1. Jeffrey Hopkins Dictionary

དཀོན་མཆོག་བསྟན་པའི་སྒྲོན་མེ། གུང་ཐང་འཇམ་དཔལ་དབྱངས། 
Hopkins' Translations: Gung-tang G#ön-chok-d#en-b#ay-drön-may [1762-1823; aka Gung-tang Jam-b#el-y#ang]

Further Details

2. Rangjung Yeshe Dictionary

• (1762-1823)

  Further Details

  language:

  English

• 1762-1823

  Further Details

  language:

  English

3. dung dkar bod rig pa'i tshig mdzod chen mo

(གུང་ཐང་ཚང་སྐུ་ཕྲེང་གསུམ་པ)མདོ་སྨད་མཛོད་དགེ་སྨད་དུ་ཡབ་ལྕགས་པོ་བྱམས་དང་ཡུམ་བོ་ཅོག་གཉིས་ཀྱི་སྲས་སུ་རབ་བྱུང་བཅུ་གསུམ་པའི་ཆུ་རྟ(༡༧༦༢)ལོར་སྐུ་འཁྲུངས། བྱིས་པའི་དུས་ནས་ན་མ༡མ་གཞན་དང་མི་འདྲ་བའི་མཁྱེན་རབ་ཀྱི་རྩལ་ཆེ་ཞིང༌། ཀུན་སྤྱོད་ཕུན་སུམ་ཚོགས་པ་མངའ། དགུང་ལོ་ལྔ་ལ་ཕེབས་སྐབས་གུང་ཐང་མཆོག་སྤྲུལ་རིན་པོ་ཆེའི་ཡང་སྲིད་ངོས་འཛིན་ཞུ་མི་རྣམས་འབྱོར་བས་ངོས་འཛིན་འཁྲུལ་མེད་དུ་མཛད། འཇམ་དབྱངས་བཞད་པ་རིན་པོ་ཆེ་འཇིགས་མེད་དབང་པོས་གུང་ཐང་མཆོག་སྤྲུལ་རིན་པོ་ཆེའི་ཡང་སྲིད་དུ་ཐག་གཅོད་གནང༌། དགུང་ལོ་བདུན་པ་ས་བྱི(༡༧༦༨)ལོར། བཀྲ་ཤིས་འཁྱིལ་དུ་གདན་དྲངས། འཇམ་དབྱངས་བཞད་པ་རིན་པོ་ཆེ་འཇིགས་མེད་དབང་པོའི་དྲུང་ནས་རབ་བྱུང་དང་དགེ་ཚུལ་ཆབས་ཅིག་ཏུ་བསྒྲུབས་ཏེ་མཚན་ལ་དཀོན་མཆོག་བསྟན་པའི་སྒྲོན་མེ་ཞེས་གསོལ། དགེ་བའི་བཤེས་གཉེན་བློ་བཟང་རིན་ཆེན་དགེ་རྒན་དུ་བསྟེན་ནས་ལོ་ལྔའི་རིང་ཡི་གེ་འབྲི་ཀློག་དང༌། ཆོས་སྤྱོད་སྐོར་དང༌། གཞུང་ཆེན་པོ་ལྔའི་རྩ་བ་སོགས་ཐུགས་འཛིན་གནང༌། བར་གསེང་ལ་འཇམ་དབྱངས་བཞད་པ་རིན་པོ་ཆེའི་དྲུང་ནས་མདོ་སྔགས་ཀྱི་ཆོས་རྒྱུན་མང་པོ་ཞིག་གསན། དགུང་ལོ་བཅུ་བདུན་པ་ས་ཁྱི(༡༧༧༨)ལོར་བོད་དབུས་གཙང་དུ་སློབ་གཉེར་ལ་བྱོན་ནས་འབྲས་སྤུངས་སྒོ་མང་གྲྭ་ཚང་དུ་ཆོས་ཞུགས་ཐོག་ཕར་ཕྱིན་འཛིན་གྲྭ་གཞུང་གསར་ནས་དབུ་ཚུགས་ཏེ་གསན་སྦྱོང་མཛད། རིགས་སྨྲའི་དབང་ཕྱུག་ཧོར་བསྐལ་བཟང་དངོས་གྲུབ་དགེ་རྒན་དུ་བསྟེན་ནས་དགུང་ལོ་ཉི་ཤུ་རྩ་ལྔའི་བར་ལོ་དགུའི་རིང་གཞུང་ཆེན་པོ་གཞན་བཞིའི་སློབ་གཉེར་བླ་ཆེན་ཀུན་གྱི་མིག་དཔེར་འོས་པ་མཛད། དགུང་ལོ་ཉེར་གཅིག་པ་ཆུ་སྟག(༡༧༨༢)ལོར་ཏཱ་ལའི་བླ་མ་སྐུ་ཕྲེང་བརྒྱད་པ་འཇམ་དཔལ་རྒྱ་མཆོའི་དྲུང་ནས་དགེ་སློང་གི་སྡོམ་པ་ཞུས་གནང་མཛད་དེ་སྐུ་ཚེའི་རིང་བསླབ་ཁྲིམས་སྲུང་སྡོམ་མཐར་ཕྱིན་པ་གནང༌། དབུས་སུ་བཞུགས་རིང་ཡོངས་འཛིན་རིན་པོ་ཆེ་ཡེ་ཤེས་རྒྱལ་མཚན་དང༌། ཀློང་རྡོལ་བླ་མ་རིན་པོ་ཆེ་གཉིས་བླ་མའི་གཙོ་བོར་བསྟེན་ནས་མདོ་སྔགས་ཀྱི་ཆོས་རྒྱུན་སྔར་མ་གསན་པ་མང་པོ་ཞིག་གསན། དགུང་ལོ་ཉེར་ལྔ་པ་མེ་རྟ(༡༧༨༦)ལོར་ལྷ་ས་སྨོན་ལམ་ཆེན་མོར་དགེ་བཤེས་ལྷ་རམས་པའི་མཚན་བཏགས་གྲྭ་སྐོར་དམ་བཅའ་འགྲན་ཟླ་བྲལ་བ་མཛད། དེ་ནས་མི་རིང་བར་འཇམ་དབྱངས་བཞད་པ་རིན་པོ་ཆེ་དང་ལྷན་དུ་མདོ་སྨད་ཕྱོགས་སུ་ཕྱིར་ཕེབས་གནང་སྟེ་ལོ་ཤས་རིང་ཐུགས་དམ་ཉམས་བཞེས་གཙོར་འདོན་ཐོག དད་འདུས་སློབ་མ་མང་པོར་རང་རང་གི་འདོད་མོས་དང་འཚམས་པའི་མདོ་སྔགས་ཀྱི་ཆོས་རྐྱུན་རྒྱ་ཆེར་འཆད་སྤེལ་མཛད་མུར་དགུང་ལོ་སོ་གཅིག་པ་ཆུ་བྱི(༡༧༩༢)ལོར་བླ་བྲང་དཔོན་ཚང་དང་གྲྭ་དམངས་རྣམས་ནས་རེ་བསྐུལ་ཞུས་པ་ལྟར་ཚོགས་ཆེན་གྱི་ཁྲིར་ཕེབས་ནས་ལོ་བདུན་གྱི་རིང་སྔར་སྲོལ་དང་འཕར་མའི་ཆོས་རྒྱུན་འཆད་ཉན་དང༌། སློབ་གཉེར། སྒྲིགས་ཁྲིམ་སོགས་ཞི་དྲག་ཐབས་མཁས་གང་ལ་དེ་འཚམས་ཀྱི་སྒོ་ནས་ཉམས་ཆགས་བྱུང་རིགས་སླར་གསོ་དང་ཅུང་ཟད་གནས་པ་རྣམས་གོང་འཕེལ་ཡོང་བའི་དམ་འཛིན་ནན་ཏན་མཛད་པས་གྲྭ་ཚོགས་དང༌། སློབ་གཉེར། བསྙེན་བཀུར་སོགས་སྔར་ལས་ལྷག་པའི་གོང་འཕེལ་ཆེན་པོ་བྱུང༌། དགུང་ལོ་སོ་བདུན་པ་ས་རྟ་(༡༧༩༨)ལོར། འཇམ་དབྱངས་བཞད་པ་རིན་པོ་ཆེའི་ཡང་སྲིད་མཆོག་སྤྲུལ་འཇིགས་མེད་རྒྱ་མཚོ་གདན་སའི་ཁྲི་ལ་བཀོད་རྗེས་ཚོགས་ཆེན་གྱི་ཁྲིའི་ཐུགས་ཁུར་དགོངས་ཞུ་གནང་སྟེ། ལོ་ཤས་རིང་དགོན་ལུང་གི་ཁྲི་ཁུར་བསྐྱངས། དགུང་ལོ་ཞེ་གཉིས་པ་ཆུ་ཕག(༡༨༠༣)ལོར་མཆོད་རྟེན་མཐོང་གྲོལ་ཆེན་མོ་གསར་བཞེངས་ཀྱི་དབུ་ཚུགས་ནས། དགུང་ལོ་འེ་བཞི་པ་ཤིང་གླང(༡༨༠༥)ལོར་ཡོངས་སུ་གྲུབ་སྟེ་རབ་གནས་དང་དགའ་སྟོན་རྒྱས་པར་མཛད། དགུང་ལོ་ང་བའི་པ་ཤིང་ཕག(༡༨༡༥)ལོར་རོང་བོ་ཕྱོགས་ནས་བླ་བྲང་བཀྲ་ཤིས་འཁྱིལ་དུ་དམག་ཆེན་ཡོང་སྐབས་དགེ་འདུན་བགྲེས་གཞོན་སུས་ཀྱང་མཚོན་ཆ་ཁྱེར་ནས་དམག་འཐབ་ནང་ཞུགས་མི་ཆོག་པའི་དམ་བསྒྲགས་ནན་པོ་གནང་བས་ལྷ་ཁང་འགའ་ཤས་བཤིག་པ་མ་གཏོགས། གྲྭ་པ་སུ་ལ་ཡང་གནོད་འཚེ་མ་བྱུང་བའི་ཐོག་ནས་དམག་དཔུང་རྣམས་ཕྱིར་ལོག་དགོས་པ་བྱུང༌། གཞན་ཡང་མཛོད་དགེ་དང༌། ཅོ་ནེ། རྒྱལ་རོང༌། རྔ་བ་སོགས་ས་གནས་མང་པོར་གདན་དྲངས་པ་ལྟར་ཕེབས་ནས་མདོ་སྔགས་ཀྱི་ཆོས་རྒྱུན་འཆད་སྤེལ་དང༌། དགོན་སྡེ་ཁག་གི་སློབ་གཉེར་དང་སྒྲིགས་ཁྲིམས་ཉམས་གསོ། འཁྲུག་རྩོད་འདུམས་པ། བྱ་རི་དྭགས་ཉ་སོགས་སྲོག་གཅོད་པ་སྤོང་སྡོམ་སོགས་བསྟན་འགྲོའི་དོན་རླབས་ཆེན་མཛད་པས་སློབ་མ་ཡང་བསྟན་འཛིན་གྱི་སྐྱེས་ཆེན་དམ་པ་གྲངས་ལས་འདས་པ་ཞིག་བྱུང༌། གསུང་རྩོམ་སྐོར། གཞུང་ཆེན་པོའི་དཀའ་གནད་ཀྱི་དོགས་གཅོད<<དྲང་ངེས་ཀྱི་མཆན>><<ཀུན་གཞིའི་མཐའ་དཔྱོད>><<བདེན་པ་བཞིའི་རྣམ་བཤད>><<རྟེན་འབྲེལ་གྱི་མཐའ་དཔྱོད>>སོགས་དང༌། <<རིག་བྱེད་མའི་བསྟོད་འགྲེལ>>སོགས་གསང་སྔགས་ཀྱི་སྐོར་མང་པོ། <<རྗེ་བླ་མར་བསྟོད་པ་དོན་ལྡན་གྱི་རང་འགྲེལ>><<ཆུ་དང་ཤིང་གི་བསྟན་བཅོས>><<རྒན་བྱིས་འབེལ་གཏམ>><<འཇམ་དབྱངས་བཞད་པ་འཇིགས་མེད་དབང་པོའི་རྣམ་ཐར>><<སྡེ་ཁྲི་བློ་བཟང་དོན་གྲུབ་ཀྱི་རྣམ་ཐར>><<ཐུའུ་བཀྭན་ཆོས་ཀྱི་ཉི་མའི་རྣམ་ཐར>><<སྒོ་མང་མཁན་པོ་ཆོས་དར་གྱི་རྣམ་ཐར>>སོགས་གསུང་རྩོམ་ཕྱོགས་བསྒྲིགས་པོད་བརྒྱད་ཡོད་པ་དེ་དག་བཀྲ་ཤིས་འཁྱིལ་དང་ལྷ་ས་གཉིས་ཀར་ཤིང་དཔར་ཡོད་ལ། ལྷག་པར་གསུང་རྩོམ་མང་བའི་ཐོག་བློ་རབ་འབྲིང་ཐ་གསུམ་གྱི་སེམས་རྒྱུད་ལ་ཕན་པའི་བཀའ་སློབ་གསོན་ཉམས་ལྡན་པ་ཧ་ཅང་མང་པོ་ཡོད་པར་བརྟེན་དབུས་གཙང་ཁམས་གསུམ་མདོ་སྟོད་སྨད་བཅས་པའི་མཁས་དབང་ཀུན་གྱིས་མགྲིན་གཅིག་ཏུ་ཁོང་ལ་གུང་ཐང་འཇམ་དབྱངས་ཞེས་བསྔགས་བརྗོད་དང་བཅས་མཚན་བརྗོད་ཞུ་གི་ཡོད། དགུང་ལོ་རེ་གཉིས་པ་རབ་བྱུང་བཅུ་གཉིས་པའི་ཆུ་ལུག(༡༨༢༣)ལོར་དགོངས་པ་གཞན་དོན་དུ་གཤེགས་ཤིང༌། སྐུ་གདུང་ལས་རྟེན་ངོ་མཚར་ཅན་འགའ་ཞིག་བྱོན་པ་རྣམས་གདུང་རྟེན་བཞེངས་པའི་ནང་དུ་བཞུགས། ལོ་རྒྱུས་སྐོར་རྒྱས་པ་དབལ་མང་དཀོན་མཆོག་རྒྱལ་མཚན་གྱིས་མཛད་པའི་ཁ་བྱང་དུ<<རྒྱལ་བའི་རིང་ལུགས་པ་ཆེན་པོ་འཇམ་དབྱངས་བླ་མ་དཀོན་མཆོག་བསྟན་པའི་སྒྲོན་མེའི་རྣམ་པར་ཐར་པ་དད་པའི་པདྨོ་བཞད་པའི་ཉིན་བྱེད>>ལྷ་ས་ཞོལ་དཔར་མ་ལ་ཤོག་གྲངས༡༩༤ཡོད་པ་དམ་པ་དེའི་གསུང་འབུམ་ལྷ་ས་དཔར་མའི་པོད[ཉ]པའི་མཇུག་ཏུ་ཡོད།

