- rngog legs pa'i shes rab/
- ID:
- T50048
- རྔོག་ལེགས་པའི་ཤེས་རབ (Tibetan, Tibetan script, Original)
- > rngog legs pa'i shes rab/ (Tibetan, Latin script, Transliteration-THL Extended Wylie Transliteration)
- > ngoklek pesherap (Tibetan, Latin script, Transcription-THL Simplified Tibetan Transcription)
Other Dictionaries
1. Jeffrey Hopkins Dictionary
Others' Translations: {GD:ix,xiii} N#gok-lek-b#ay-s#hay-rap (circa 11th c.), a G#a-dam-b#a author on epistemology
- language:
- English
5. dung dkar bod rig pa'i tshig mdzod chen mo
བཀའ་གདམས་ཀྱི་མེས་པོ་ཇོ་འབྲོམ་ཡབ་སྲས་གསུམ་གྱི་ཡ་གྱལ་ཡིན་ལ། ཇོ་བོ་རྗེའི་སློབ་མ་སྙན་གྲགས་ཅན་དབུས་ཀྱི་ཁུ་རྔོག་འབྲོམ་གསུམ་གྱི་ཡ་གྱལ་ཡང་ཡིན། ཆོས་རྒྱལ་ཁྲི་སྲོང་ལྡེ་བཙན་གྱི་བློན་པོ་རྔོག་ཆེན་པོའི་རྒྱུད་པ་ཡར་འབྲོག་དོའི་ཕྱི་རོལ་གྱི་མཚོ་ཆེན་པོའི་འགྲམ་དུ་གྲོང་ཆགས་པའི་སྔགས་རྙིང་མ་བའི་དགེ་བཤེས་རྡོ་རྗེ་གཞོན་ནུར་སྲས་ལྔ་ཡོད་པའི་ཆེ་བར་སྐུ་འཁྲུངས། འབྲིང་ཡེ་ཤེས་ཡོན་ཏན་ལས་རབ་ཏུ་བྱུང་། སྐུ་ན་ཆུང་ངུའི་དུས་མངའ་རིས་གུ་གེ་རྒྱལ་པོས་ཁ་ཆེའི་ཡུལ་དུ་མངགས་ཏེ་ནང་པ་སངས་རྒྱས་པའི་ཆོས་ལུགས་སློབ་གཉེར་མཛད་ནས་མཁས་པར་གྱུར། ཕྱིས་སུ་ལོ་ཆེན་རིན་ཆེན་བཟང་པོར་རོགས་མཛད་དེ་བཀའ་ཆོས་བསྒྱུར། རབ་བྱུང་དང་པོའི་ཤིང་བྱ（ ༡༠༤༥ ལོར )དབུས་སུ་ཕེབས་སྐབས་རྔོག་གིས་ལྷ་སར་སྤྱན་དྲངས། སྤྱན་རས་གཟིགས་ཀྱིས་མི་དཀར་པོ་ཞིག་ཏུ་བྱས་ནས་བསུ་བ་མཛད། ནག་ཚོ་དང་ལྷན་དུ་ཇོ་བོ་དང་མཇལ་ཏེ་ཇོ་བོའི་ཐུགས་སྲས་སུ་གྱུར། རྔོག་གིས་ལོ་པཎ་ལ་ཞུས་ནས་རྟོག་གེ་འབར་བ་བསྒྱུར། དེ་ནས་ཁུ་སྟོན་བརྩོན་འགྲུས་གཡུང་དྲུང་དང་ལྷན་དུ་ཇོ་བོའི་དྲུང་ནས་བཀའ་གདམས་བུ་ཆོས་ཞུས། རབ་བྱུང་དང་པོའི་ཆུ་གླང་（ ༡༠༧༣ )ལོར་གསང་ཕུ་ནེའུ་ཐོག་དགོན་པ་བཏབ། རྔོག་ལོ་ཡབ་སྲས（ལེགས་པའི་ཤེས་རབ་དང་བློ་ལྡན་ཤེས་རབ་གཉིས་ལ་ཞུ) ཀྱིས་ཚད་མ་རྣམ་ངེས་དང་བྱམས་ཆོས་གཞིར་བཞག་གིས་གསང་ཕུར་རིགས་ལམ་ནས་དྲངས་པའི་འཆད་ཉན་ཤིན་ཏུ་དར་པོ་བྱུང་། སློབ་མ་མཁས་པ་ཉིད་ཀྱི་དབོན་རྔོག་བློ་ལྡན་ཤེས་རབ་སོགས་བྱུང་།
- language:
- Tibetan
8. gangs can mkhas grub rim byon ming mdzod
ཁོང་གི་འཁྲུངས་འདས་ཀྱི་ལོ་ཚིགས་མི་གསལ། དགེ་བཤེས་རྡོ་རྗེ་གཞོན་ནུའི་སྲས་སུ་སྐུ་འཁྲུངས། ཁོང་མངའ་རིས་གུ་གེ་རྒྱལ་པོས་བྱིས་པ་ཤེས་རབ་ཆེ་བ་ཉི་ཤུ་རྩ་བདུན་འདམས་ནས་ཁ་ཆེའི་ཡུལ་དུ་སངས་རྒྱས་ཆོས་ལུགས་སློབ་སྦྱོང་བྱེད་པར་བཏང་བའི་གྲས་ནས་མཁས་ཤོས་ཤིག་ཡིན། འབྲིང་ཡེ་ཤེས་ཡོན་ཏན་ལས་རབ་ཏུ་བྱུང་། སྡེ་སྣོད་སློབ་པའི་ཕྱིར་དུ་ཁམས་སུ་བྱོན་ཏེ་ཇོ་བོ་སེ་བཙུན་ལས་ཆོས་མང་དུ་མཁྱེན་ནས་ཁུ་སྟོན་བརྩོན་འགྲུས་གཡུང་དྲུང་དང་འགྲོགས་ཏེ་དབུས་སུ་ཕེབས། བཤད་གྲྭ་བཙུགས་ནས་སློབ་མ་ཡང་མང་དུ་བསྐྱངས། དེ་ནས་ཇོ་བོ་རྗེ་དཔལ་ལྡན་ཨ་ཏི་ཤ་ལ་བསྟེན་ཏེ་ཕྱི་ནང་ཐུན་མོང་དང་ཐུན་མོང་མ་ཡིན་པའི་གདམས་ངག་མང་དུ་གསན། ལོ་ཆེན་རིན་ཆེན་བཟང་པོ་ལ་རོགས་རམ་མཛད་ནས་སྒྲ་བསྒྱུར་མཛད་པ་མ་ཟད་ལོ་ཆེན་གྱི་སློབ་མ་ཡང་ཡིན། ཇོ་བོ་རྗེ་དཔལ་ལྡན་ཨ་ཏི་ཤས་ལུང་བསྟན་ལྟར་ཁོང་གིས་རབ་བྱུང་དང་པོའི་ཆུ་མོ་གླང་ལོ་སྟེ་སྤྱི་ལོ 1073 ལོར་གསང་ཕུ་ནེའུ་ཐོག་དགོན་པ་གསར་འདེབས་མཛད་ཅིང་། ཕྱོགས་སོ་སོ་ནས་གྲྭ་པ་ལྔ་བརྒྱ་ཙམ་འདུས་ཤིང་། དེ་དག་ལ་ཇོ་བོའི་གཙོ་བོར་མཛད་[476]ཅིང་འཆད་ཉན་ཤིན་ཏུ་དར་བར་མཛད།
- language:
- Tibetan
9. Lokesh Chandra Tibetan-Sanskrit dictionary
- Sanskrit:
- ° suprajña