- rgyal ba dge 'dun rgya mtsho/
- ID:
- T39478
- རྒྱལ་བ་དགེ་འདུན་རྒྱ་མཚོ (Tibetan, Tibetan script, Original)
- > rgyal ba dge 'dun rgya mtsho/ (Tibetan, Latin script, Transliteration-THL Extended Wylie Transliteration)
- > gyelwa gendün gyamtso (Tibetan, Latin script, Transcription-THL Simplified Tibetan Transcription)
Other Dictionaries
2. Thupten Phuntsok Dictionary
(ཏཱ་ལའི་བླ་མ་སྐུ་ཕྲེང་གཉིས་པ) རྗེ་དགེ་འདུན་རྒྱ་མཚོ་མཆོག་ནི་གཙང་རྟ་ནག་བསྲེགས་ཏེ་བཞད་མཐོང་སྨོན་རྫོང་ཁོངས་སུ་གསང་སྔགས་གསར་རྙིང་གི་བསྟན་པའི་བདག་པོ་རྡོ་རྗེ་འཆང་ཀུན་དགའ་རྒྱལ་མཚན་དང་། མ་གཅིག་ཀུན་དགའ་དཔལ་མོའི་སྲས་སུ་རབ་བྱུང་བརྒྱད་པའི་མེ་སྤྲེལ (༡༤༧༦) ལོར་སྐུ་འཁྲུངས། མཚན་སངས་རྒྱས་འཕེལ་ཞེས་གསོལ། དགུང་ལོ་རེ་བདུན་ལ་ཕེབས་པ་རབ་བྱུང་དགུ་པའི་ཆུ་སྟག (༡༥༤༢) ལོའི་བོད་ཟླ་གསུམ་པའི་ཚེས་བརྒྱད་ཉིན་འབྲས་སྤུངས་དགའ་ལྡན་ཕོ་བྲང་དུ་ཞི་བར་གཤེགས། སྐུ་གདུང་དངུལ་སྡོང་ཞིག་འབྲས་སྤུངས་ཚོགས་ཆེན་དུ་བཞུགས།
- language:
- Tibetan
3. gangs can mkhas grub rim byon ming mdzod
ཁོང་ནི་རབ་བྱུང་བརྒྱད་པའི་མེ་ཕོ་སྤྲེལ་ལོ་སྟེ་སྤྱི་ལོ 1476 ལོར་གཙང་རྟ་ནག་ཡུལ་གྱི་སོ་ནམ་པའི་ཁྱིམ་དུ་ཡབ་ཀུན་དགའ་རྒྱ་མཚོ་དང་། ཡུམ་ཀུན་དགའ་དཔལ་མོ་གཉིས་ཀྱི་སྲས་སུ་སྐུ་འཁྲུངས། རབ་བྱུང་དགུ་བའི་ཆུ་ཕོ་སྟག་ལོ་སྟེ་སྤྱི་ལོ 1542 ལོར་འབྲས་སྤུངས་སུ་སྐུ་མྱ་ངན་ལས་འདས། སྐུ་ན་ཕྲ་བའི་དུས་ནས་བཟུང་ཡབ་ཀྱི་རྗེས་སུ་ཀརྨ་བའི་གསང་སྔགས་ལ་གསན་སྦྱངས་མཛད། དགུང་ལོ་བཅུ་གཅིག་པར་རྒྱལ་བ་སྐུ་ཐོག་སྔོན་མ་རྗེ་དགེ་འདུན་གྲུབ་པའི་ཡང་སྤྲུལ་དུ་ངོས་འཛིན་བྱས་ནས་གཙང་བཀྲ་ཤིས་ལྷུན་པོའི་གདན་སར་བཀོད། དགུང་ལོ་བཅུ་གཉིས་པར་གྲྭ་སར་ཞུགས་ཏེ་དགེ་བཤེས་ལུང་རིགས་རྒྱ་[384]མཚོ་ལས་དགེ་ཚུལ་གྱི་སྡོམ་པ་མནོས། དེ་ནས་ཅུང་མ་འགོར་བར་འབྲས་སྤུངས་སུ་ཕེབས་ཏེ་གནས་རྙིང་རིན་པོ་ཆེ་ལས་བསྙེན་པར་རྫོགས་ཤིང་དབུ་ཚད་ཕར་གསུམ་ལ་མཁས་པར་སྦྱངས། སྐབས་དེར་བོད་ཀྱི་ཆབ་སྲིད་གནས་ཚུལ་ལ་འགྱུར་སྡོག་ཆེན་པོ་བྱུང་བས། བོད་ཡུལ་དུ་ཆོས་པས་རྒྱལ་པོའི་སྲིད་དབང་ལ་བརྟེན་ནས་གྲུབ་མཐའི་ཕྱོགས་རིས་རྩོད་པ་དང་། གྲོང་བས་གྲུབ་མཐའི་ཤུགས་རྐྱེན་བཟུང་ནས་ལོ་ངོ་བརྒྱ་ཕྲག་རིང་དུ་བསྟུད་མར་ནང་འཁྲུགས་རྒྱུན་མི་ཆད་པར་བྱུང་ངོ་། དེ་ནས་རི་བོ་དགེ་ལྡན་པའི་བསྟན་པར་འཕེལ་འགྲིབ་བྱུང་བའི་སྐབས་སུ་རྒྱལ་བ་དགེ་འདུན་རྒྱ་མཚོ་ལྷོ་ཁ་དང་། དྭགས་པོ། སྣར་ཐང་། རྭ་སྒྲེང་སོགས་སུ་ཞབས་ཀྱིས་བཅགས་ཏེ་ཞྭ་སེར་བསྟན་པའི་མེ་རོ་གསོས། ལྷ་ས་ནས་ཤར་ལྷོའི་ཕྱོགས་ཀྱི་ལྷ་མོའི་བླ་མཚོ་འགྲམ་དུ་གདན་ས་ཆོས་འཁོར་རྒྱལ་བཏབ། དེ་ནས་བཟུང་ཁོང་ཉིད་དགུན་དཔྱིད་ལ་འབྲས་སྤུངས་དང་། དབྱར་སྟོན་ལ་ཆོས་འཁོར་རྒྱལ་དུ་བཞུགས་གནང་མཛད། དེའི་སྐབས་སུ་ཁོང་ཉིད་གདན་ས་བཀྲ་ཤིས་ལྷུན་པོ་དང་། འབྲས་སྤུངས་དགོན་གྱི་ཁྲི་ལ་ཞབས་སོར་བཀོད་ཅིང་སེ་ར་ཐེག་ཆེན་གླིང་གི་མཁན་པོའང་མཛད། ཁོང་འབྲས་སྤུངས་དགོན་དུ་བཞུགས་གནང་མཛད་སྐབས་དགའ་ལྡན་ཕོ་བྲང་ཕྱག་འདེབས་མཛད་ནས་སྡེ་སྲིད་བསྐོ་བཞག་བྱེད་པའི་ལམ་ལུགས་བཙུགས། ཁོང་གི་གསུང་རྩོམ་ནི《དོན་རྒྱན་སོ་ལྔའི་དཔེར་བརྗོད》དང་། 《གྲུབ་མཐའ་རྒྱ་མཚོར་འཇུག་པའི་གྲུ་རྫིངས》། 《སྟོང་ཉིད་བདུན་ཅུའི་རྣམ་བཤད》། 《རྟེན་འབྲེལ་བསྟོད་པའི་རྣམ་བཤད》། 《དབུ་མ་[385]འཇུག་པའི་རྣམ་བཤད》། དཀར་ཆག་དང་རྣམ་ཐར་བཅས་པོ་ཏི་གསུམ་ཙམ་བཞུགས་སོ། །
- language:
- Tibetan