- rgyud stod grwa tshang /
- ID:
- T40718
- རྒྱུད་སྟོད་གྲྭ་ཚང (Tibetan, Tibetan script, Original)
- > rgyud stod grwa tshang / (Tibetan, Latin script, Transliteration-THL Extended Wylie Transliteration)
- > gyütö dratsang (Tibetan, Latin script, Transcription-THL Simplified Tibetan Transcription)
Other Dictionaries
2. bod rgya tshig mdzod chen mo
[574] ལྷ་ས་ཁུལ་དུ་ཡོད་པའི་དགེ་ལུགས་པའི་རྒྱུད་པ་གྲྭ་ཚང་སྟོད་སྨད་གཉིས་སུ་ཕྱེ་བའི་རྒྱུད་སྟོད་པ་འདིས་བར་སྐབས་རྒྱས་བཏབ་ར་མོ་ཆེ་ཚོགས་ཡུལ་དུ་བྱས། ...
- language:
- English
3. dung dkar bod rig pa'i tshig mdzod chen mo
རྗེ་ཀུན་དགའ་དོན་གྲུབ་ཀྱིས་རབ་བྱུང་བརྒྱད་པའི་ཤིང་རྟ་(༡༤༧༤)ལོར་རྒྱུད་ཀྱི་བཤད་པ་བཙུགས་པ་ནས་དཔལ་ལྡན་སྟོད་རྒྱུད་གྲྭ་ཚང་དུ་གྲགས་པ་འདི་ཉིད་ཆགས་པ་ཡིན་ལ་དེ་ནས་འདུས་ཚོགས་ཀྱང་ཇེ་འཕེལ་དུ་སོང་། དུས་དེར་བྱམས་པ་གླིང་དང་ཆུམས་མདའ་སོགས་སུ་བཞུགས་ཤིང་། རྗེ་ཀུན་དགའ་དོན་གྲུབ་ཀྱི་སྐུ་ཚེའི་སྨད་ཙམ་ལ་ལྷ་སའི་སྐྱིད་ཆུ་རྒྱས་ནས་ཆུ་ལོག་གི་ཉེན་ཁ་ཆེན་པོ་བྱུན་ནས་སྡེ་པ་སྐྱིད་ཤོད་པས་རྗེ་ཀུན་དགའ་དོན་གྲུབ་ཆུ་བཟློག་ཏུ་ཕེབས་དགོས་ཚུལ་ཞུས་པ་ལྟར་ཆུ་བཟློག་མཛད་པར་ཕན་ནུས་མངོན་གསལ་ཐོན་ཏེ་ལྷ་སའི་གྲོང་མི་ཁྲི་སྟོང་མང་པོ་སྲོག་གི་འཇིགས་པ་ལས་སྐྱབས་པའི་ལེགས་འབུལ་དུ་རྒྱུད་སྟོད་ལྷ་སར་ཕེབས་སྐབས་ཀྱི་བཞུགས་གནས་སུ་ར་མོ་ཆེའི་འདུ་ཁང་(ད་ལྟའི་གནས་ཡུལ་གྱི་རྟེན་དང་བརྟེན་པའི་སྐོར་གཤམ་དུ་ར་མོ་ཆེའི་གཙུག་ལག་ཁང་ཞེས་པར་གཟིགས)དེ་ཕུལ་སྐད། འདི་གར་ཐོས་བསམ་མཛད་པ་པོ་ནི་དབུས་གཙང་མདོ་ཁམས་སོགས་ནས་ཕེབས་པའི་གྲྭ་རྒྱུན་ཐོས་བསམ་སློབ་གཉེར་དོན་དུ་གཉེར་བ་རྣམས་ཡིན། ཁོང་རྣམས་ཐོག་མར་གྲྭ་ས་ཆེན་པོ་གསུམ་(སེ་འབྲས་དགེ་གསུམ)གང་རུང་དུ་སྒྲིག་བཞུགས་གནང་ནས་གཞུང་ཆེན་བཀའ་པོད་ལྔར་སྦྱངས་པ་མཐར་ཕྱིན་གནང་སྟེ་ཐུན་མོང་ཕར་ཕྱིན་ཐེག་པ་ལ་ལེགས་པར་བསླབས། དེ་ནས་རྒྱུད་གྲྭར་འབྲས་བུ་རྡོ་རྗེ་ཐེག་པའི་མན་ངག་མཐར་ཐུག་རྣལ་འབྱོར་བླ་ན་མེད་པའི་རྩ་རྒྱུད་ཀྱི་དོན་རང་རང་བཤད་རྒྱུད་ཀྱིས་གསལ་བར་གཏན་ལ་ཕབ་པའི་པཎ་གྲུབ་ཀྱི་གཞུང་རྣམ་དང་རྣམས་ལ་འཆད་ཉན་གྱིས། གསང་སྔགས་སྒྲས་ཟིན་ཙམ་མ་ཡིན་པར་དགོངས་པ་ཅན་གྱི་གཞུང་ཚིག་གིས་ངེས་དོན་གྱི་སྙིང་པོ་སྦས་ཏེ་བསྟན་པ་རྣམས་ལ་སྒྲོ་འདོགས་ལེགས་པར་བཅད་དེ་རྒྱུད་སྡེ་རྒྱ་མཚོའི་ཚིག་དོན་ལ་མི་འཇིགས་པའི་གདེངས་ཐོབ་པའི་སྒོ་ནས་རྒྱུད་སྡེའི་སྙིང་པོ་ཉམས་བཞེས་གནང་གི་ཡོད། རྒྱུད་སྟོད་གྲྭ་ཚང་གི་སྒྲིག་གཞིའི་མི་སྣའི་ཁོངས་སུ་མཁན་པོ་དང་། བླ་མ་དབུ་མཛད། བྱང་འདྲེན་ཆེ་མོ། རྒྱུད་གཞུང་བྱང་འདྲེན། དགེ་སྐོས། བླ་མ་དཀོན་གཉེར། བླ་མ་ཞལ་བལྟ་བ། ལག་བདེ་དབུ་མཛད། ཚོགས་འདུ་བ་སྟེ་ལས་སྣེ་ཐོན་ཟིན། ཕྱག་མཛོད་སོགས་ཡོད། དེ་དག་གི་གནང་གི་ཡོད། དེ་དག་གི་གནང་སྒོ་ནི་མཁན་པོས་ཆོས་ལུགས་ཀྱི་གཙོ་འགན་བཞེས་རྒྱུ་དང་། བླ་མ་དབུ་མཛད་ཀྱིས་སྒྲིག་ལམ་གནོན་འདེམས་དང་ཚོགས་འདུའི་འགོ་མཛད་རྒྱུ། བྱང་འདྲེན་གྱིས་འདོན་ཆོས་ཁག་གི་དབུ་བསྐུལ་དང་རྟ་འདུར་དབྱངས་སོགས་འཐེན་གཏོང་གནང་རྒྱུ། དགེ་སྐོས་ཀྱིས་རྒྱུན་གཏན་གྱི་སྒྲིག་ལམ་གནོན་འདོམས་ཐོག་རང་ཐག་མ་ཆོད་པ་རྣམས་བླ་མ་དབུ་མཛད་ལ་དགོངས་སྐོར་ཞུ་རྒྱུ་དང་། ཚོགས་སུ་སྐྱབས་ཞུ་དང་སྙན་སེང་། གྲོང་ཆོག་གཏོང་རྒྱུ་སོགས་གནང་དགོས། རྒྱུད་གཞུང་བྱང་འདྲེན་གྱིས་བྱང་འདྲེན་ཆེ་མོ་ཚོགས་སུ་ཕེབས་མེད་ན་འདོན་པ་སྐུལ་རྒྱུ་དང་། བྱང་འདྲེན་ཆེ་མོའི་ཕྱག་རོགས་ཞུ་རྒྱུ། ཕྱག་མཛོད་ལྔ་པོས་གྲྭ་ཚང་གི་དཔལ་འབྱོར་འདུ་འགོད་ཀྱི་འགན་འཁུར་རྒྱུ། ཆབ་རིལ་དང་། ཆོས་ར་དཀོན་གཉེར་གྱིས་དགེ་སྐོས་ཀྱི་ཕྱག་གཡོག་ཞུ་རྒྱུ། ཞལ་བལྟ་བས་ལག་བདེ་(ཇ་ཐུག་ཞུ་མཁན་)ཉི་ཤུ་རྩ་ལྔའི་འགོ་བྱེད་རྒྱུ་སོགས་ཡིན། གྲྭ་ཚང་གི་འོག་ཏུ་ཨ་མདོ་དང་། མི་ཉགརོང་པོ། ཕུ་ཁུང་། གྲགས་པ་བཅས་ཁང་ཚན་ཡོད་པར་ཁང་ཚན་སོ་སོར་ཡང་ཁང་ཚན་དགེ་རྒན་རེ་དང་མི་ཚན་དགེ་རྒན་རེ་ཡོད། ལས་སྣེ་ཆེ་གྲས་བསྐོ་གཞག་དང་གྲྭ་ཚང་གི་ལས་དོན་གལ་ཆེའི་རིགས་འཚོགས་འདུ་བ་སྟེ་ལས་སྣེ་ཐོན་ཟིན་རྣམས་ཚོགས་འདུ་འཚོགས་ནས་གྲོས་བསྡུར་བྱས་རྗེས་བླ་མ་དབུ་མཛད་ཀྱིས་ཐག་གཅོད་ནང་དགོས་པ་ཡིན། གདན་གསུམ་པོ་གང་རུང་ཞིག་ལ་སྒྲིག་ཞུགས་ཟིན་ནས་གཞུང་ཆེན་བཀའ་པོད་ལྔ་བརྒལ་བརྟག་ལེགས་པར་ཟིན་པའི་དགེ་བཤེས་དང་། ཡང་ན་གདན་སར་བཞུགས་ནས་མཚན་ཉིད་ལ་སྦྱངས་པ་མ་གནང་ཡང་རྒྱུད་དོན་ལ་སྦྱངས་བརྩོན་གནང་འདོད་མཁན་ཞིག་ཡིན་ན་རྒྱུད་གྲྭར་ཞུགས་ཆོག་པ་ཡིན་ཞིང་ཁོང་ཚོར་བསྐྱེད་རིམ་པ་ཞེས་ཟེར་ཞིང་། མཁན་པོ་དང་། བླ་མ་དབུ་མཛད་ཛ། དགུན་ཆོས་དགེ་སྐོས་རྣམས་དགེ་བཤེས་ཀྱིས་གནང་དགོས་ལ། བྱང་འདྲེན་ཆེ་མོ་དང་། དགེ་སྐོས་གཞན་གཉིས་བསྐྱེད་རིམ་པས་གནང་དགོས། དགེ་སྐོས་བྱས་ཟིན་པའམ་ཡན་ན་དགེ་སྐོས་བླུས་པ་གཏོང་སྒོ་བཏང་ནས་དགེ་སྐོས་བྱེད་མི་དགོས་པ་རྣམས་ལ་ལས་སྣེ་ཐོན་ཟིན་ཞེས་དམིགས་བསལ་གནས་རེ་འགའ་མ་གཏོགས་རྒྱུན་གཏན་ཚོགས་ལ་ཕེབས་མི་དགོས།གཞིས་ཁག་གི་སྡེ་པ(གཞིས་ཀ་བླ་མ་ཟེར)རྣམས་ཕྱག་མཛོད་ཁང་ནས་བསྐོ་གཏོང་བྱེད་ཅིང་།ཕྱག་མཛོད་ནི་འཇིག་རྟེན་གྱི་འགྲོ་སྟངས་ཅུང་མཁས་པ་ཞིག་ལ་འོས་འཛུགས་བྱས་ཏེ་ཁང་ཚན་རེ་ནས་གྲྭ་པ་འགའ་ཞིག་རེ་བསྡུས་ཐོག་མགོན་པོར་ཟན་བརྟག་ཕུལ་རྗེས་མི་ལྔས་འགན་འཁུར་བྱེད་དགོས་པ་དང་།ཕྱག་མི་ལྔ་ནས་མི་གསུམ་ལྷ་སར་གཏན་བཞུགས་དང་མི་གཅིག་གཙང་སྲད་གཞིས་སྡོད། གཅིག་གིས་ཆོས་ཐོག་གཉེར་པ་བྱེད་དགོས། འགན་འཁུར་དུས་ཚོད་ལོ་ལྔ་རེ་ཡིན་པ་དེའི་རིང་ཕྱག་མཛོད་འཁུར་ནས་རྩིས་སྤྲོད་མ་ཟིན་བར་གྲྭ་ཚང་དང་འདོད་པ་གཅིག་ལྟ་བུ་ཡིན། ཕྱག་མཛོད་ཟུར་པར་ལས་སྣེ་ཐོན་ཟིན་གྱི་དམིགས་བསལ་མེད། འོན་ཀྱང་སྐབས་རེ་ལས་སྣེ་ཐོན་ཟིན་གྲས་ནས་ཕྱག་མཛོད་བྱེད་མཁན་ཡང་ཡོད།ཕྱག་མཛོད་ཁང་ནི་ཏྰ་ལའི་བླ་མ་སྐུ་ཕྲེང་བཅུ་གསུམ་པའི་སྐུ་དུས་སུ་གསར་འཛུགས་གནང་ཞིང་།དེའི་གོང་རྒྱུད་པའི་དཔལ་འབྱོར་དོ་དམ་