- an stong tshigs pa dang po
- ID:
- T247502
- ཨན་སྟོང་ཚིགས་པ་དང་པོ (Tibetan, Tibetan script, Original)
- > an stong tshigs pa dang po (Tibetan, Latin script, Transliteration-THL Extended Wylie Transliteration)
- > en tong tsikpa dangpo (Tibetan, Latin script, Transcription-THL Simplified Tibetan Transcription)
Other Dictionaries
1. Thupten Phuntsok Dictionary
མགོ་བོ་སྒུར་བའི་ཚེ་མཇིང་པར་རུས་པ་འབུར་པོ་ཞིག་འབྱུང་བས་དེ་ལ་ཨན་སྟོང་དང་། དེའི་འོག་གི་ཚིགས་དེ་ལ་ཚིགས་པ་དང་པོ་ཞེས་དེ་གཉིས་ཐ་དད་དུ་བཞེད་པའི་ལུགས་ཤིག་དང་། ཨན་སྟོང་དང་ཚིགས་པ་དང་པོ་གཉིས་གཞི་གཅིག་ཏུ་དྲིལ་ནས་མགོ་སྒུར་བའི་ཚེ་རུས་པ་འབུར་པོར་ཐོན་པ་དེར་བཞེད་པའི་ལུགས་ཤིག་དང་གཉིས་མཆིས་ཏེ། དཔལ་སྤུངས་དབོན་ཀརྨ་བསྟན་འཛིན་འཕྲིན་ལས་རབ་རྒྱས་ཀྱི་མཛད་པའི་རྒྱུད་བཞིའི་དཀའ་འགྲེལ་ལས། ཨན་སྟོང་ཚིགས་པ་དང་པོ་ནི། ཟུར་ལུགས་དག་ནི་མགོ་སྒུར་བའི་ཚེ་རུས་པ་འབུར་པོ་ཞིག་འབྱུང་བས་དེ་ལ་ཨན་སྟོང་དང་། དེའི་འོག་གི་སྒལ་ཚིགས་ལ་ཚིགས་པ་དང་པོ་ཞེས་འདོད་པ་དང་། བྱང་ལུགས་དག་ནི་ཨན་སྟོང་ཞེས་པའི་སྒྲ་དེ་ནི་སྒལ་ཚིགས་ཀྱི་བར་སྟོང་གི་སྤྱི་མིང་ཡིན་པས་མགོ་སྒུར་བའི་ཚེ་འབུར་དུ་ཐོན་པའི་རུས་པ་དེ་ལ་ཚིགས་པ་དང་པོ་ཞེས་འདོད་ཅིང་། མེ་བཙའ་འཛེག་སྐབས་ཀྱང་ཟུར་ལུགས་རྣམས་ནས་སྒལ་ཚིགས་མཁར་གྱི་རུས་པ་འབུར་པོའི་སྟེང་དུ་བཞག་པ་དང་། བྱང་ལུགས་རྣམས་ནས་སྒལ་ཚིགས་ཀྱི་མཁར་མཚམས་རུས་པ་ཉག་ཉག་དེ་རུ་བཞག་པའི་སྲོལ་ཡང་མཆིས་སོ། ཞེས་གསུངས་པ་ལྟར་རོ།
- language:
- Tibetan