- T247432
- ཨ་རུ་རྣམ་པར་རྒྱལ་བ (Tibetan, Tibetan script, Original)
- > a ru rnam par rgyal ba (Tibetan, Latin script, Transliteration-THL Extended Wylie Transliteration)
- > aru nampar gyalwa (Tibetan, Latin script, Transcription-THL Simplified Tibetan Transcription)
Other Dictionaries
1. Thupten Phuntsok Dictionary
ཨ་རུ་རིགས་ལྔའི་ཡ་གྱལ་རོ་དྲུག་དང་། ཞུ་རྗེས་གསུམ། ནུས་པ་བརྒྱད། ཡོན་ཏན་བཅུ་བདུན་བཅས་ཡོངས་སུ་ཚང་བ། ནད་རིགས་ཐམས་ཅད་སེལ་བར་བྱེད་ཅིང་ཤིན་ཏུ་དཀོན་པ་ཡིད་བཞིན་ནོར་བུ་ལྟ་བུ་ཞིག་གི་མིང་སྟེ། ཟུར་རྡོ་ལས། བཞི་བརྒྱ་རྩ་བཞི་སྟོང་དང་ཉིས་བརྒྱ་སོགས། ནད་ཀྱི་དཔུང་ཚོགས་ཇི་ལྟར་མང་ན་ཡང་། སྨན་མཆོག་འདི་ཡོད་རྣམ་པར་རྒྱལ་བའི་ཕྱིར། རྣམ་རྒྱལ་ཞེས་གྲགས་ཡིད་བཞིན་ནོར་བུ་ཡིན། ཞེས་དང་། དྷརྨ་སྭ་མིས། ཨ་རུ་རྣམ་པར་རྒྱལ་བ་ནི། ཀུ་བའི་མཇུག་འདྲ་ཁྱད་པར་དུ། ཨ་རུའི་ནང་ན་ཨ་རུ་ཡོད། བསྐྱོད་ན་ཁྲོག་ཁྲོག་ཟེར་བ་ཡོད། དེ་ནི་ཡིད་བཞིན་ནོར་བུ་ཡིན། རྣམ་པར་རྒྱལ་བ་དག་ཏུ་འདོད། རབ་འབྲིང་ཐ་མའི་དབྱེ་བ་ནི། ཀུ་བའི་མཇུག་འདྲ་རབ་ཏུ་བཤད། གསུམ་འབྲེལ་དག་ཏུ་ཡོང་བ་སྟེ། རྣམ་པར་རྒྱལ་བ་འབྲིང་དུ་བཤད། གཉིས་འབྲེལ་རྣམ་རྒྱལ་ཐ་མ་ཡིན། ཞེས་གསུངས་པ་ལྟར་འདི་ཉིད་ཤིན་ཏུ་དཀོན་པས་དེང་སྐབས་ཕྱག་ལེན་ལ་དངོས་སུ་མཐོང་རྒྱུ་མ་མཆིས་ཀྱང་གནའ་རབས་ཀྱི་དུས་སུ་ནི་ཡོད་པར་མངོན་ཏེ། སྔོན་གྲུབ་པའི་དབང་ཕྱུག་རྗེ་བཙུན་གཡུ་ཐོག་པ་གསར་མ་ཡོན་ཏན་མགོན་པོའི་སྐུ་དུས་སུ་གཙང་གི་ཚོང་འདུས་འགུར་མོར་ཨ་རུ་རའི་ཆར་ཕབ་པའི་དུས་སུ་བྱུང་བར་གྲགས་པའི་ཨ་རུ་རྣམ་རྒྱལ་གསུམ་འབྲེལ་གཅིག་དང་། ལྔ་འབྲེལ་གཅིག རྐྱང་པ་གཅིག་བཅས་གསུམ་ཙམ་ཟུར་མཁར་བློ་གྲོས་རྒྱལ་པོའི་ཕྱག་ཏུ་བབས་པའི་ལོ་རྒྱུས་མཆིས་ཤིང་། རྒྱལ་དབང་ལྔ་པ་ཆེན་པོ་དང་། མི་དབང་སངས་རྒྱས་རྒྱ་མཚོའི་སྐུ་དུས་སུའང་རྩེ་པོ་ཏྭ་ལའི་རྣམ་སྲས་ནོར་མཛོད་གླིང་དུ་ཨ་རུ་རྣམ་རྒྱལ་ཆེ་ཆུང་སྙིམ་པ་ཁ་སྦྱར་ཙམ་ཞིག་ཡོད་པའི་ལོ་རྒྱུས་སྣང་ངོ་།
- language:
- Tibetan