དེ་བླ་བྲང་ཞེས་མཁན་པོ་ནས་གནང་སྲོལ་ཡོད་པར།བར་སྐབས་ཤིག་གཏོང་སྒོ་གཏོང་ཕྱོགས་དང་།སྤྱི་འཇོག་སོགས་ཀྱི་ཐད་འཐུས་སྒོ་ཚང་པོ་ཞིག་མ་བྱུང་སྟབས་མཁན་པོ་དང་བླ་མ་དབུ་མཛད་བར་ཐུགས་མ་མཐུག་ནས་གཞུང་བཏུགས་བྱས་པར་ཏཱ་ལའི་བླ་མ་སྐུ་ཕྲེང་བཅུ་གསུམ་པས་བཀའ་བཅད་གནད་དོན་དུ་མཁན་པོ་དང་བླ་མ་དབུ་མཛད་ལ་སྐལ་འཕར་འོས་འཚམས་ལས་རྒྱུད་གྲྭའི་དཔལ་འབྱོར་འདུ་འགོད་རྣམས་ཕྱག་མཛོད་ཁང་གསར་བཙུགས་ཀྱིས་ཁང་ཚན་ལྔ་པོ་སོ་སོ་ནས་མི་རེ་བསྐོ་གཏོང་བྱས་པ་དེ་ཚོས་ཕྱག་མཛོད་ཀྱི་འགན་འཁུར་ལོ་ལྔ་རེ་བྱེད་དགོས་པའི་རིང་ཕྱག་མཛོད་ཁང་དུ་གཏན་སྡོད་བྱ་དགོས་པ་ལས་རང་ཤག་ཏུ་བསྡད་མི་ཆོག་པ་དང་། བཟའ་བཏུང་ཚང་མ་ཕྱག་མཛོད་ཁང་རང་ནས་བྱེད་དགོས། ཕྱག་མཛོད་ཀྱི་ལས་འགན་གཙོ་བོ་ནི་ཆོས་གཞིས་དང་ཆོས་ཐོག་ཁག་གི་གཏོང་རྩ་སྐྱེད་འབབ་གཏོང་རྒྱུ། རྒྱུན་ཚོགས་དང་ཆོས་ཐོག་སོ་སོའི་གཏོང་སྒོ་གཏོང་རྒྱུ། ཆོས་ཕོགས་རྒྱག་རྒྱུ་སོགས་དཔལ་འབྱོར་འདུ་འགོད་ཀྱི་ལས་ཀ་རྣམས་བྱེད་དགོས་ཀྱི་ཡོད། ཕྱག་མཛོད་གསར་པའི་འོས་མི་རྣམས་མགོན་པོའི་མདུན་ཟན་བརྟག་ཞུས་ནས་གང་དོན་པ་དེར་བསྐོ་བཞག་བྱས་རྗེས་གསར་པ་དེས་ལས་འཁུར་བླངས་པ་དང་རྙིང་པ་རྣམས་བདེ་གསལ་ཞེས་པའི་ཁང་པ་དེར་སྤོ་སྡོད་ཀྱིས་རྩིས་སྤྲོད་མ་ཟིན་པར་ཕྱག་མཛོད་ཁང་དང་སྐྱིད་སྡུག་གཅིག་བྱེད་དགོས་ཤིང་། ཕྱག་མཛོད་རྩིས་སྤྲོད་ཟིན་རྗེས་རང་ཤག་ཏུ་བསྡད་ཆོག་པ་ཡིན་འདུགརྒྱུད་གྲྭར་ཞུགས་དུས་རྒྱུད་ཆས་དགེ་རྒན་དང་། སྙན་སེང་དགེ་རྒན། ཁྲིད་མཁན་དགེ་རྒན། དཔེ་ཆའི་དགེ་རྒན་བཅས་ཡོད་དགོས་ཤིང་། རྒྱུད་ཆས་དགེ་རྒན་ནས་ཞྭ་གོས་ལྷམ་སོགས་རྒྱུད་ཆས་རྣམས་གྲ་སྒྲིག་དགོས་པ་སྟེ། རྒྱུད་གྲྭར་ཞུགས་པ་རྣམས་ལ་རྒྱུད་ཆས་ཞེས་གཟན་གཤམ་སྟོད་འགག་སོགས་གྲྭ་པ་སྤྱི་མཚུངས་ཐོག་ད་དུང་ཆབ་བླུག་ཟེར་བྱེད་ཤིང་གི་རལ་གྲི་དང་། རྒྱུད་གྲི། ཆབ་བླྭག་གི་འདོགས་ལུང་ལ་ལྕགས་ཀྱི་ཐེལ་ཙེ་ཆུང་ངུ་ཞིགརྒྱབ་འཇོག་དང་མདུན་འཇོག་ཅེས་རྩམ་སྣོད་ཚོགས་ཁུག་གཉིས