1. Rangjung Yeshe Dictionary

• ཡོངས་འཛིན་ 16th cent. Bhutanese gter ston}

  Further Details

  language:

  Tibetan

• dvags po sgom chen - his gsung 'bum exists

  Further Details

  language:

  English

2. gangs can mkhas grub rim byon ming mdzod

ཁོང་གི་འཁྲུངས་ལོ་མི་གསལ། འཁྲུངས་ཡུལ་ནི་མདོ་སྨད་རེབ་སྐོང་འཇའ་མོར་སྐུ་འཁྲུངས། རབ་བྱུང་བཅུ་གཉིས་པའི་ཤིང་མོ་གླང་ལོ་སྟེ་སྤྱི་ལོ 1745 ལོར་སྐུ་གཤེགས། ཁོང་གཞོན་ནུའི་དུས་ནས་སྐྱབས་མགོན་ངག་དབང་འཕྲིན་ལས་རྒྱ་མཚོ་ལས་ཚིགས་སྔ་ཕྱིའི་སྡོམ་པ་མནོས་ཏེ་ལེགས་པར་གསུངས་པའི་ཆོས་འདུལ་བ་ལ་ཚུལ་ཁྲིམས་ཀྱི་ཕུང་བོ་མཐར་ཕྱིན་པར་མཛད། རོང་བོ་ཐོས་བསམ་གླིང་ནས་གཞུང་ལུགས་ལ་སྦྱངས་ཏེ་མཁྱེན་ཚད་དུས་ཁོར་མོ་ཡུག་ཏུ་ཉམས་བཞེས་དང་། ཕྱག་ཏུ་གང་བྱུང་དགེ་ཕྱོགས་སུ་གཏོང་བའི་ངོ་མཚར་གྱི་ཡོན་ཏན་དང་ལྡན་པ་ཡིན་པས། སྐྱབས་མགོན་རིན་པོ་ཆེས་བཀའ་ལྟར་རྒྱུད་པ་གྲྭ་ཚང་གསར་ཚུགས་ཀྱི་ཁྲི་བར་བསྐོས། ཁོང་ལ་ཡོད་པའི་ཕྱག་རྫས་[433]ཐམས་ཅད་གྲྭ་ཚང་ལ་བསྔོས་ཏེ་ཆོས་སྲིད་ཟུང་གིས་ལོ་ལྔའི་རིང་དུ་རྒྱུད་པའི་ཁྲི་བསྐྱངས། འགྲིག་ལམ་དང་ཚོགས་འདོན་གྱི་རིམ་པ་སོགས་ཕྱག་ལེན་སྨད་རྒྱུད་ལྟར་ཐོག་མར་གསང་བ་འདུས་པའི་འཆད་ཉན་འདོན་ཆ་དང་བཅས་པ་བཙུགས། དཔྱིད་ཆོས་དང་། དབྱར་གནས། དགུན་ཆོས་གསུམ་ལ་འཇུག་སྒོ་གསུམ་དུ་བྱེད་པ་ཡིན། འབྲེལ་བ་བཞི་སྦྲགས་དང་། ཐུན་མོང་བ་གཞི་གསུམ་ཕྱག་ལེན། ཐུན་མིན་གར་ཐིག་དབྱངས་གསུམ། བསྐྱེད་རིམ་དངོས་གྲུབ་རྒྱ་མཚོ། རྫོགས་རིམ་རིམ་ལྔ་གསལ་སྒྲོན་བཅས་ཀྱི་ཐོག་ནས་འཆད་ཉན་དང་ཕྱག་ལེན་མཛད་པ་ཡིན། ཁྲི་ཟུར་ནས་སྒྲུབ་པ་ཉམས་ལེན་ཁོ་ནས་དུས་འདའ་བའོ། ཁོང་ནི་རོང་བོ་རྒྱུད་པ་གྲྭ་ཚང་གི་ཁྲི་རབས་གཉིས་པ་ཡིན་ནོ། །

Further Details