- mchims blo bzang grags pa/
- ID:
- T61041
- མཆིམས་བློ་བཟང་གྲགས་པ (Tibetan, Tibetan script, Original)
- > mchims blo bzang grags pa/ (Tibetan, Latin script, Transliteration-THL Extended Wylie Transliteration)
- > chimlo zangdrakpa (Tibetan, Latin script, Transcription-THL Simplified Tibetan Transcription)
Other Dictionaries
3. gangs can mkhas grub rim byon ming mdzod
ཁོང་ནི་རབ་བྱུང་ལྔ་པའི་ས་མོ་ཕག་ལོ་སྟེ་སྤྱི་ལོ 1299 ལོར་མྱང་སྟོད་སྨོན་འགྲོའི་ཁའུར་མཆིམས་ཀྱི་རིགས་སུ་སྐུ་འཁྲུངས། རབ་བྱུང་དྲུག་པའི་ཤིང་མོ་ཡོས་ལོ་སྟེ་སྤྱི་ལོ 1375 ལོར་སྐུ་གཤེགས། ཁོང་[599]གིས་མཁན་ཆེན་འདུལ་འཛིན་གྲགས་པ་བརྩོན་འགྲུས་དང་། མཁན་ཆེན་གྲགས་པ་ཤེས་རབ། རྒྱང་རོ་བྱང་འབུམ་སོགས་ སློབ་དཔོན་དུ་བསྟེན་ནས་བཀའ་གདམས་པའི་གདམས་ངག་མ་ལུས་པ་ཐུགས་སུ་ཆུད་པར་མཛད། རབ་བྱུང་དྲུག་པའི་མེ་མོ་གླང་ལོ་སྟེ་སྤྱི་ལོ 1337 ལོ་ནས་བཟུང་ལོ་ངོ་སོ་དགུའི་བར་དུ་སྣར་ཐང་གི་གདན་ས་བསྐྱངས་ཏེ། འཆད་རྩོད་རྩོམ་གསུམ་གྱི་སྒོ་ནས་བཀའ་གདམས་བསྟན་པའི་བྱ་བ་རྒྱ་ཆེན་པོ་མཛད། མདོ་སྨད་དུ་རྗེ་ཙོང་ཁ་པ་འཁྲུངས་པར་ཡང་ཆོས་རྗེ་དོན་གྲུབ་རིན་ཆེན་ལ་ལུང་བསྟན་པ་དང་། ངའི་མིང་འདི་ཁྱེའུ་དེ་ལ་ཐོགས་ཤིག་ཅེས་བཀའ་བསྩལ་ཏོ། གཞན་ཡང་ཆོས་སྡེར་ཤ་ཁྲིམས་དང་། ཕམ་པ་མི་བསྟེན་པ་ལ་སོགས་པའི་ཁྲིམས་དམ་པར་མཛད། གདུལ་བྱ་མཐའ་ཡས་པ་སྨིན་གྲོལ་གྱི་ལམ་ལ་བཀོད་དོ། ཁོང་གི་གདུང་རྟེན་ནི་བཀྲ་ཤིས་སྒོ་མང་ཆེན་པོ་དེ་ཡིན། ཁོང་ནི་དཔལ་སྣར་ཐང་དགོན་པའི་གདན་རབས་བཅུ་གཉིས་པ་ཡིན།།
- language:
- Tibetan