- ngag dbang tshul khrims/
- ID:
- T45497
- ངག་དབང་ཚུལ་ཁྲིམས (Tibetan, Tibetan script, Original)
- > ngag dbang tshul khrims/ (Tibetan, Latin script, Transliteration-THL Extended Wylie Transliteration)
- > ngakwang tsültrim (Tibetan, Latin script, Transcription-THL Simplified Tibetan Transcription)
Other Dictionaries
2. gangs can mkhas grub rim byon ming mdzod
ཁོང་གི་འཁྲུངས་འདས་ཀྱི་ལོ་ཚིགས་མི་གསལ། འཁྲུངས་ཡུལ་ཨ་མདོའི་གཅན་ཚའི་ནང་སྟོད་ཡིན། མཚན་གཞན་ལ་ཡེ་ཤེས་རྒྱ་མཚོ་[444]ཞེས་ཞུའོ། ཁོང་གི་གྲྭ་ས་སེ་ར་བྱེས་པ་གྲྭ་ཚང་ཡིན། རབ་བྱུང་བཅུ་གཉིས་པའི་ས་མོ་སྦྲུལ་ལོ་སྟེ་སྤྱི་ལོ 1689 ལོར་བྱ་ཁྱུང་དགོན་པའི་གདན་སའི་ཁྲི་ལ་བཞུགས་ནས་ལོ་ངོ་དྲུག་གི་རིང་དུ་གདན་ས་བསྐྱངས། དེའི་རིང་དུ་འཆད་ཉན་ཤིན་ཏུ་འཕེལ། རྒྱལ་དབང་ལྔ་པའི་སྐུ་པར་དང་། གཟུངས་གཞུག ཀུན་རིག་གི་ཆོ་ག མངོན་རྟོགས་རྒྱན་རྣམས་ཀྱི་པར་ཤིང་གསར་བསྐྲུན་མཛད་དེ། འདི་དག་ནི་ཆོས་སྡེ་འདི་པའི་པར་ཤིང་གསར་བསྐྲུན་མཛད་པའི་ཐོག་མ་ཡིན་པར་མངོན། བླ་བྲང་ཁང་དམར་བཞུགས་ཁྲི་དང་བཅས་པ་གསར་བཞེངས་མཛད། ཁྲི་ཟུར་ནས་གཅན་ཚའི་བྲག་ལུང་དགོན་པ་བཀྲ་ཤིས་ཆོས་གླིང་གསར་འདེབས་མཛད། ཁོང་ནི་གཅན་རོང་གྲྭ་རྒྱུན་ནང་ནས་བླ་མར་བསྐོས་པའི་དང་པོ་ཡིན། དེ་ནས་བསྟན་འགྲོའི་དོན་ཆེན་ལེགས་པར་གྲུབ་ཅིང་དགུང་ལོ་དྲུག་ཅུ་རེ་གཅིག་པར་དགོངས་པ་ཆོས་དབྱིངས་སུ་གཤེགས་ནས་གདུང་ལ་བྱང་ཆུབ་མཆོད་རྟེན་ཁྲུ་ཚད་མ་གསེར་ཤོག་གི་རྩི་ཅན་ཞིག་བཞེངས། ཁོང་ནི་བྱ་ཁྱུང་དགོན་པའི་གདན་སའི་མཁན་རབས་ཉི་ཤུ་རྩ་བཞི་པ་ཡིན་ནོ། །
- language:
- Tibetan