- rgya brtson 'grus seng ge/
- ID:
- T38282
- རྒྱ་བརྩོན་འགྲུས་སེང་གེ (Tibetan, Tibetan script, Original)
- > rgya brtson 'grus seng ge/ (Tibetan, Latin script, Transliteration-THL Extended Wylie Transliteration)
- > gyatsön drüsengé (Tibetan, Latin script, Transcription-THL Simplified Tibetan Transcription)
Other Dictionaries
3. bod rgya tshig mdzod chen mo
[535] དུས་རབས་བཅུ་གཅིག་པའི་ཐོག་མར་ཇོ་བོ་རྗེ་དཔལ་ལྡན་ཨ་ཏི་ཤ་བོད་དུ་གདན་འདྲེན་ཞུ་མཁན་ལོ་ཙའ་བ་ཞིག་...
- language:
- English
4. Thupten Phuntsok Dictionary
ཁོང་གི་མེས་པོའི་རྒྱུད་ནི་སྲོང་བཙན་སྒམ་པོའི་སྐུ་དུས་སུ་ཇོ་བོ་སྤྱན་འདྲེན་མཁན་གྱད་མི་ལྷ་དགའ་དང་། ཁྲི་སྲོང་སྐབས་ཀྱི་རྒྱ་སང་སང་ཁི་དང་སྦ་གསལ་སྣང་བཅས་ཡིན་པར་གྲགས། རྒྱ་བརྩོན་འགྲུས་སེང་གེ་རྒྱ་གར་ལ་ཆོས་སློབ་པར་བཞུགས་སྐབས་ནག་ཚོ་ལོ་ཙཱ་བ་ཚུལ་ཁྲིམས་རྒྱལ་བ་རྒྱ་གར་དུ་སློབ་གཉེར་ལ་ཕེབས་པས་རྒྱ་བརྩོན་འགྲུས་སེང་གེས་མགོ་གཉེར་མཛད་དེ་ཇོ་བོ་ལ་སོགས་པའི་པཎྜི་ཏའི་ས་ནས་ཆོས་མང་དུ་གསན། ནག་ཚོ་སླར་གུང་ཐང་དུ་ཕེབས་པ་ན་ལྷ་བཙུན་པས་ཇོ་བོ་སྤྱན་འདྲེན་པར་མངགས། རྒྱ་བརྩོན་འགྲུས་སེང་གེས་ནག་ཚོ་ཇོ་བོའི་སྤྱན་སྔར་ཁྲིད་དེ་ཇོ་བོར་བོད་ཀྱི་རྒྱལ་པོས་ཇོ་བོ་སྤྱན་འདྲེན་པ་ལ་སྐུ་ལས་ཇི་ཙམ་སྐྱོན་པ་དང་ཇོ་བོ་བོད་དུ་ཕེབས་ཚེ་སངས་རྒྱས་ཀྱི་བསྟན་པ་ལ་ཕན་ཐོགས་ཆེན་པོ་ཡོད་ཚུལ་སོགས་ཐེངས་མང་ཞུས་པས་ཇོ་བོ་བོད་དུ་ཕེབས་རྒྱུའི་ཞལ་བཞེས། རབ་བྱུང་དང་པོའི་ས་ཡོས་སམ་ལྕགས་འབྲུག (༡༠༣༩འམ༡༠༤༠) ལོར་ཇོ་བོ་གདན་དྲངས་ནས་བལ་ཡུལ་དུ་ཕེབས་སྐབས་རྒྱ་བརྩོན་འགྲུས་སེང་གེ་སྐུ་གཤེགས།
- language:
- Tibetan
5. smon lam tshig mdzod chen mo
དུས་རབས་བཅུ་གཅིག་པའི་ཐོག་མར་ཇོ་བོ་རྗེ་དཔལ་ལྡན་ཨ་ཏི་ཤ་བོད་དུ་གདན་འདྲེན་ཞུ་མཁན་ལོ་ཙའ་བ་ཞིག
- language:
- Tibetan
6. gangs can mkhas grub rim byon ming mdzod