Further Details

4. Thupten Phuntsok Dictionary

(གུང་ཐང་ཚང་སྐུ་ཕྲེང་གསུམ་པ) མདོ་སྨད་མཛོད་དགེ་སྨད་དུ་ཡབ་ལྕགས་པོ་བྱམས་དང་ཡུམ་བོ་ཅོག་གཉིས་ཀྱི་སྲས་སུ་རབ་བྱུང་བཅུ་གསུམ་པའི་ཆུ་རྟ (༡༧༦༢) ལོར་སྐུ་འཁྲུངས། བྱིས་པའི་དུས་ནས་ན་མཉམ་གཞན་དང་མི་འདྲ་བའི་མཁྱེན་རབ་ཀྱི་རྩལ་ཆེ་ཞིང་། ཀུན་སྤྱོད་ཕུན་སུམ་ཚོགས་པ་མངའ། དགུང་ལོ་ལྔ་ལ་ཕེབས་སྐབས་གུང་ཐང་མཆོག་སྤྲུལ་རིན་པོ་ཆེའི་ཡང་སྲིད་ངོས་འཛིན་ཞུ་མི་རྣམས་འབྱོར་བས་ངོས་འཛིན་འཁྲུལ་མེད་དུ་མཛད། འཇམ་དབྱངས་བཞད་པ་རིན་པོ་ཆེ་འཇིགས་མེད་དབང་པོས་གུང་ཐང་མཆོག་སྤྲུལ་རིན་པོ་ཆེའི་ཡང་སྲིད་དུ་ཐག་གཅོད་གནང་། དགུང་ལོ་མདུན་པ་ས་བྱི (༡༧༦༨) ལོར། བཀྲ་ཤིས་འཁྱིལ་དུ་གདན་དྲངས། དགུང་ལོ་རེ་གཉིས་པ་རབ་བྱུང་བཅུ་གཉིས་པའི་ཆུ་ལུག (༡༨༢༣) ལོར་དགོངས་པ་གཞན་དོན་དུ་གཤེགས།

