- stong nyid bcu drug
- ID:
- T78916
- སྟོང་ཉིད་བཅུ་དྲུག (Tibetan, Tibetan script, Original)
- > stong nyid bcu drug (Tibetan, Latin script, Transliteration-THL Extended Wylie Transliteration)
- > tongnyi chudruk (Tibetan, Latin script, Transcription-THL Simplified Tibetan Transcription)
Other Dictionaries
2. Ives Waldo Dictionary
-
16 kinds of emptiness
- language:
- English
-
16 kinds of emptiness [see kenjug page 118a]
- language:
- English
3. dung dkar bod rig pa'i tshig mdzod chen mo
༡.ནང་སྟོང་པ་ཉིད། ༢.སྟོང་པ་ཉིད། ༣.ཕྱི་ནང་སྟོང་པ་ཉིད། ༤.སྟོང་པ་ཉིད་སྟོང་པ་ཉིད། ༥.ཆེན་པོ་སྟོང་པ་ཉིད། ༦.དོན་དམ་པ་སྟོང་ཉིད། ༧.འདུས་བྱས་སྟོང་ཉིད། ༨.འདུས་མ་བྱས་སྟོང་ཉིད། ༩.མཐའ་ལས་འདས་པ་སྟོང་ཉིད། ༡༠.ཐོག་མ་དང་ཐ་མ་མེད་པ་སྟོང་ཉིད། ༡༡.དོར་བ་མེད་པ་སྟོང་ཉིད། ༡༢.རང་བཞིན་སྟོང་ཉིད། ༡༣ཆོས་ཐམས་ཅད་སྟོང་སྟོང་ཉིད། ༡༤.རང་གི་མཚན་ཉིད་སྟོང་ཉིད། ༡༥.མི་དམིགས་པ་སྟོང་ཉིད། ༡༦.དངོས་པོ་མེད་པའི་ངོ་བོ་ཉིད་སྟོང་ཉིད་དེ་བཅུ་དྲུག་གོ། དེ་ཡང་མིག་སོགས་ནང་གི་སྐྱེ་མཆེད་དྲུག་བདེན་པར་གྲུབ་པ་མེད་པས་ནང་སྟོང་པ་ཉིད་དེ་བཞིན་དུ་གཟུགས་སོགས་ཕྱིའི་སྐྱེ་མཆེད་དྲུག་སྟོང་པ་ཕྱི་སྟོང་པ་ཉིད། ཕྱི་དང་ནང་གི་སྐྱེ་མཆེད་གཉིས་ཀ་སྟོང་པ་ཕྱི་ནང་སྟོང་པ་ཉིད་སྟོང་པ་ཞེས་བྱ་བ་དེ་ཉིད་ཀྱང་དངོས་པོ་མེད་པར་སྟོན་པའི་སྟོང་པ་ཉིད། ཆོས་རྣམས་རང་བཞིན་གྱིས་མ་གྲུབ་པར་བདེན་པས་སྟོང་པ་དེ་སྣོད་བཅུད་ཀྱི་འཇོག་རྟེན་མ་ལུས་པར་ཁྱབ་པས་ཆེན་པོ་སྟོང་པ་ཉིད། མྱ་ངན་ལས་འདས་པ་ནི་འཐོབ་བྱའི་མཆོག་གམ་དོན་དམ་པ་ཡིན་ལ། དེ་ཡང་རང་གི་ངོ་བོས་སྟོང་པ་དོན་དམ་སྟོང་པ་ཉིད། སྐྱེ་འགག་གནས་གསུམ་གྱིས་བསྡུས་པའི་ཁམས་གསུམ་རང་རང་གི་ངོ་བོས་སྟོང་པ་འདུས་བྱས་སྟོང་པ་ཉིད། སྐྱེ་འགག་གནས་གསུམ་དང་བྲལ་བའི་འདུས་མ་བྱས་ཀྱི་ཆོས་རྣམས་རང་རང་གི་ངོ་བོས་སྟོང་པ་འདུས་མ་བྱས་སྟོང་པ་ཉིད། རྟག་ཆད་ཀྱི་མཐའ་གཉིས་དང་བྲལ་བ་ནི་མཐའ་ལས་འདས་པའི་སྟོང་པ་ཉིད་འཁོར་བ་ལ་ཐོག་མ་དང་མཐའ་མ་ཞེས་བྱ་བ་དང་སེམས་དང་པོ་བྱུང་ས་དང། བར་དུ་གནས་ས་དང་ཐ་མ་འགྲོ་ས་སྟེ་དུས་གསུམ་རང་རང་གི་ངོ་བོས་སྟོང་པ་ཐོག་མ་དང་མཐའ་མ་མེད་པའི་སྟོང་པ་ཉིད། སེམས་ཉིད་ལ་སྐྱོན་ཡོན་གྱི་བླང་དོར་སྟེ་རང་རང་གི་ངོ་བོས་སྟོང་པ་དོར་བ་མེད་པ་སྟོང་པ་ཉིད་འདུས་བྱས་དང་འདུས་མ་བྱས་ཀྱི་ཆོས་ཐམས་ཅད་ཡེ་ནས་སྟོང་པ་ཉིད་ཀྱིས་ཁྱབ་པ་སྟེ་རང་བཞིན་གྱིས་སྟོང་པར་གནས་པ་རང་བཞིན་སྟོང་པ་ཉིད། ཆོས་ཐམས་ཅད་འདུས་བྱས་དང་འདུས་མ་བྱས་སུ་མ་འདུས་པ་མེད་ལ་དེ་དག་རང་རང་གི་ངོ་བོས་སྟོང་པ་ཆོས་ཐམས་ཅད་སྟོང་པ་ཉིད། གཟུགས་ནས་རྣམ་མཁྱེན་བར་གྱི་ཆོས་ཐམས་ཅད་རང་གི་མཚན་ཉིད་སྨྲ་བསམ་བརྗོད་ལས་འདས་པས་རང་གི་མཚན་ཉིད་སྟོང་པ་ཉིད། ཕྱི་ནང་གི་ཆོས་ཐམས་ཅད་འདས་པ་དང་ད་ལྟ་བ་དང་མ་འོངས་པའི་དུས་གང་དུའང་དོན་དམ་པར་སེམས་ཀྱི་དམིགས་པའི་ཡུལ་དུ་མ་གྱུར་པས་ན་མི་དམིགས་པ་སྟོང་པ་ཉིད། རྐྱེན་ལས་བྱུང་བའི་དངོས་པོ་རྣམས་ལ་དོན་དམ་པར་རྒྱུན་དང་ཚོགས་པའི་དངོས་པོ་མེད་པ་དེ་ནི་དངོས་པོ་མེད་པིའ་ངོ་བོ་ཉིད་ཅེས་བྱ་བ་ཡིན་ཞིང་། དེ་ཉིད་རང་གི་ངོ་བོས་སྟོང་པ་ནི་དངོས་པོ་མེད་པའི་ངོ་བོ་ཉིད་སྟོང་པ་ཉིད་དོ།
- language:
- Tibetan