ཁོང་གི་འཁྲུངས་ལོ་མི་གསལ་ཡང་འཁྲུངས་ཡུལ་ནི་མངའ་རིས་པུ་རངས་ཡིན། རབ་བྱུང་དང་པོའི་ལྕགས་ཕོ་འབྲུག་ལོ་སྟེ་སྤྱི་ལོ 1040 ལོར་བལ་ཡུལ་དུ་སྐུ་གཤེགས། ཁོང་གིས་བོད་ཀྱི་མཁས་ཆེན་རིན་ཆེན་བཟང་པོ་སོགས་ལ་བསྟེན་ནས་མདོ་སྔགས་རིག་གནས་དང་བཅས་པར་སྦྱངས་པ་དཔྱིས་ཕྱིན་པ་མཛད། ཁྱད་པར་དུ་ལེགས་སྦྱར་གྱི་སྐད་ལ་ནང་བྱན་ཚུད་པ་ཞིག་ཡིན། རབ་བྱུང་དང་པོའི་ལྕགས་མོ་ལུག་ལོ་སྟེ་སྤྱི་ལོ 1031 ལོའི་ཡན་མན་དུ་ལྷ་བླ་མ་ཡེ་ཤེས་འོད་ཀྱིས་ཁོང་ཉིད་རྒྱ་གར་དུ་ཇོ་བོ་རྗེ་དཔལ་ལྡན་ཨ་ཏི་ཤ་གདན་འདྲེན་པར་མངགས་ཀྱང་རེ་ཞིག་གདན་དྲངས་རྒྱུ་མ་བྱུང་། དེ་ནས་ཁོང་གིས་ཇོ་[368]བོ་རྗེ་ལ་བསྟེན་ཏེ་བྲི་ཀ་མ་ལ་ཤཱི་ལའི་གཙུག་ལག་ཁང་དུ་བཞུགས་ཤིང་བཀའ་དང་བསྟན་འགྱུར་མང་པོ་བོད་ཡིག་ཏུ་བསྒྱུར། ཁོང་གི《བསྟན་འགྱུར》གྱི་འགྱུར་བྱང་ནང་དུ་ “དགེ་སློང་” དང་ “དགེ་བསྙེན་” ཞེས་གཉིས་ཀ་འཁོད་འདུག་པས་ཡང་སྙིང་གི་རྟེན་ “དགེ་སློང་” ངམ “དགེ་བསྙེན་” གང་ཡིན་ད་དུང་དཔྱད་དགོས། ཁོང་གི་བསྒྱུར་རྩོམ་ནི་《བཀའ་འགྱུར》ལས《ལག་ན་རྡོ་རྗེ་གོས་སྔོན་པོ་ཅན་གྱི་ཆོ་ག་དང་བཅས་པའི་གཟུངས》དང་། 《བསྟན་འགྱུར》 ལས 《དཔལ་འཁོར་ལོ་སྡོམ་པའི་བསྟོད་པ་དོན་ཐམས་ཅད་གྲུབ་པ་རྣམ་དག་གཙུག་གི་ནོར་བུ》། 《རིག་པ་འཛིན་པ་རྩེན་མའི་རྡོ་རྗེ་རྣལ་འབྱོར་མའི་རྗེས་སུ་གནང་བའི་ཆོ་ག》། 《གཞན་དོན་སློབ་མ་རྗེས་སུ་བཟུང་བའི་ཆོ་ག》། 《དཔལ་རྡོ་རྗེ་རྣལ་འབྱོར་མའི་སྒྲུབ་ཐབས》། 《རིན་པོ་ཆེ་རྒྱན་གྱི་སྒྲུབ་པ》། 《རྡོ་རྗེ་ཕག་མོའི་སྒྲུབ་ཐབས》། 《དཔལ་རྡོ་རྗེ་རྣལ་འབྱོར་མའི་སྒྲུབ་ཐབས》། 《ལྷ་མོ་སྒྲོལ་མ་ཉི་ཤུ་རྩ་གཅིག་ལ་བསྟོད་པ་རྣམ་དག་གཙུག་གི་ནོར་བུ》། 《རྣལ་འབྱོར་པ་ལ་གདམས་པ》། 《མཐུ་ཆེན་ལ་གདམས་པ》། 《གླུ་མཁན་ལ་གདམས་པ》། 《མི་སྟེགས་པ་ལ་གདམས་པ》། 《ཤན་པ་ལ་གདམས་པ》། 《རིག་བྱེད་མཁན་ལ་གདམས་པ》། 《སྒྱུ་མ་མཁན་ལ་གདམས་པ》། 《སྨད་འཚོང་མ་ལ་གདམས་པ》། 《འཁོར་བ་ལས་ཡིད་འབྱུང་བར་བྱེད་པ》། 《རྡོ་རྗེ་ཐེག་པའི་རྩ་ལྟུང་རྒྱ་ཆེར་འགྲེལ་བ་ལམ་གྱི་སྒྲོན་མེ》། 《ཕྱག་ན་རྡོ་རྗེ་རྣལ་འབྱོར་གྱི་རྒྱུད་དུ་བཀྲལ་བ》། 《བདེན་པ་གཉིས་ལ་འཇུག་པ》བཅས་མང་དུ་བཞུགས་སོ། ། [369]
- language:
- Tibetan