Further Details

5. gangs can mkhas grub rim byon ming mdzod

ཁོང་ནི་རབ་བྱུང་བཅུ་གསུམ་པའི་ཆུ་ཕོ་རྟ་ལོ་སྟེ་སྤྱི་ལོ 1762 ལོར་མདོ་སྨད་ཤར་ལྷོའི་མཛོད་དགེའི་སྨད་ཀྱི་ཡུལ་དུ་ཡབ་ཐེ་བོ་ལྕགས་པོ་བྱམས་པ་དང་། ཡུམ་བོ་ཆོག་གཉིས་ཀྱི་སྲས་སུ་སྐུ་འཁྲུངས། རབ་བྱུང་བཅུ་བཞི་པའི་ཆུ་མོ་ལུག་ལོ་སྟེ་སྤྱི་ལོ 1823 ལོར་སྐུ་གཤེགས། ཁོང་དགུང་ལོ་བདུན་པར་ཕེབས་དུས་ཀུན་མཁྱེན་འཇིགས་མེད་དབང་[254]པོས་ཁྲི་ཆེན་དགེ་འདུན་ཕུན་ཚོགས་ཀྱི་ཡང་སྲིད་དུ་ངོས་འཛིན་མཛད་དེ་བླ་བྲང་བཀྲ་ཤིས་འཁྱིལ་དུ་གདན་དྲངས། ཁོང་གིས་ཀུན་མཁྱེན་འཇིགས་མེད་དབང་པོའི་དྲུང་ནས་དགེ་བསྙེན་དང་རབ་བྱུང་དགེ་ཚུལ་བཅས་དཀྱུས་གཅིག་ཏུ་ཞུས་ཤིང་མཚན་ལ་དཀོན་མཆོག་བསྟན་པའི་སྒྲོན་མེ་ཞེས་གསོལ། དེ་ནས་རྡོ་རམས་པ་བློ་བཟང་རིན་ཆེན་སློབ་དཔོན་དུ་བསྟེན་ནས་ཡི་གེའི་སྦྱོར་ཀློག་དང་བློ་འཛིན་སོགས་ལེགས་པར་སྦྱངས་བ་མ་ཟད། རིམ་གྱིས་རྒྱ་དང་སོག་པོའི་སྐད་ཡིག་སྦྱངས་བས་ཐུགས་སུ་ཆུད། དགུང་ལོ་བཅུ་བདུན་པར་དབུས་སུ་ཕེབས་ནས་འབྲས་སྤུངས་སྒོ་མང་གྲྭ་ཚང་གི་ཆོས་གྲྭར་ཞུགས། ཧོར་སྐལ་བཟང་དངོས་གྲུབ་དགེ་རྒན་དུ་བསྟེན་ནས་དབུ་མ་དང་། མཛོད། འདུལ་བ། ཚད་མ། ཕར་ཕྱིན་བཅས་གཞུང་བཀའ་པོད་ལྔ་ལ་བརྡར་ཤ་ཆོད་པར་སྦྱངས། དགུང་ལོ་ཉེར་གཅིག་པར་རྒྱལ་བ་བློ་བཟང་འཇམ་དཔལ་རྒྱ་མཚོའི་སྐུ་མདུན་ནས་བསྙེན་རྫོགས་ཀྱི་སྡོམ་པ་མནོས། དགུང་ལོ་ཉེར་གཉིས་པར་དགེ་བཤེས་ལྷ་རམས་པའི་མཚན་བཏགས་བླངས། དབུས་སུ་ལོ་བརྒྱད་ཙམ་བཞུགས་པའི་རིང་ལ་མདོ་སྔགས་རིག་གནས་ཀྱི་གཞུང་ཀུན་ལ་མཁྱེན་པ་ཐོགས་མེད་དུ་གྱུར་ཅིང་། དབུས་གཙང་གི་མཁས་མང་དཀྱིལ་ན་རྒྱལ་མཚན་གྱི་ཏོག་ལྟར་ཀུན་གྱིས་གཙུག་ཏུ་བཀུར་བའི་གནས་སུ་གྱུར། དགུང་ལོ་ཉེར་ལྔ་བར་ཡུལ་མདོ་སྨད་བླ་བྲང་བཀྲ་ཤིས་འཁྱིལ་དུ་ཕེབས། དགུང་ལོ་སུམ་ཅུ་བར་ཆོས་སྡེ་ཆེན་པོ་བླ་བྲང་བཀྲ་ཤིས་འཁྱིལ་གྱི་གདན་སར་འཁོད་པས་གདན་རབས་ཉེར་གཅིག་པ་ཡིན། དེ་ནས་བཟུང་ཡུལ་[255]མདོ་སྨད་ལྷོ་བྱང་གི་ཆོས་གྲྭ་ཆེན་པོ་རྣམས་སུ་འཆད་རྩོད་རྩོམ་གསུམ་གྱི་བྱ་བའི་ཡོ་ལང་ཁོ་ནས་དུས་འདའ་བར་མཛད་ཅིང་། དབལ་མང་པཎྜི་ཏ་དཀོན་མཆོག་རྒྱལ་མཚན་སོགས་སློབ་མ་མཁས་ཆེན་མང་དུ་བྱུང་ངོ་། ཁོང་གི་གསུང་རྩོམ་ནི་ཕར་ཕྱིན་སྡོམ་དང་། མཛོད་སྡོམ། འདུལ་བ་སྡོམ། སྒྲ་དང་སྙན་ངག སྨན་དང་རྩིས། ལྷ་རིས་ཐིག་ཚད་སོགས་སྒྱུ་རྩལ་སྐོར་གྱི་བསྟན་བཅོས་རྣམས་གཅིག་ཏུ་བསྡུས་ཏེ་པོ་ཏི་བཅུ་གཉིས་བྱས་ནས་ཤིང་པར་དུ་བརྐོས་ཡོད།

Further Details