- grub thob me long rdo rje/
- ID:
- T29443
- གྲུབ་ཐོབ་མེ་ལོང་རྡོ་རྗེ (Tibetan, Tibetan script, Original)
- > grub thob me long rdo rje/ (Tibetan, Latin script, Transliteration-THL Extended Wylie Transliteration)
- > druptop melong dorjé (Tibetan, Latin script, Transcription-THL Simplified Tibetan Transcription)
Other Dictionaries
1. Rangjung Yeshe Dictionary
disciple of འཁྲུལ་ཞིག་སངས་རྒྱས་དབོན་ in the སྙིང་ཐིག་ lineage
- language:
- English
2. gangs can mkhas grub rim byon ming mdzod
ཁོང་ནི་རབ་བྱུང་བཞི་པའི་ཆུ་མོ་ཡོས་ལོ་སྟེ་སྤྱི་ལོ 1243 ལོར་སྒྲགས་ཕུར་ཡབ་རྣལ་འབྱོར་པ་བསམ་ཡས་དང་། ཡུམ་འབར་མ་གཉིས་ཀྱི་སྲས་སུ་སྐུ་འཁྲུངས། རབ་བྱུང་ལྔ་པའི་ཆུ་མོ་ཡོས་ལོ་སྟེ་སྤྱི་ལོ 1303 ལོར་སྐུ་གཤེགས། ཁོང་དགུང་ལོ་དགུ་པར་གྲུབ་ཐོབ་ཟ་ལུང་པ་དང་མཁན་ཆེན་སེ་ལུང་པ་གཉིས་ལས་རབ་ཏུ་བྱུང་། དགུང་ལོ་བཅུ་དྲུག་པར་སྒྲགས་ཕུའི་ཞོགས་སྟེངས་སུ་ཚོགས་བརྒྱ་ཚར་མཛད་པས་གནས་ལུགས་ཀྱི་དོན་རྟོགས། དེ་ནས་ཡུལ་ཕྱོགས་མང་པོར་བྱོན་ཏེ་བླ་མ་མང་དུ་བསྟེན་ཞིང་གདམས་ངག་མང་དུ་ཞུས། ཤ་བུག་སྟག་སྒོ་དང་མཁར་ཆུ་ལ་སོགས་སུ་དཀའ་ཐུབ་དང་དཀའ་སྤྱད་མང་པོ་མཛད། དགུང་ལོ་བཅོ་བརྒྱད་པར་སེང་གེ་རྒྱབ་ཏུ་སངས་རྒྱས་དབོན་པོ་ལས་སྙིང་ཐིག་རྣམས་ཞུས། སྒྲུབ་པ་ཉམས་ལེན་མཛད་པས་ཉིན་ཞག་དྲུག་ཅུ་མཚམས་ནས་རྡོ་རྗེ་སེམས་དཔའ་ཉིན་མཚན་མེད་པར་ཞལ་མཐོང་། དགུང་ལོ་ཉི་[283]ཤུ་རྩ་གསུམ་པར་སངས་རྒྱས་རས་པ་ལས་རྡོ་རྗེ་ཕག་མོ་ལ་སོགས་པའི་གཏེར་ཆོས་མང་དུ་ཞུས་པས་རྡོ་རྗེ་ཕག་མོ་དང་མཇལ། འོད་ཕུང་གི་དཀྱིལ་ནས་བདེ་མཆོག་ལྷན་སྐྱེས་དང་། རྟ་མགྲིན། སྒྲོལ་མ། ཐུགས་རྗེ་ཆེན་པོ། རྡོར་སེམས་རྣམས་མཐོང་། དགུང་ལོ་ཉི་ཤུ་རྩ་དྲུག་པར་འཁྲུལ་ཞིག་དར་མ་དང་། སྤྲུལ་སྐུ་རྒྱ་མཚོ་སོགས་ལ་བསྟེན་ནས་ཆོས་མང་དུ་གསན། དེ་ནས་མཁན་པ་ལྗོངས་དང་། མཁན་པ་གླིང་། སེང་གེ་རྫོང་། ཀུན་བཟང་གླིང་། མཁར་ཆུ་རྣམས་སུ་ཕེབས་ཏེ་སྒྲུབ་པ་མཛད་ཅིང་འགྲོ་དོན་བསྐྱངས། རིག་འཛིན་ཀུ་མཱ་ར་རཱ་ཛ་ལ་སོགས་པའི་སློབ་མ་རྣམས་ལ་སྙིང་ཐིག་གི་ཁྲིད་བཏབ་ནས་བསྟན་འཛིན་གྱི་སྐྱེས་བུ་མང་དུ་གསོ་སྐྱོང་མཛད། དེ་ནས་བསྟན་འགྲོའི་དོན་ཆེན་ལེགས་པར་གྲུབ་སྟེ་དགུང་ལོ་དྲུག་ཅུ་རྩ་གཅིག་པར་དགོངས་པ་ཆོས་དབྱིངས་སུ་གཤེགས། ཁོང་ནི་གསང་སྔགས་རྙིང་མའི་སློབ་དཔོན་ཆེན་པོ་ཞིག་ཡིན་ནོ།།
- language:
- Tibetan