- ngag dbang blo bzang bstan pa'i rgyal mtshan/
- ID:
- T45494
- ངག་དབང་བློ་བཟང་བསྟན་པའི་རྒྱལ་མཚན (Tibetan, Tibetan script, Original)
- > ngag dbang blo bzang bstan pa'i rgyal mtshan/ (Tibetan, Latin script, Transliteration-THL Extended Wylie Transliteration)
- > ngakwang lozang tenpé gyemtsen (Tibetan, Latin script, Transcription-THL Simplified Tibetan Transcription)
Other Dictionaries
2. gangs can mkhas grub rim byon ming mdzod
ཁོང་ནི་རབ་བྱུང་བཅུ་གཅིག་པའི་ལྕགས་ཕོ་བྱི་ལོ་སྟེ་སྤྱི་ལོ 1660 ལོར་གསེར་ལྗོངས་ཁྲི་ཀའི་ཡུལ་གྱི་གནས་བདག་སྲིན་པོའི་ལྷ་ཞོལ་ཡང་བཟང་ཆོས་ཚ་ནས་སྐུ་འཁྲུངས། རབ་བྱུང་བཅུ་གཉིས་པའི་ས་ཕོ་སྤྲེལ་ལོ་སྟེ་སྤྱི་ལོ 1728 ལོར་སྐུ་གཤེགས། ལ་མོའི་སྐུ་ཕྲེང་གསུམ་[440]པ་ཡིན། རྒྱལ་དབང་ལྔ་བས་ལ་མོ་བློ་གྲོས་རྒྱ་མཚོའི་ཡང་སྤྲུལ་དུ་ངོས་འཛིན་གནང་ཞིང་ཁོང་ལས་རབ་བྱུང་བསྙེན་རྫོགས་ཀྱི་སྡོམ་པའང་མནོས། དེ་ནས་ཧོར་སྨིན་གྲོལ་ཆོས་ཀྱི་རྒྱལ་པོ་དང་། ཀུན་མཁྱེན་འཇམ་དབྱངས་བཞད་པ། ཁྲི་ཆེན་དཔལ་ལྡན་གྲགས་པ། ལ་མོ་གྲགས་པ་རྒྱ་མཚོ་སོགས་མཚན་ལྡན་གྱི་དགེ་བའི་བཤེས་གཉེན་ལྔ་བཅུ་ལྷག་ཙམ་ལ་བསྟེན་ནས་མདོ་སྔགས་རིག་གནས་རབ་འབྱམས་ལ་གསན་བཞེས་རླབས་ཆེན་མཛད། གོང་མ་ཁང་ཞིའི་ཁྲི་ལོ་ཞེ་བཞི་བའི་ལོར་པེ་ཅིན་དུ་ཕེབས་པས་བདག་རྐྱེན་སྤམ་མཐོ་བ་དང་སྦྲགས་ཚ་ཀན་ནོ་མིན་ཧན་གྱི་ཆོ་ལོའི་གཟེངས་བསྟོད་དང་གསེར་ཡིག་འཇའ་ས་གནང་། དབུས་གཙང་དུ་སྔ་ཕྱི་ལན་ལྔ་ཙམ་བྱོན། ཁྱད་པར་དུ་རྒྱལ་དབང་བསྐལ་བཟང་རྒྱ་མཚོ་ལ་མོའི་སྒར་གཞུང་ཨུ་རྒེ་ཁམས་གསུམ་རྣམ་རྒྱལ་དུ་གདན་དྲངས་ཏེ། བཀའ་གདམས་ཕ་ཆོས་བུ་ཆོས་སོགས་ཀྱི་དབང་ལུང་མན་ངག་བདུད་རྩིའི་ཚོགས་ཀྱིས་ཐུགས་ཀྱི་བུམ་བཟང་ཡོངས་སུ་གཏམས་པར་མཛད་ཅིང་རྒྱལ་དབང་མཆོག་གི་གཙུག་ཕུད་ཀྱང་བཞེས་སོ། བཀའ་དྲིན་ཟབ་ཕྱིར་གོང་མས་ཨ་ཆི་ཐུ་ནོ་མིན་ཧན་ཞེས་པའི་མཚན་སྙན་དང་ལུང་ལས་ཀྱིས་གཟེངས་བསྟོད་མཛད་དོ། གཅན་ཚའི་ལ་མོ་བདེ་ཆེན་ཆོས་འཁོར་གླིང་ངམ། རྒྱ་ནག་གོང་མས་དགེ་ཚོགས་གླིང་ཞེས་བསྔགས་པའི་ཆོས་སྡེ་ཆེན་པོ་གསར་དུ་བཏབ། དེར་ལ་མོ་བློ་བཟང་བཀྲ་ཤིས་དང་ཞྭ་དམར་ངག་དབང་འཕྲིན་ལས་སོགས་མཁས་ཆེན་དུ་མས་ཡོངས་སུ་བསྐྱངས་པས་གཞུང་བཀའ་པོད་ལྔའི་འཆད་མཉན་ལ་འགྲན་ཟླ་བྲལ་བ་ཞིག་བྱུང་། གདན་ས་འདི་ནས་ཁྲི་ཆེན་བློ་[441]བཟང་བསྟན་པའི་ཉི་མ་དང་། ཞྭ་དམར་པ་ཎྜི་ཏ། ཐར་ཤུལ་རིན་པོ་ཆེ་སོགས་མཁས་གྲུབ་གསེར་རིའི་ཕྲེང་བ་ཚར་དུ་དངར་བ་མང་དུ་བྱོན། ཁོང་གིས་ཇོ་བོ་ལོ་ཀེ་ཤྭ་ར། རྗེ་ང་འདྲ་མ། རྩེའི་སྒྲོལ་མ་གསུང་འབྱོན་མ་བྱམས་པ་ཆོས་འཁོར་མ་སོགས་རྟེན་རྩ་ཆེན་ཁལ་རྒྱབ་སུམ་བརྒྱ་ལྷག་གདན་དྲངས་པས་ལ་མོའི་རྟེན་མཛོད་ཆེན་མོ་ཞེས་པའི་སྙན་གྲགས་ཡོད་ཀྱང་རིག་གནས་གསར་བརྗེ་སྐབས་སུ་མེད་པར་བཏང་། གསེར་གདུང་ཁྲུ་གསུམ་བཞེངས་པ་དེ་སྒར་གཞུང་ཚོམས་ཆེན་དུ་བཞུགས་ཀྱང་སྤྱི་ཚོགས་བསྒྱུར་བཀོད་བྱེད་སྐབས་མི་དམངས་སྲིད་གཞུང་ལ་རྩིས་སྤྲད་དོ། །
- language:
- Tibetan