། གདིང་བ། འབོག་ཐགརྒྱུད་ཕོར། ཞྭ་མོ་རྩེ་ཞ། ཟླ་གམ། དགེ་སློང་ཚོར་ཆོས་གོས་སོགས་དགོས་པ་ཡིན་ལ། ལོ་རེ་རྒྱུད་ཆས་རྒྱུག་སྤྲོད་ཅེས་གྲྭ་བགྲེས་གཞོན་དབྱེར་མེད་ཀྱི་རྒྱུད་ཆས་ལ་མཁན་པོ་དང་། བླ་མ་དབུ་མཛད། དགེ་སྐོས་བཅས་ནས་ཞིབ་བཤེར་ཐེངས་རེ་གནང་སྲོལ་ཡོད། གཞན་ཡང་སྙན་སེང་དགེ་རྒན་གྱིས་བྱ་སྤྱོད་ཚུལ་མཐུན་བྱ་རྒྱུའི་ཁག་ཐེག་བྱེད་དགོས་པ། ཁྲིད་དགེ་རྒན་གྱིས་སྒྲིག་ལམ་ཀུན་སྤྱོད་སློབ་སྟོན་བྱེད་དགོས་པ། དཔེ་ཆའི་དགེ་རྒན་གྱིས་འདོན་ཆོས་རྟ་འདུར་དབྱངས་སོགས་བསླབ་དགོས་པ་ཡིན། དགེ་རྒན་ནི་རྒྱུད་དུ་ཞུགས་ནས་ལོ་བཞི་ཡན་ཕྱིན་པ་ཞིག་གིས་བྱེད་དགོས་ལ་གསར་ཞུགས་མ་བྱས་གོང་སྙན་སེང་དགེ་རྒན་དེས་གཟའ་འཁོར་གསུམ་གྱི་ནང་མཁན་པོར་སྙན་སེང་ཐེངས་གསུམ་འབུལ་དགོས། རྒྱུད་དུ་ཞུགས་པའི་ཆ་རྐྱེན་འཛོམས་མེད་ཚེ་སྙན་སེང་གསུམ་པ་མ་ཕུལ་གོང་སྙན་སེང་འཐེན་ཆོགཚོགས་སུ་གདིང་བ་བཏིང་བའི་ཉིན་ནས་རྒྱུད་པའི་གྲས་སུ་ཚུད་པ་ཡིན། དེ་མིན་རྒྱུད་སྟོད་ཀྱི་སྒྲིག་ལམ་དང་ཆོས་ཐོག་གི་སྐོར་སོགས་ཞིབ་པ<<རྒྱུད་སྟོད་ཀྱི་སྒྲིག་ཡིག་གསེར་གྱི་ཐེམ་སྐམ་>>དང་། ཕུར་ལྕོག་ངག་དབང་བྱམས་པས་མཛད་པའི<<གྲྭ་ས་ཆེན་པོ་བཞི་དང་རྒྱུད་པ་སྟོད་སྨད་ཆགས་ཚུལ་>>སོགས་མ་གསལ།
- language:
- Tibetan
4. Thupten Phuntsok Dictionary
རྗེ་ཀུན་དགའ་དོན་གྲུབ་ཀྱིས་རབ་བྱུང་བརྒྱད་པའི་ཤིང་རྟ་(༡༤༧༤)ལོར་རྒྱུད་ཀྱི་བཤད་པ་བཙུགས་པ་ནས་དཔལ་ལྡན་སྟོད་རྒྱུད་གྲྭ་ཚང་དུ་གྲགས་པ་འདི་ཉིད་ཆགས་པ་ཡིན། ལྷ་ས་ཁུལ་དུ་ཡོད་པའི་དགེ་ལུགས་པའི་རྒྱུད་པ་གྲྭ་ཚང་སྟོད་སྨད་གཉིས་སུ་ཕྱེ་བའི་རྒྱུད་སྟོད་པ་འདིས་བར་སྐབས་རྒྱ་རྟག་ར་མོ་ཆེ་ཚོགས་ཡུལ་དུ་བྱས།
- language:
- Tibetan
5. smon lam tshig mdzod chen mo
ལྷ་ས་ཁུལ་དུ་ཡོད་པའི་དགེ་ལུགས་པའི་རྒྱུད་པ་གྲྭ་ཚང་སྟོད་སྨད་གཉིས་སུ་ཕྱེ་བའི་རྒྱུད་སྟོད་པ་འདིས་བར་སྐབས་རྒྱས་བཏབ་ར་མོ་ཆེ་ཚོགས་ཡུལ་དུ་བྱས།
- language:
- Tibetan