- ngag dbang chos grags/
- ID:
- T45480
- ངག་དབང་ཆོས་གྲགས (Tibetan, Tibetan script, Original)
- > ngag dbang chos grags/ (Tibetan, Latin script, Transliteration-THL Extended Wylie Transliteration)
- > ngakwang chödrak (Tibetan, Latin script, Transcription-THL Simplified Tibetan Transcription)
Other Dictionaries
1. Jeffrey Hopkins Dictionary
Others' Translations: {GD:xii,845}Nga-w#ang-chö-drak [1572-1641, a S#a-g#ya author on epistemology]
- language:
- English
3. gangs can mkhas grub rim byon ming mdzod
ཁོང་ནི་རབ་བྱུང་བཅོ་ལྔ་པའི་ལྕགས་ཕོ་བྱི་ལོ་སྟེ་སྤྱི་ལོ 1900 ལོར་སྟོད་ལུང་ཆུ་བཟང་དུ་སྐུ་འཁྲུངས། རབ་བྱུང་བཅུ་དྲུག་པའི་ལྕགས་མོ་བྱ་ལོ་སྟེ་སྤྱི་ལོ 1981 ལོར་སྟོད་ལུང་ཆུ་བཟང་གཡུ་ཐོག་ཁང་གསར་དུ་སྐུ་གཤེགས། ཁོང་དགུང་ལོ་ཆུང་ངུའི་དུས་ནས་ཆུ་བཟང་དགོན་དུ་ཆོས་ཞུགས་མཛད་དེ་རབ་ཏུ་བྱུང་ཞིང་ཡི་གེའི་སྦྱོར་ཀློག་དང་ཆོས་སྤྱོད་བཅས་ལ་མཁས་པར་སྦྱངས། དེ་ནས་ལྷ་སར་ཕེབས་ཏེ་ལྕགས་པོ་རིག་བྱེད་འགྲོ་ཕན་གླིང་དུ་ཞུགས་ཤིང་གསོ་བ་རིག་པ་དང་རྩིས་རིག་བཅས་ལ་ཐོས་བསམ་དཔྱིས་ཕྱིན་པ་མཛད། དགུང་ལོ་སོ་གསུམ་པ་རབ་བྱུང་བཅུ་དྲུག་པའི་ཆུ་ཕོ་སྤྲེལ་ལོ་སྟེ་སྤྱི་ལོ 1932 ལོར་ལྷ་སྡིངས་མདའ་དཔོན་གྱི་བླ་སྨན་མཛད་དེ་ཆབ་མདོར་ཕེབས་ནས་ལོ་དྲུག་ཙམ་བཞུགས། དགུང་ལོ་ཞེ་གཉིས་པར་རྭ་སྒྲེང་ཐུབ་བསྟན་འཇམ་དཔལ་ཡེ་ཤེས་ཀྱི་བླ་སྨན་མཛད། དགུང་ལོ་ང་བདུན་པ་རབ་བྱུང་བཅུ་དྲུག་པའི་མེ་ཕོ་སྤྲེལ་ལོ་སྟེ་སྤྱི་ལོ 1956 ལོར་རྒྱལ་བ་སྐུ་ཕྲེང་བཅུ་བཞི་པ་བསྟན་འཛིན་རྒྱ་མཚོའི་བླ་སྨན་དང་རྩེ་དྲུང་ལས་ཚན་གནས་ལྔ་པའི་གོ་གནས་ཁུར། དགུང་ལོ་རེ་བཞི་པར་ལྷ་ས་སྨན་རྩིས་[436]ཁང་གི་ཡོན་ཀྲང་གཞོན་པ་དང་། གྲོང་ཁྱེར་སྲིད་གྲོས་ཀྱི་ཨུ་ཡོན་གྱི་མཚན་གནས་བཞེས། རིག་གནས་གསར་བརྗེའི་སྐབས་སུ་ངལ་རྩོལ་ནང་དུ་ཞུགས་ནས་བསམ་བློ་བསྒྱུར་བཀོད་གང་ལེགས་མཛད། དགུང་ལོ་གྱ་གཅིག་པ་རབ་བྱུང་བཅུ་དྲུག་པའི་ལྕགས་ཕོ་སྤྲེལ་ལོ་སྟེ་སྤྱི་ལོ 1980 ལོར་དཀར་སར་འདོན་ནས་སྔོན་གྱི་མཚན་གནས་དང་སྨན་པ་མཁས་པའི་ཐོབ་ཐང་བཅས་སྐྱར་གསོ་བྱས། དགུང་ལོ་གྱ་གཉིས་པར་དགོངས་པ་ཆོས་དབྱིངས་སུ་གཤེགས་སོ། ཁོང་གི་མཚན་གཞན་ལ་ཆུ་བཟང་ངག་དབང་ཆོས་གྲགས་ཞེས་ཞུའོ། །ཁོང་གི་གསུང་རྩོམ་ནི་《ཕོ་ནད་བཅོས་ཐབས》བཅས་བཞུགས་སོ། །
- language:
- Tibetan